Ճամփորդական լուսանկարների մրցույթի հազարավոր մասնակիցներից National Geographic-ը հաղթող է ճանաչել այն միակին, որի «Ձմեռը Գրենլանդիայում» (“Winter in Greenland “) լուսանկարը հիացնում է իր գեղեցկությամբ և հեքիաթային տեսքով: Հաղթողը Վեյմին Չուն է:
Նկարում պատկերված է Գրենլանդիայի հյուսիս-արևմուտքում գտնվող Ուպերնավիկ ձկնորսական գյուղը: Իրականում Գրենլանդիայի տները ներկված են տարբեր վառ գույներով, որպեսզի ընդգծեն դրանց տարբեր իմաստները: Օրինակ, կարմիրով ներկված են խանութի պատուհանները, իսկ կապույտով՝ ձկնորսական տները: Մինչ օրս գունավոր տներն ավելի են գեղեցկացնում գյուղի պատկերը և ձյան հետ ստեղծում հեքիաթի մթնոլորտ:
«Այնքան ներդաշնակ էր ամեն ինչ: Ամբողջ հողը ծածկված է սպիտակ, սառը ձյունով, և մթնշաղի կապույտ երանգն այն ավելի սառն է դարձնում: Սակայն, պատուհաններից դուրս եկող լույսը, ինչպես նաև փողոցի լույսերն ու ընտանիքների ջերմությունն այն տաք, շատ տաք են դարձնում:Ես սիրում եմ այս տեսարանի կոնտրաստն ու տրամադրությունը», – ասել է Չուն:
Չուի պարգևատրությունը կազմել է 7500 դոլար, ինչպես նաև նրա նկարը հրապարակվել է Ինստագրամում՝ @natgeotravel հասցեով:
Այս տարվա մրցույթը բնության, քաղաքների և մարդկանց թեմայով էր:
Ահա մրցույթի այդ կատեգորիաներում հաղթողների գործերը:
Աղբյուր՝ dailymail
