«Հայա» փառատոնի հիմնադիր Սոնա Հովհաննիսյանը մեկնաբանել է աշխարհահռչակ աստղերի հնարավոր ժամանումը Հայաստան։
«ՌուսԱրմԻնֆո»-ի թղթակցի հետ զրույցում նա ասել է, որ բանակցություններ են տարվում սիրված երգիչներ Շակիրայի, Ջենիֆեր Լոպեսի և Էնրիկե Իգլեսիասի՝ Հայաստանում համերգներ ունենալու շուրջ։
Նրա խոսքով, կազմակերպիչները շուտով կանցնեն պայմանագրերի կնքման փուլին։
«Այս պահին մենք ավելի շատ կենտրոնացած ենք ռեփեր 50 Cent-ի, ֆրանսիացի երգչուհի Զազի և բրիտանական Led Zeppelin խմբի Հայաստան գալու վրա, այս և այլ կատարողներ Հայաստան են գալու «Հայա» փառատոնի շրջանակում» - հավելել է Սոնա Հովհաննիսյանը:
Փառատոնի հիմնադրի խոսքով՝ բանակցություններ են տարվում հաջորդ տարվա հոկտեմբերին Շակիրայի և այս տարվա աշնանը Ջենիֆեր Լոպեսի ու Էնրիկե Իգլեսիասի հյուրախաղերի շուրջ։