Vanity Fair-ը հրապարակել է ռեժիսոր Դենի Վիլնյովի սպասվող «Դյունա» ֆիլմի առաջին պաշտոնական կադրը՝ ամերիկացի ֆանտաստ գրող Ֆրենկ Հերբերտի համանուն վեպի նոր էկրանավորումը։ Կադրում պատմության հերոս Փոլ Աթրեյդեսն է՝ նա երևում է իր ընտանիքի հարազատ Կալադանա մոլորակի ծովափի ֆոնին՝ դերասան Թիմոթի Շալամեիի կատարմամբ։
«Դյունա» ֆիլմի առաջին պաշտոնական կադրը
«Փոլի մեջ ինձ միանգամից գրավեց այն, որ նմանատիպ ծավալուն, մանրակրկիտ և աշխարհակառույց պատմության մեջ պրոտոգոնիստի ուղին նման է չարագործի ճամփորդության»-ասել է Շալամեն իր հերոսի մասին։
Բացի Շալամեից ֆիլմում ներգրավված են այնպիսի հայտնի դերասաններ, ինչպիսիք են՝ Ջոշ Բրոլինը, Ջեյսոն Մոմոան, Խավիեր Բարդեմը, Օսքար Այզեքը, Սթելան Սքարսգարդը, Շարլոթ Ռեմփլինգը և մյուսները։
Նախատեսվում է, որ ֆիլմը բաժանվելու է երկու մասի, և առաջին մասը էկրան է բարձրանալու 2020 թվականի դեկտեմբերի 17-ին։