Ջո Բայդենը ծնվել է Փենսիլվանիա նահանգի Սքրանթոն քաղաքում, 1942 թ-ին, ամերիկա-իռլանդական կաթոլիկների ընտանիքում։ Նա իր ծնողների չորս երեխաներից ամենամեծն է: Նրա հայրը ՝ Ժոզեֆ ավագը, սնանկ գործարար էր, բայց կարողացավ ոտքի կանգնել ՝ դառնալով ավտոմեքենաների հաջողակ վաճառող, երբ Ջոն արդեն ավագ դպրոցում էր սովորում:
Դպրոցում Բայդենին ծաղրում էին, քանի որ նա կակազում էր: Բայց նա կարողանում է հաղթահարել այդ խնդիրը՝ հայելու առաջ բանաստեղծություններ արտասանելով:
Բայդենը պատմության և քաղաքագիտության մեջ իր առաջին բարձրագույն կրթությունը ստացել է Դելավեր քաղաքի համալսարանում: Դրանից հետո նա իրավագիտություն է սովորել Նյու Յորքի Սիրակուզի համալսարանում, որտեղ հանդիպել է իր առաջին կնոջը՝ Նելիային:
Ուսումնառությունից հետո Բայդենն իր կարիերան սկսել է Դելավեր քաղաքում գտնվող Ուիլմինգթոնի իրավաբանական գրասենյակում։
Բայդենի առաջին կինը նրա համալսարանական սերն էր ՝ Նելիա Հանթերը:
Նրանք ամուսնացել են 1966 թվականին: Ամուսնության ընթացքում ունեցել են երեք երեխա ՝ երկու որդի և դուստր: Բայց ընտանեկան երջանկությունը երկար չի տևում: 1972-ին Բայդենի կինն ու դուստրը զոհվում են ավտովթարի արդյունքում: Ընտանիքը գնացել էր Սուրբ Ծննդյան տոնի համար ծառ գնելու: Որդիները ողջ են մնում, բայց ծանր վիրավորվում են:
Առաջին կնոջ մահից հինգ տարի անց ՝ 1977 թվականին, Բայդենը երկրորդ անգամ ամուսնանում է ուսուցիչ Ջիլի Բայդենի հետ: Լրատվամիջոցները հայտնում են, որ նրանք հանդիպել են կույր ժամադրության ընթացքում, սիրել միմյանց առաջին հայացքից: Այս ամուսնության ընթացքում Բայդենը մեկ դուստր է ունենում։
Բայդենի կյանքի ամենատրագիկ տարում՝ 1972-թ-ին, ընտրություններում 30-ամյա դեմոկրատը դառնում է սենատոր Դելավեր նահանգից ՝ անսպասելիորեն հաղթելով հանրապետականների թեկնածուին: Երդման արարողությունը տեղի է ունենում հիվանդանոցում, որտեղ ավտովթարից հետո վերականգնվում էին երկու որդիները։