Մեր օրերում ոճային հագնվելու համար պարտադիր չէ մեծ գումարներ ծախսել հագուստի վրա։ Թանկ հագուստը միշտ չէ, որ երաշխավորում է ձեր ոճային տեսքն ու ընդգծում ձեր առանձնահատկությունները։ Մենք առանձնացրել ենք մի քանի բյութի-խորհուրդ, որոնք կօգնեն ձեզ խնայել հագուստի վրա, բայց շքեղ տեսք ունենալ։
Մինիմալիզմ
Հաճախ շքեղության ձգտումը մեզ դրդում է գնել թանկարժեք հագուստ, էլ ավելի էնտուզիաստները մեկ կերպարի մեջ հավաքագրում են ամեն հնարավոր բան՝ վառ աքսեսուարներ, շքեղ բարձրակրունկներ ու գռավիչ զգեստներ. սա, երևի թե, ամենամեծ սխալն է։ Շքեղությունը մինիմալիզմի մեջ է. հստակ երկրաչափական պատկեր, միատոն, բայց որակյալ կտոր, փայլերի ու պրինտների բացակայություն։ Կարճ ասած՝ սկանդինավյան սթրիթ-սթայլը ձեզ կօգնի ստանալ գրավիչ ու մինիմալիստական կերպար։
Բեժ/ բաց դարչնագույն
Բեժը, բաց պաստելային երանգները, սպիտակը ամենաշահեկան ընտրությունն են։ Այս երանգները բացարձակապես պրակտիկ չեն, համաձայն ենք, սակայն հենց դա է, որ թույլ է տալիս վերոնշյալ երանգներին այսքան շքեզ ու հարուստ տեսք ունենալ։ Բեժն ու սպիտակը արիստոկրատական մոտեցում է։ Եթե ձեր զգեստապահարում դեռևս բացակայում են պասլտելային հագուստները, ապա շտապեք ձեռք բերել դրանք։ Բաց, նուրբ երանգների ևս մի առավելությունն այն է, որ դրանք կարելի է համադրել շատ վառ կոշիկների, աքսեսուարների կամ պայուսակների հետ։
Կաշի
Կաշվե հագուստը հավերժական թրենդ է, նրանք, ովքեր կարծում են, որ կաշին մնացել է հեռավոր 90-ականներում, չարաչար սխալվում են։ Վերջին մի քանի սեզոններին կաշին ավելի վստահ քայլերով մտավ մեր զգեստապահարաններ։ Կաշվե հագուստը կարելի է համադրել ամենաանսպասելի կտորների հետ. օրինակ կաշին ու շիֆոնը հիասքանչ ու համարձակ համադրություն է։
Վառ կոստյում
Կոստյումները ոչ միայն թրենդային են, այլև հարմար են բոլոր առիթների համար. կոստյումը վաղուց դուրս է եկել գործնական հանդիպումների սահմաններից ու հիանալի կիրառություն է գտնում երեկոյան ժամադրությունների, անգամ խնջույքների ժամանակ։ 2020-ի ամռանը նորաձև տեսք ունենալու համար կարևոր է կոստյումի ընտրությունը՝ ձևը, գույնը, աքսեսուարները։ Առավել նորաձև են «օվըրսայզ» կոստյումները, որոնք կարելի է կրել թե’ սպորտային կոշիկների, թե’ բարձրակրունկների հետ ու վստահ, ազատ քայլերով գնալ հաջողություններին ընդառաջ։
Երկար զգեստներ
Եթե առանց մեր խորհուրդների էլ դուք նախընտրում եք երկար զգեստներ կրել, ապա, կարելի է համարել, որ ձեր երակներով գրեթե կապույտ արյուն է հոսում։ Դուք ինտուիտիվ, կամ մտածված ընտրել եք ամենանորաձև, պարզ ու շքեղ ոճը։ Քաղաքային կյանքի պայմաններում, եթերային երկար զգեստներ կրելը սոսկ արիստոկրատական մոտեցում է, որը կօգնի շքեղ ու հարուստ կերպար ստեղծել։ Միակ նախապայմանն է՝ պարզ կոշիկնը. հարկ չկա երկար զգոստի պարագայում ընտրել շքեղ բարձրակրունկներ։