Logo

Հայտնի է՝ երբ և որ համարի ներքո ելույթ կունենա Բրյունետը «Եվրատեսիլ 2023»-ին

13:28 / 23.03.2023Համերգ
Բրյունետ-Future Lover

«Եվրատեսիլ 2023» երգի միջազգային մրցույթում Հայաստանի ներկայացուցիչ Բրյունետը «Future Lover» երգով ելույթ կունենա մրցույթի երկրորդ կիսաեզրափակիչում՝ 2-րդ համարի ներքո: Այս մասին հայտնում է մրցույթի պաշտոնական էջը:

Բրյունետ-Future Lover

Բրյունետի եվրատեսիլյան երգը հրապարակվել է մարտի 15-ին, «Եվրատեսիլ»-ի պաշտոնական ալիքում այն արդեն 2,5 մլն դիտում ունի։

«Future Lover»-ը բանաստեղծական շնչով անհասցե նամակ է: «Մի օր համացանցում ինձ ոգեշնչող մի պարզ ու գեղեցիկ գրառում տեսա. տողերն իմ գլխում անմիջապես մեղեդի դարձան ու նոր զգացմունքներ արթնացրին։ Երգն այն մասին է, որ կյանքի ընթացքում մենք բոլորս փնտրում ենք այն մեկին` ապագա սիրեցյալին, որը կդառնա մեր երազանքների, իդեալների, վախերի մարմնավորումը»,-  նշում է Բրյունետը: 

«Եվրատեսիլ 2023»-ը տեղի է ունենալու Լիվերպուլ քաղաքում: Համերգները տեղի են ունենալու մայիսի 9-ին, 11-ին և 13-ին։