Քնել գուլպաներով թե՞ առանց - VNews

Քնել գուլպաներով թե՞ առանց

05 socks - Քնել գուլպաներով թե՞ առանց

Արդեն աշուն է:

Գիշերները՝ զով, չեմ կաշկանդվի և կասեմ՝ նույնիսկ ցուրտ:

Եթե սառում են ձեր ոտքերը, իսկ դուք էլ հանգիստ քնելու համար գուլպա եք հագնում, դա չի նշանակում, թե ծերացել եք ,կամ գծերից ընկել:

Հանգստացե՜ք:

Նշանակում է, որ դուք հետևում եք ձեր ինքնապահպանման կանչին ու գենետիկ համակարգում դրված սովորությանը:

Ոմանք կարծում են, թե գուլպաներով քնելն անհարմար ու նյարդայնացնող է:

Ոմանց փորձը ցույց է տալիս, որ գուլպաներով քնելը հանգեցնում է դրանց կորուստին, ապա անկողնով մեկ փնտրտուք-ջանքերին:

Իսկ ոմանք էլ, հոդվածի հեղինակի պես,  չեն կարողանում ուղղակի քնել առանց գուլպաների՝ լինի բամբակ, թե փափուկ գործվածք՝ կարևորը տաք լինի:

heres why you should be wearing socks to bed 548620681 anna kolosiuk 1 960x482 - Քնել գուլպաներով թե՞ առանց

Ճի՞շտ է:

Փորձագետներն ապացուցել են, որ այս հարցին կա մեկ ճիշտ պատասխան:

Գիտականորեն ապացուցված է, որ գուլպաներով քնելը նպաստում է լավագույն հանգստին և թուլանալուն, որովհետև տաք ոտքերն օգնում են ավելի արագ ննջել ու հնարավորինս հանգիստ քնել գիշերը, եթե իհարկե մոտանայքում փոքրիկ երեխաներ չկան. ուզում եք հազար գուլպա հագեք, միևնույն է, անհագիստ եք լինելու ու մշտապես քնի ծարավ: Հաշտվեք այս իրականության հետ: Ժամանակավոր է:

Իսկ հիմա  անցնեմ բուն հիմնավորմանը:

person on dark mattress and blue sheet with feet sticking out of the end wearing blue and white socks 960x641 - Քնել գուլպաներով թե՞ առանց

  • Երբ ոտքերը տաքանում են, անոթները լայնանում են, որն էլ իրականում առաջացնում է մարմնի ջերմաստիճանի որոշակի իջեցում, սա էլ իր հերթին նպատում է հոգնածություն առաջացմանը և նախապատրաստում է քնելուն:
  • Բայց շատ չոգևորվեք: Մասնագետներն պնդում են, որ ամեն գուլպա չէ, որ ընդունելի է (մատաղի պես): Եթե դուք հակված եք քնելու այն գուլպաների մեջ, որոնք ամբողջ օրը ձեր հագին են եղել, ՄԻ’ արեք այդպես: Ունեցեք քնելու համար նախատեսվածը գուլպաներ՝ մաքուր և փափուկ:
  •  Ի դեպ, խորհուրդ է տրվում գուլպաներն հագնել քնելուց մեկ ժամ առաջ:

Հիմա պատկերացնում եմ, որ այս հոդվածը կարդում է մեկը, որը, մեղմ ասած, տանել չի կարողանում գուլպաներով քնել: Ու զարմանում է,  թե ինչպես կարելի է այս նյութի մասին հոդված գրել ու գիտականորեն ապացուցված դրույթներ առաջ քաշել : «Պարապ ե՞ք մնացե»,- հաստատ կմտածի նա:

Հիմա ձեր սրտով գնալու ժամանակն է, սիրելի հակագուլպայականնե՜ր:

pexels photo 269141 960x686 - Քնել գուլպաներով թե՞ առանց

Պատճառն այն,  որ բնություն մայրիկը ձեզ նվիրել է հրաշալի արյան շրջանառություն՝ փաթեթավորված բնականոն մարմնի ջերմաստիճանով, տեղ-տեղ նյութափոխանակությամբ և, կներեք իհարկե, բայց նաև հաստ մաշկով, որոնց շնորհիվ  դուք կարող եք բոկոտն քնել և նույնիսկ տնով մեկ մարաթոնի մասնակցել: Դուք ջերմաստիճան գեներացնելու բիոլոգիական հակվածություն ունեք: Շնորհավորում եմ:

Բոլոր նորմալ և գուլպա հագնող աննորմալ մարդիկ քնելով են հանգստանում: Այդ իսկ պատճառով քունը պետք է լինի հնարավորինս առողջ ու կազդուրող:

Եվ բոլորովին  կարևոր չէ ՝ գուլպաներո՞վ, թե՞ առանց:

Իսկ ինչպե՞ս եք քնում դուք: Ի՞նչ փաստարկներ կբերեք ձեր նախընտրությունները հիմնավորելու համար:

Կիսվեք: Մի կաշկադվեք: