Logo

Ջեյսոն Մոմոան վստահեցրել է, որ կմարմնավորի Աքվամենին DC-ի նոր կինոտիեզերքում

Հեղինակ
Աննա Անտոնյան
13:34 / 29.03.2023Կինո
Ջեյսոն Մոմոա-DC

Դերասան Ջեյսոն Մոմոան, որը խաղում է Աքվամենի դերը DC-ի ֆիլմերում, վստահեցրել է, որ իր կերպարը կհայտնվի կինոստուդիայի նոր նախագծերում, գրում է Total Film-ը։

«Պիտեր Սաֆրանը (DC-ի ղեկավարներից մեկը) «Աքվամենը և կորուսյալ թագավորությունը» ֆիլմի պրոդյուսերն է, ինչպես նաև իմ լավ ընկերը: Ես վստահ եմ, որ Աքվամենը կդառնա DC Universe-ի մի մասը: Այդպես էլ նախատեսված է: Աքվամենից ավելի զիլ բան չկա»,- ասել է Մոմոան։

Դերասանը հույս է հայտնել, որ մարդիկ կցանկանան դիտել Աքվամենի մասին նոր ֆիլմը, քանի որ, ըստ «Գահերի խաղի» աստղի, ֆիլմը չափազանց զվարճալի է ստացվել։ Մոմոան հավելել է, որ հաճույք է ստանում կատակերգական դերեր խաղալուց։ 

«Ֆիլմում իսկապես զվարճալի տեսարաններ կան Պատրիկ Ուիլսոնի հետ: Նա ինձ շատ է դուր գալիս: Հիանալի էր նրա հետ աշխատելը, կարծես մենք եղբայրներ լինենք»,- ասել է Մոմոան:

«Աքվամենը և կորուսյալ թագավորությունը» ֆիլմի թողարկումը նախատեսվում է այս տերեվերջին։