Ամերիկացի նկարիչ Էնդի Ուորհոլի հեղինակած Մերիլին Մոնրոյի դիմանկարներից մեկը երկուշաբթի Christie's-ի աճուրդում վաճառվել է 195,04 մլն դոլարով և դարձել ամերիկյան արվեստի ամենաթանկ նմուշը։
«Shot Sage Blue Marilyn» նկարը, որը պատկերում է Մոնրոյին բաց փիրուզագույն ֆոնին, ստեղծվել է 1964 թվականին։
Դիմանկարն արվել է աստղի մահից հետո։
Նկարի վերջնական գինը գրեթե համընկել է փորձագետների ակնկալիքների հետ, որոնք դրա արժեքը գնահատել էին 200 մլն դոլար։
Դիմանկարի համար պայքարում էր չորս գնորդ: Նկարը բաժին է հասել ամերիկահայ արտ-դիլեր Լարի Գագոսյանին:
2015 թվականին Էնդի Ուորհոլի Մերիլին Մոնրոյի դիմանկարն աճուրդում վաճառվել էր 36 միլիոն դոլարով։