Ֆրանսիացի դերասանուհի Լեա Սեյդուն, որն առավել հայտնի է հատուկ գործակալ Ջեյմս Բոնդի աղջկա դերով, բանակցություններ է վարում Legendary կինոընկերության հետ` «Dune»-ի շարունակությունում նկարահանվելու համար, հայտնում է The Hollywood Reporter-ը:
Ենթադրաբար Սեյդուն կխաղա Արրակիս մոլորակի ազդեցիկ դեմքերից մեկի կնոջ՝ Մարգո Ֆենրինգի դերը։ Նա գլխավոր հերոս Փոլ Աթրեյդեսի դաշնակիցն է:
Առաջին ֆիլմն ընդգրկում է Ֆրենկ Հերբերտի համանուն սագայի կեսը։
«Dune» ֆիլմի երկրորդ մասի նկարահանումները կսկսվեն 2022 թվականի աշնանը։ Արտադրությամբ կզբաղվեն Warner Bros.-ը և Legendary's-ը: Պրեմիերան սպասվում է 2023 թվականի հոկտեմբերի 20-ին։
Ավելի վաղ Խավիեր Բարդեմը խոստացել էր, որ «Dune»-ի երկրորդ մասը կզարմացնի հանդիսատեսին։