Նախօրեին հայտնի դարձավ, որ Հայաստանն այս տարի «Եվրատեսիլ» երգի միջազգային մրցույթում կներկայացնի 21-ամյա երգչուհի Brunette-ը: Որոշումը կայացվել է Հանրային հեռուստաընկերության անցկացրած ներքին ընտրության արդյունքում:
Փորձենք ներկայացնել փաստեր երգչուհու մասին, որի մասին քիչ բան է հայտնի․
1․ Երգչուհի Brunette-ի իրական անուն-ազգանունն Էլեն Երեմյան է:
2․ Էլենը երգում է մանկուց, եղել է «Նվակ» հիմնադրամի սան, որի սանն է եղել նաև Ռոզա Լինը, որը Հայաստանը ներկայացրեց «Եվրատեսիլ 2022»-ին:
3․ Առաջին քայլերն արել է «Արևիկ» անսամբլում, որտեղ ելույթ է ունեցել Լիդուշիկի հետ:
4․ Բացի երգելուց, Էլենը նաև երգեր է գրում: Իր բոլոր երգերի երաժշտության և բառերի հեղինակը հենց ինքն է:
5․ Երգչուհին Project12 երաժշտական խմբի անդամ է:
6․ Հաճախ ելույթ է ունենում Club 12 ակումբում:
7․ Brunette-ն առավել հայտնի է «Գիշեր», «Smoke Break», «Բաց կապույտ աչքերդ» երգերով։
8․ Brunette-ը մրցույթին կներկայանա հեղինակային երգով:
9. Ներկայացվող երգը R&B ոճում է:
10. Երգչուհին եղել է «Մանկական Եվրատեսիլ 2022»-ին հայաստանյան պատվիրակության ժյուրիի անդամ:
«Եվրատեսիլ 2023» երգի մրցույթն այս տարի անցկացվելու է Լիվերպուլում. կիսաեզրափակիչները կկայանան մայիսին 9-ին և 11-ին, իսկ եզրափակիչը՝ մայիսին 13-ին:
Brunette-ը ելույթ կունենա երկրորդ կիսաեզրափակիչի առաջին հատվածում:
