Մի անգամ թղթակիցը հարցրեց Օշոյին  իր «տասը պատվիրանների մասին»։ Ի պատասխան Օշոն նշեց, որ դժվար հարց է, որովհետև ինքը դեմ է պատվիրանների, սակայն, զուտ զվարճության համար ներկայացրեց իր պատկերացրած «տասը պատվիրանները»։

Դրանք էին՝

• Երբեք մի հետևեք ոչ մեկի պատվիրանին։
• Չկա ուրիշ աստված, բացի կյանքից։
• Ճշմարտությունը ձեր մեջ է, մի փնտրեք այն ուրիշ որևէ տեղում։
• Սերը աղոթք է։
• Երբ դառնում ես ոչ ոք, հասնում ես ճշմարտության դռան մոտ։
• Ոչինչ միջոց չէ, ամենը նպատակ է և նվաճում։
• Կյանքը այստեղ է և հիմա։
• Ապրեք արթուն։
• Մի լողացեք, այլ լող տվեք։
• Մեռեք յուրաքանչյուր պահի, մեռեք այնպես, որ յուրաքանչյուր պահի լինեք նորովի։
• Այն ինչ որ կա՝ կա։ Մնացեք և կտեսնեք»։

Օշո. մարդ, որի մահից հետո մարդիկ փոխեցին իրենց վերաբերմունքը նրա նկատմամբ, նա դարձավ հոգևոր ուսուցիչ Հնդկաստանում և ամբողջ աշխարհում։ Նրա ուսուցումը դարձավ մշակույթի մի մաս, իսկ նրա ձևավորած աշխարհայացքը հետք թողեցին ԱՄՆ-ի և այլ երկրների մշակույթների վրա։ Ձեզ ենք ներկայացնում հինդու հոգևոր առաջնորդի մտքերը սիրո մասին։

Օշոն սիրո մասին

1.Մի սիրեք կոնկրետ մեկին, սիրեք ողջ գոյությունը: Դա բնական իրողությունն է. ծառերը, լեռները և մարդիկ իրականում տարանջատված չեն իրարից: Մենք բոլորս ինչ-որ միասնության մասնիկներն ենք, մենք կանք ներդաշնակության մեջ: Մենք անդադար շնչում ենք թթվածին և արտաշնչում՝ ածխաթթու գազ: Ծառերն անընդհատ ներշնչում են ածխաթթու գազ և արտաշնչում են թթվածին: Առանց ծառերի մենք չէինք կարող շնչել: Մենք մի ամբողջականության մեջ ենք միահյուսված: Այսպես էլ փոխկապակցված է ողջ գոյությունը: Այդ պատճառով սիրեք ոչ թե կոնկրետ ինչ-որ մեկին, այլ՝ ծառերը, աստղերը, սարերը, մարդկանց, կենդանիներին:

Կարևորը ոչ թե այն է, թե ում եք սիրում, այլ այն, որ ընդհանրապես սիրում եք:

2.Կինը կարող է երջանիկ և բավարարված լինել մի տղամարդու հետ, քանզի նա նայում է ոչ թե այդ տղամարդու մարմնին, այլ հոգևոր հատկանիշներին: Կինը սիրահարվում ոչ թե նրան, ով զարգացած մկաններ ունի, այլ նրան, ով հմայք ունի, ինչ-որ անբացատրելի, բայց հիասքանչ բան…

կինը նայում է նրան, ում գաղտնիքն ուզում է հասկանալ:

3.Քեզ ստիպել են հավատալ, որ սիրո մեջ սովորաբար առաջին քայլը պիտի անեն տղամարդիկ. կանանց դա հարիր չէ: Այդ պատկերացումները սպառել են իրենց. ինչու՞ հենց սկզբից քեզ դնես երկրորդական տեղում: Եթե դու սիրում ես տղամարդուն, ինչո՞ւ սպասել: Ես գիտեմ շատ կանանց, որոնք տարիներով սպասում էին, որ տղամարդն անի առաջին քայլը: Սակայն նրանք սիրում էին այնպիսի տղամարդկանց, որոնք չէին էլ պատրաստվում նախաձեռնությունը վերցնել իրենց վրա:

4.Մարդիկ կարծում են, որ կկարողանան սիրել միայն այն դեպքում, երբ իրենց արժանի զուգընկեր կգտնեն: Հիմարություն: Դու երբեք նրան չես գտնի: Մարդիկ մտածում են, որ կսիրեն միայն այն պարագայում, երբ կհանդիպեն իդեալական կնոջ կամ իդեալական տղամարդու:

Հիմարություն: Դուք նրանց երբեք չեք հանդիպի, քանի որ բնության մեջ գոյություն չունեն իդեալական տղամարդն ու իդեալական կինը:

Եթե նույնիսկ նրանք գոյություն ունենային, ուղղակի թքած կունենային քո սիրո վրա: Այն նրանց համար ուղղակի անհետաքրքիր կլիներ:

5.Տղամարդու համար սերը բազմաթիվ բաներից միայն մեկն է: Նա կուզեր բանաստեղծություններ գրել, կուզեր արարել կտավներ ոչ նրա համար, որ սիրում է: Այդ զբաղմունքը իր համար ունի այլ՝ սիռո հետ կապ չունեցող նշանակություն: Իսկ հոգնելով նկարներից, երաժշտությունից նա կուզեր ընկղմվել խորը սիրո մոռացումների մեջ: Դա նրա հանգիստն է:

Ուշադրություն դարձրեք տարբերությանը. տղամարդու սերը իր հանգստյան վայրն է:

Երբ նա հոգնում է աշխարհից, հազար ու մի գործից, նա ուզում է պարուրվել կնոջ էներգիայով, ջերմությամբ և ուզում է հալչել: Հիշեք՝ նա սիրում է, երբ հանգիստ է ստանում: Այդ դեպքում նա նորից կարող է նկարել, գրել բանաստեղծություններ, հորինել երգեր և պարել: Այդ դեպքում է տղամարդը ունակ արարել: Նրա համար սերը պարտադիր հիմք է այլ գործեր կատարելու համար:

 

---