Քանդակագործ, որը խորհրդանիշներ է կերտել - VNews

Քանդակագործ, որը խորհրդանիշներ է կերտել

1928 թ. մարտի 28-ին, Երևանում ծնվել է հայ քանդակագործ, մոնումենտալիստ, գծանկարիչ Արա Հարությունյանը։ 1954 թ. ավարտել է Երևանի գեղարվեստա-թատերական ինստիտուտը: 1974-ից դասավանդել է նույն ինստիտուտում։ Նրա գործերից պահվում են Հայաստանի ազգային պատկերասրահում, Մոսկվայի Տրետյակովյան պատկերասրահում, Արևելքի ժողովուրդների արվեստի, Սանկտ Պետերբուրգի ռուսական արվեստի թանգարաններում: Արա Հարությունյանը անհատական ցուցահանդեսներ է ունեցել Երևանում (1963թ., 1982թ.) և Մոսկվայում (1983թ.):  1977 թ. արժանացել է Հայաստանի ժողովրդական նկարչի կոչման: 1988 թվականից եղել է ՌԴ գեղարվեստի ակադեմիայի ակադեմիկոս: Արա Հարությունյանը մահացել է 1999 թ., Երևանում:

 

Արա Հարությունյանի գեղարվեստական ժառանգությունը բազմաշերտ է. մոնումենտալ և մոնումենտալ-դեկորատիվ ստեղծագործություններ, դիմաքանդակներ, շիրմաքարեր, բազմաթիվ գծանկարներ և գրաֆիկական աշխատանքներ: Այսօր ձեզ համար ընտրել ենք նրա ամենահայտնի հուշարձանները, որոնք զարդարում են Երևանն ու նրա շրջակայքը։

 

Մայր Հայաստան, 1967 թ., կոփածո պղինձ

Երևան, Հաղթանակի զբոսայգի

 

Կոմիտասի մահարձան, 1955, բրոնզ, գրանիտ

Երևան, Կոմիտասի անվան պանթեոն

 

Կոմիտասի հուշարձան, 1988, բրոնզ-գրանիտ

Երևան, Կոմիտասի անվան կոնսերվատորիայի պուրակ

 

«Սայաթ-Նովա» աղբյուր-հուշարձան, 1963, մարմար

Երևան, Մաշտոցի պողոտա

Գաբրիել Սունդուկյանի հուշարձան, 1972թ., տուֆ

Երևան, Սունդուկյանի անվան մայր թատրոնի բակ

«Առյուծ», 1958 թ., կոփածո պղինձ

Գեղարդ

 

Սարդարապատի հուշահամալիր, 1968թ., տուֆ, բազալտ

Արմավիրի մարզ

Մուսա լեռան հերոսամարտի հուշարձան, 1976 թ., տուֆ

Արմավիրի մարզ, Մուսալեռ գյուղ

 

«Արշալույս», պատկերաքանդակ, 1963 թ., ալյումին

1977-ից  գտնվում է Երևան-Սևան մայրուղում