Logo

Էնի Լեյբովից. Ո՞վ է այն լուսանկարի հեղինակը, որը տպավորեց բոլորին

Հեղինակ
Աննա Անտոնյան
17:01 / 22.11.2022Արվեստանոց
null

Ցանկանո՞ւմ եք իմանալ, թե ինչ հաջողությունների կարող է հասնել կինը լուսանկարչության աշխարհում: Էնի Լեյբովիցը դա հստակ ապացուցում է: Վստահաբար կարելի է ասել, որ նա լուսանկարչության պատմության ամենահայտնի դիմանկարիչներից է, մարդ, որի տեսախցիկին նայել են մեր օրերի գրեթե բոլոր հայտնիները, ֆանտաստիկ հաջողակ վարպետ նորաձևության գովազդային արշավներում։

Էնի Լեյբովիցի լուսանկարներն օգնում են հնարավորինս մոտենալ հայտնիներին՝ ներկայացնելով նրանց պայծառ, ոչ ստանդարտ, հաճախ ցնցող և միշտ բացելով մարդուն նոր տեսանկյունից. այս ամենը վաղուց դարձել է ժամանակակից մշակույթի անփոխարինելի բաղադրիչ: Հենց Լեյբովիցն է արել Ջոն Լենոնի վերջին ֆոտոշարքը, որում The Beatles-ի նախկին առաջնորդը մերկ պառկած է կնոջ կողքին։


Ռոնալդու-Մեսի


Կրիշտիանու Ռոնալդուն և Լիոնել Մեսին վերջերս հայտնվեցին Լեյբովիցի օբյեկտիվի առաջ՝ Louis Vuitton ապրանքանիշի գովազդում: Այդ գովազդում աստղային ֆուտբոլիստները շախմատ են խաղում: Լուսանկարը միանգամից տարածվեց ամբողջ համացանցով և դարձավ ամենաքննարկվողը՝ ստանալով ընդհանուր առմամբ ավելի քան 60 միլիոն հավանում՝ ավելի քան 29 միլիոն՝ Մեսիի, ավելի քան 38 միլիոն՝ Ռոնալդուի, ևս 3,6 միլիոն՝ բրենդի օգտահաշվում և ավելի քան 500 հազար՝ լուսանկարի հեղինակի էջում։ Բոլորին թվում էր, թե մրցակից ֆուտբոլիստները մի կողմ են թողել մրցակցությունը ֆուտբոլի դաշտում և միասին նկարահանվում են գովազդային հոլովակում, սակայն ավելի ուշ պարզվեց, որ նրանք նկարահանվել են առանձին-առանձին։

Եվ եթե ինչ-որ մարդիկ չգիտեին Էնի Լեյբովից լուսանկարչին, ապա այս լուսանկարի տարածումից հետո արդեն գիտեն:


Եվս մեկ գովազդային արշավ լեգենդար ֆուտբոլիստներով և կրկին Louis Vuitton ապրանքանիշի համար․ Էնի Լեյբովիցը լուսանկարել է ֆուտբոլային աստղեր Պելեին, Դիեգո Մարադոնային և Զինեդին Զիդանին։


фото by Annie Leibovitz Джон Леннон


Ինչ վերաբերում է Ջոն Լենոնի հայտնի լուսանկարին, ապա ի սկզբանե որոշվել էր միայնակ նկարահանել երաժշտին, սակայն մի քանի փորձերից հետո Լենոնը սկզբունքորեն պնդել է հակառակը։ Վերջնական նկարը խորհրդանշում է նրա անսահման կապվածությունը կնոջը․ նա գգվում է նրան որպես կյանքի միակ հենարանի՝ ասես պառկած լինելով մոր արգանդում՝ երեխայի դիրքով։

Լուսանկարը, որն իր ազդեցությամբ բացառիկ էր, համընկավ Լենոնի նոր ալբոմի թողարկման հետ, բայց դարձավ նրա կյանքի վերջին վկայությունը։ Շատ հետազոտողներ այս կադրն անվանում են լավագույնը դիմանկարային լուսանկարչության պատմության մեջ՝ ոչ միայն դրամատիկ համատեքստի, այլև զարմանալիորեն հզոր տեսարանի շնորհիվ:

2005 թվականին ամերիկյան ամսագրերի խմբագիրների համայնքը ամսագրի՝ Ջոն Լենոնի լուսանկարով շապիկը ճանաչեց լավագույնն իր 40-ամյա պատմության մեջ։ Նկարը բազմիցս վերարտադրել են ժամանակակից արտիստները։

Լեյբովիցը հրավիրվել է լուսանկարելու թագուհի Եղիսաբեթ II-ին, որին նույնիսկ համոզել է լուսանկարվել առանց թագի: Լուսանկարել է նաև Միխայիլ Գորբաչովին, աշխատել է մի քանի ամերիկյան նախագահների և բարձրաստիճան քաղաքական գործիչների հետ։ Բայց ամենից շատ նրա պորտֆոլիոյում, իհարկե, կինոյի և երաժշտության ոլորտի աստղերի լուսանկարներն են:


 


фото by Annie Leibovitz Михаил Горбачев


Զուր չէ, որ նրան անվանում են «ռոքնռոլի լուսանկարիչ». առանց Էնիի՝ Rolling Stone-ի, Time-ի, Interwiev-ի, The New York Times-ի և այլ ազդեցիկ ամսագրերի շատ լեգենդար շապիկներ չէին լինի։ Նա ակտիվորեն համագործակցում է Vanity Fair-ի հետ, որի համար ստեղծում է կինոաստղերի տպավորիչ, «հանդիսավոր» լուսանկարներ՝ ինչպես խմբակային, այնպես էլ դիմանկարային:


фото by Annie Leibovitz Мэрил Стрип


Լուսանկարիչը հրաշքով «ստիպում» է յուրաքանչյուր կնճիռի, ձեռքի դիրքի, գլխի թեքության պատմել մարդու պատմությունը կամ ինչ-որ իրադարձության մասին:


фото by Annie Leibovitz


Միևնույն ժամանակ, Լեյբովիցը հայտնի է դետալների նկատմամբ գերուշադրությամբ։ Նրա ֆեշն լուսանկարներում կամ խմբակային կադրերում դուք կարող եք տեսնել ամենափոքր նրբությունները: Դրանք բոլորն էլ ընդգծված են, սակայն գերծանրաբեռնվածության զգացողություն չկա։ Նման ներդաշնակություն է ստացվում Լեյբովիցի հավասարակշռության և տեսարանի երկրաչափության յուրահատուկ զգացողության շնորհիվ. բոլոր մասնակիցներն ու առարկաներն իդեալական դիրք են զբաղեցնում: Այսպիսով, և՛ առաջին, և՛ հետին պլանը հավասարակշռված են:

Մանկություն և ոճի ձևավորում

Էնին, ավելի ճիշտ՝ Աննա-Լուն ծնվել է ԱՄՆ Կոնեկտիկուտ նահանգում, 1949 թվականի հոկտեմբերի 2-ին, ռազմաօդային ուժերի գնդապետի մեծ ընտանիքում: Նրա նախնիների թվում կան Ռուսաստանը լքած հրեաներ և ռումինացի գաղթականներ: Էնիի մայրը ժամանակակից պարեր է դասավանդել Սան Ֆրանցիսկոյի ինստիտուտում և աղջկա մեջ սեր է սերմանել արվեստի հանդեպ։ Հոր զինծառայության պատճառով հաճախ ընտանիքը տեղափոխվել է մի երկրից մյուսը։ Ֆիլիպինները խորհրդանշական էին. այնտեղ էր, որ Աննա-Լուն արեց իր առաջին կադրերը: Հոբբին լրջացավ դպրոցն ավարտելու շրջանում։

Լեյբովիցը մանրակրկիտ ուսումնասիրեց ռեպորտաժային աշխատանքը. Անրի Կարտիե-Բրեսոնի և Ռոբերտ Ֆրանկի լուսանկարներն օգնեցին, երբ նա սկսեց շրջագայել հայտնի երաժիշտների հետ: Նա ընտրեց նույն ինստիտուտը, որտեղ աշխատում էր մայրը՝ կենտրոնանալով նկարչության վրա, բայց երկրորդ կուրսից և Ճապոնիա մեկնելուց հետո սկսեց լուսանկարչություն սովորել։ Երրորդ տարում աղջիկը գնաց իր առաջին լուրջ նկարահանմանը՝ Իսրայել․ հնագետների խմբի հետ միասին նա աշխատեց Սողոմոն թագավորի պալատի ավերակների պեղումների վրա։ Ճամփորդությունից հետո Լեյբովիցը վերջապես որոշեց նվիրվել լուսանկարչությանը։

Էնին կարողացավ ծանոթանալ Rolling Stone ամսագրի գլխավոր խմբագրի հետ, որի լուսանկարները հետաքրքրում էին նրան։ Ջեն Ուենները կարողացավ հասկանալ, որ իր առջև ոչ շարքային, թեև շատ երիտասարդ վարպետ էր, և քսան տարեկանում Էնին սկսեց անընդմեջ համագործակցել հրատարակության հետ։ 1970 թվականից նա լուսանկարել է Բոբ Դիլանին, Փաթի Սմիթին, Բոբ Մառլիին և այլ աստղերի՝ ստուդիայում և հյուրախաղերի ժամանակ։ Օրինակ՝ 1975 թվականին հենց նա է աշխատել The Rolling Stones-ի հյուրախաղերի ժամանակ՝ ստեղծելով երաժիշտների և նրանց շրջապատի սև-սպիտակ դիմանկարները, որոնք դարձել են դասական։


фото by Annie Leibovitz Мик Джаггер


Մի քանի տարում Լեյբովիցը կարողացավ դառնալ ամսագրի գեղարվեստական բաժնի ղեկավարն ու գլխավոր լուսանկարիչը՝ պահպանելով ստեղծագործական ինքնարտահայտման ազատությունը, ինչը զարմանալի է այդքան մեծ պարբերականի համար։

Կարիերայի ծաղկման շրջանը. 80-90-ականներ

1983 թվականին լուսանկարչի կյանքում զգալի փոփոխություններ տեղի ունեցան։ Նա թողարկեց իր առաջին գիրքը՝ ստեղծագործությունների ալբոմը, որը վաճառվեց մեկ միլիոն օրինակով։ Միևնույն ժամանակ, Լեյբովիցը Rolling Stone-ից տեղափոխվեց Vanity Fair, որի համար հաջորդ տասնամյակների ընթացքում ստեղծեց գլամուրային, արտահայտիչ և բարդ պատկերների մի ամբողջ պատկերասրահ: Ստեղծագործական կյանքում նոր դարաշրջանի անցումը ցավալի էր և սթրեսային. միշտ միայնակ աշխատելով՝ Լեյբովիցն այժմ ստիպված էր ընդհանուր լեզու գտնել աշխատակիցների հսկայական անձնակազմի հետ՝ դիմահարդարներ, ոճաբաններ, ռեժիսորներ, պրոդյուսերներ:

Լեյբովիցը բազմաթիվ շապիկներ է արել The New York Times-ի, Paris Match-ի և այլ հրատարակությունների համար: Նրա օբյեկտիվում ուրախ էին հայտնվել ոչ միայն Մայքլ Ջեքսոնն ու Անջելինա Ջոլին, այլև Ջորջ Բուշը, Ֆրենսիս Ֆորդ Կոպպոլան և Միխայիլ Բարիշնիկովը։


фото by Annie Leibovitz Анжелина Джоли


Լուսանկարչի ամենատպավորիչ աշխատանքներից է Դեմի Մուրի մերկ լուսանկարը, որում նա 8 ամսական հղի է։ 



Էնի Լեյբովիցը համագործակցել է Honda-ի, Gap-ի և նորաձևության այլ հեղինակավոր տների հետ։ Նրա աշխատանքները Christian Dior-ի կամ Louis Vuitton-ի համար երկար ժամանակ եղել են «ապրանքանիշի դեմքը»։ 

Լուսանկարիչի պորտֆոլիոն ներառում է նաև սոցիալական և քաղաքական նախագծեր։ Դրանց թվում՝ 1986 թվականին Մեխիկոյում ֆուտբոլի առաջնությունը, Ատլանտայի Օլիմպիական խաղերը, աշխատանքն ամերիկացի տիեզերագնացների հետ։


фото by Annie Leibovitz


1990-ականների սկզբին Լեյբովիցը բացեց իր սեփական ստուդիան Նյու Յորքում և թողարկեց ևս 20-ամյա հետահայաց ալբոմ։ Այդ հարցում նրան շատ է օգնել ամենամոտ ընկերուհին՝ ամերիկացի գրող Սյուզան Սոնթագը։ Նրանք ծանոթացել են 80-ականների վերջին Սոնթագի՝ ՁԻԱՀ-ի մասին գրքի շուրջ աշխատելու ժամանակ և միանգամից հավանել միմյանց։ Մինչ գրողի մահը նրանք մնացին շատ մտերիմ և վստահելի հարաբերությունների մեջ. լուսանկարիչը Սոնթագի հետ միասին հրատարակեց «Կանայք» ալբոմը, որում հայտնիների դիմանկարներն «ընդմիջված» էին սովորական ամերիկուհիների կադրերով։


Сьюзан Зонтанг

Սյուզան Սոնթագ


фото by Annie Leibovitz


Այստեղ և հիմա

90-ականների սկզբին Լեյբովիցն աշխատում էր Սարաևոյում՝ օգնելով արևմտյան հասարակությանն իմանալ բալկանյան պատերազմի բոլոր սարսափների մասին: Նրա տարեգրությունը հնարավորություն տվեց արտացոլել տեղի ունեցողը և ընդգծել դրա անընդունելիությունը։ 2000-ականներին Vanity Fair-ից հեռանալուց հետո նա շարունակեց տպավորիչ նկարներ անել, բայց ավելի հանգիստ և չափված տեմպերով:


 


Այս կնոջ խիզախությունը վերաբերում է ոչ միայն մասնագիտական, այլև անձնական կյանքին՝ նա 51 տարեկանում լույս աշխարհ բերեց իր առաջնեկին՝ դստերը՝ Սառա Քեմերոնին, որից շատ չանցած որոշեց կրկին երեխաներ ունենալ։ Երկվորյակներ Սեմյուելն ու Սյուզանը ծնվել են փոխնակ մորից, իսկ այժմ լուսանկարիչն ակտիվորեն զբաղվում է երեխաներով՝ ասելով, որ իր տունն ավելի շատ նման է ամառային սկաուտական ​​ճամբարի։


дети энни лейбовиц | Annie leibovitz photography, Annie ...


Նա շարունակում է տպավորիչ արշավներ անել ամսագրերի և նորաձևության տների համար, իսկ նրա աշխատանքների ցուցահանդեսներ են անցկացվում ամբողջ աշխարհում։ Չնայած պարտքերի հետ կապված խնդիրներին՝ Լեյբովիցը շարունակում է վայելել կյանքը։


 


Կենդանի ֆոտոլեգենդը պնդում է, որ լինելով շատ երկչոտ մարդ՝ փորձում է տեսախցիկի տեսքով խոչընդոտ դնել իր և մոդելի միջև։ Միևնույն ժամանակ, նա, ինչպես ոչ ոք, գիտի, թե ինչպես վստահելի հարաբերություններ կառուցել մարդկանց հետ, ինչի շնորհիվ նրանք լիովին բացահայտվում են օբյեկտիվի առաջ։ 


фото by Annie Leibovitz Вупи Голдберг

фото by Annie Leibovitz Марк Цукерберг с семьей

фото by Annie Leibovitz календарь Pirelli 2016