Ռուսական արտադրության «Զրոյական պացիենտ» սերիալը ԽՍՀՄ-ում ՄԻԱՎ-ի առաջին խոշոր բռնկման մասին է, որը տեղի է ունենում Կալմիկիայում՝ 1988 թվականին: Սերիալի վրա աշխատել են Սերգեյ Տրոֆիմովը և Եվգենի Ստիչկինը, իսկ սցենարի հեղինակն է Օլեգ Մալովիչկոն: Արտադրությունն իրականացրել է Ալեքսանդր Ցեկալոյի և Իվան Սամոխվալովի «Среда» ընկերությունը։
Նախագծում գլխավոր դերերից մեկը Նիկիտա Եֆրեմովինն է։ Նա մարմնավորում է մայրաքաղաքի համաճարակաբան Դմիտրի Գոնչարովին, որը մեկնում է Էլիստա՝ գտնելու «զրոյական պացիենտին»՝ առաջին վարակվածին: Գոնչարովն իրական նախատիպ ունի՝ Վադիմ Պոկրովսկին՝ Մոսկվայում ՁԻԱՀ-ի համաճարակաբանության և կանխարգելման մասնագիտացված գիտահետազոտական լաբորատորիայի ղեկավարը: Խոսելով իր կերպարի մասին՝ Նիկիտա Եֆրեմովն ընդգծել է, որ սա խորը և բարդ կերպար է, և ճշմարտությունը հասցնելու իր ցանկությունը հիմնված է ոչ միայն խղճի, այլև հոր՝ հայտնի բժշկի ստվերից դուրս գալու ցանկության վրա։
Ելիզավետա Շակիրայի դերը «Զրոյական պացիենտը» սերիալում առաջին մեծ փորձն էր։ Նա մարմնավորում է մոսկվացի ազատասեր ուսանողուհի Ալյոնային՝ Գոնչարովի ընկերուհուն, որն օգնում է հիվանդ երեխաներին։
