Կարո՞ղ եմ իմունային համակարգը լավացնել որևէ մթերքի միջոցով: Հնարավո՞ր է խուսափել կորոնավիրուսից որևէ դեղորայքի միջոցով։
Չկա ոչ մի մթերք, որի ընդունման դեպքում կխուսափեք կորոնավիրուսից:
Այս վիրուսից խուսափելու ամենալավ միջոցը հիգենայի կանոններին հետևելն է: Նաև չկան (ցավոք սրտի) ոչ մի կենսաակտիվ հավելումեր և վիտամիններ (ոչ վիտամին Ց, ոչ Ցինկը, ոչ էլ Դ վիտամինը), ոչ էլ մուլտիվիտամինները չեն բարձրացնում իմունիտետը:
Իմունային ստիմուլատորները հարկավո՞ր են օրգանիզմին, որպեսզի ավելի լավ պայքարեն վարակի դեմ:
Ոչ, դա միֆ է:
Իմուն համակարգը ինքնուրույն կարողանում է պայքարել վարակի դեմ:
Որոշ վարակների դեպքում օգնում են պատվաստումները:
Իսկ ի՞նչպես լավացնել իմունային համակարգը։
1)Առողջ քուն
Փորձեք քնել 7-9 ժամ: Քունը կարգավորելու համար օգտավեք զարթուցիչից: Հետևեք, որ ննջասենյակը լինի մաքուր, անաղմուկ, հարմարավետ: Քնից 90 ր առաջ խուսափեք էկրանին նայելուց: Մինչ քնելը կարող եք կարդալ, երաժշտություն լսել:
2)Ֆիզիկական ակտիվություն
Կանոնավոր, չափավոր ֆիզիկական ակտիվությունը կենսական նշանակություն ունի իմունային համակարգը ուժեղ պահելու համար: Ֆիզիկական Ակտիվության Ուղեցույցները խորհուրդ են տալիս առնվազն 30 րոպե, շաբաթական 5 օր ֆիզիկական ակտիվություն:
3)Մի ծխեք
Խուսափեք ծխելուց, կամ որևէ նյութի ներշնչումից, որը կարող է թունավոր լինել թոքերի համար:
4)Առողջ սննդակարգ
Ուժեղ իմունիտետի ամենակարևոր պայմանը ճիշտ սննդակարգն է: Օգտագործեք բջջանյութերով հարուստ սնունդ, հակաօքսիդանտներով հարուստ բուսական մթերքներ, ամբողջահատիկներ, բազմազան մրգեր, բանջարեղեններ, խոտաբույսեր և համեմունքներ:
5)Կառավարեք սթրեսը
Դադար վերցրեք: Հետևեք շնչառությանը, երաժշտությունը լսեք, կամ զվարճալի հոլովակ դիտեք: Սթրեսի հորմոնը՝ կորտիզոլը, ճնշում է իմունային պատասխանը: Եղեք ուշադիր, նույնիսկ փոքր անհանգստությունը, կարող է նպաստել կորտիզոլի արտադրությանը:
տես նաև՝
[պարզ, հաստակ, ամեն ինչի մասին] սնունդընդունումը կարանտինի ժամանակ
ինչպե՞ս քաշ չհավաքել այս օրերին [Լիդիա Այվազյան]
Կարելի՞ է ջուր խմել ուտելու ընթացքում [Լիդիա Այվազյանն է պարզաբանում]
Առավոտյան 5 սխալ սովորություն, որ վնասում են ձեզ [խորհուրներ դիետոլոգ Լիդիա Այվազյանից]
10 քայլ, որով կարող եք ավելի առողջ դարձնել ձեր սննդակարգը [խորհուրդներ Լիդիա Այվազյանից]