Քաղաքները զարդարող 12 մանրաքանդակներ - VNews

Քաղաքները զարդարող 12 մանրաքանդակներ

 

Աշխարհի շատ քաղաքներ հարուստ են անսովոր քանդակներով: Դրանք սովորաբար տեղացիների հպարտությունն են և զբոսաշրջիկների հետաքրքրության առարկան: Հատկապես հետաքրքիր են փոքր քանդակները: Որպես գեղարվեստական ​​ֆենոմեն` մանրաքանդակները ձևավորվել են 20-րդ դարի 70-ականներին: Այժմ այդ աշխատանքները զարդարում են ոչ միայն շենքերն ու տարածքները, այլև զբոսայգիները, հրապարակները, հրապարակները, շատրվանները:

 

Երկաթե տղան

 

 

15 սմ բարձրությամբ Երկաթե տղան, որը նայում է Լուսնին, գտնվում է Ստոկհոլմի Ֆիննական եկեղեցու հետնաբակում: Քանդակը ստեղծել է շվեդ նկարիչ Լիս Էրիքսոնը, 1967 թվականին: Այս մանրաքանդակը ևս մեկ անվանում ունի` «Միայնության հուշարձան»: Քանդակը տեղադել են հիշեցնելու համար, որ 17-րդ դարում այդտեղ եղել է որբերի ապաստան:

 

 

Ճանապարհորդ գորտը

 

 

Աշխարհի ամենափոքր քանդակը գտնվում է Տոմսկում: Այս փոքրիկ արձանի բարձրությունն ընդամենը 44 մմ է, տեղադրվել է 2013 թվականին: Օլեգ Կիսլիցկին ստեղծեց ճանապարհորդներին նվիրված հուշարձան՝ հիմք ընդունելով ճանապարհորդ գորտի պատմությունը:

 

Մումի-տրոլ

 

 

Բրոնզե Մումի-տրոլլը տեղադրվել է 2005 թվականին ֆիննական Տամպերե քաղաքում՝ «Մումի-տրոլլների հովիտ» թանգարանի դիմաց:  Հուշարձանի բացումը համընկավ Թուվե Յանսոնի Մումի-տրոլլների մասին պատմող առաջին գրքի հրատարակության 60-ամյակի հետ:

 

 

Երկու մկներ, որոնք կռվում են մի կտոր պանրի համար

 

 

Քանդակը տեղադրված է Լոնդոնի` Philpot Lane-Eastcheap փողոցում գտնվող շինության քիվի վրա: Հուշարձանը ստեղծվել է 1862 թվականին: Ըստ ավանդության, երկու շինարար վիճել են՝ միմյանց մեղադրելով  ուտելիքը գողանալու մեջ: Դա հանգեցրել լուրջ ծեծկռտուքի և մարդկանց ողբերգական մահվան: Ավելի ուշ պարզվել է, որ մկներն են իրական գողերը:

 

Չիժիկ-Պիժիկ

 

 

11 սանտիմետրանոց թռչնի բրոնզե արձանը տեղադրված է Սանկտ-Պետերբուրգում, Ֆոնտանկա գետի ափամերձ պատվանդանին: Ավանդույթի համաձայն, պետք է երազանք պահել, ապա մետաղադրամ նետել փոքրիկ քանդակի պատվանդանին: Եթե չվրիպես, ապա կիրականանա քո բաղձալի երազանքը:

 

Շվեյկը՝ կարկանդակը ձեռքին

 

 

Այս փոքրիկ քանդակը  Ուժգորոդում գտնվող կամրջի ճաղավանդակի վրա է: Հեղինակը Միխայիլ Կոլոդկոն է: Այս ճարտարապետը մարդու ափի չափ իր մինի-հուշարձաններով զարդարել է քաղաքը:

 

 

Ազատության փարթամ այտերով միկրո արձանը, որը ժողովուրդը փաղաքշորեն կոչում է Սվոբոդկա, ծառայում է որպես փոքրիկ փարոս գետով անցնող նավերի համար: Նրա ներսում տեղադրված է թարթող լամպը, որը լուսավորում է ճանապարհը:

 

 

Կամրջի ճաղավանդակի վրա նստած են հունգարացի կոմպոզիտոր Ֆերենց Լիստն ու նվերների տոպրակով Նիկոլայչիկը:

 

 

Եվս մի մանրաքանդակ, որը պատկերում է անդրկարպատյան հայտնի նկարիչ Գաբրիել Գլյուկին: Նա մեքենայով սլանում է սարերով՝ գեղեցիկ բնապատկերներ նկարելու համար:

 

 

Վերջերս Ուժգորոդում բացվեց մեկ այլ մինի-հուշարձան` «Կարպատիա» նավը, որն Տիտանիկի օգնության ազդանշաններին առաջինն  արձագանքեց: