Ստենդալ - VNews

Ստենդալ

ստենդալ11 - Ստենդալ

19-րդ դարում ստեղծագործող ֆրասիացի գրող Ստենդալը շատ հետաքրքրիր անձնավորություն է եղել: Նա բազում հոդվածներ և գրքեր է գրել կեղծանվամբ, որոնք բացահայտվել են միայն մահից հետո:

Ստենդալը փարիզյան վերնախավի սիրելին էր: Բայց գրողը գիտեր և բազմիցս շեշտում էր, որ իրեն ըստ արժանվույն կգնահատեն միայն մահից հետո:

«Իմ գրքերը կարծես վիճակահանություն տոմսեր լինեն, և ամենակարևորը այն է ինձ համար, որ դրանք վերահրատարակվեն 1900 թվականին, երբ ես արդեն չեմ լինի»:

Ժամանակակիցները Ստենդալին ամենևին հանճար չէին համարում: Իսկ Ստենդալն էլ խոստովանում էր, որ այդպես էլ չհասավ իր երազանքին ու չգրեց թատրոնի համար կատակերգական պիեսներ՝ դառնալով նոր Մոլիեր, որին ի դեպ, գրողն աստվածացնում էր…

Vnews-ն առանձնացրել է մի քանի հետաքրքիր փաստ Ստենդալի մասին:

Սկսենք անունից:

  • Ստենդալ գրական կեղծանվան տակ թաքնված է Մարի-Անրի Բեյլ անունը: Իրականում գրողն ունեցել է բազում  կեղծանուններ և հաշտ չի եղել իր իրական անվան հետ, բայց ժամանակի ընթացքում մաղվել և պահպանվել է հենց Ստենդալ կեղծանունը, որով և մտել է համաշխարհային գրականության պատմության մեջ:

 

  • Ծնվել է Ստենդալը 1783 թվականի հունվարի 23-ին Գրենոբլում, փաստաբանի ընտանիքում:

 

  • Նա ատում էր Աստվածաշունչը: Ինչո՞ւ: Որովհետև դեռ մանկուց ստիպում էին այն կարդալ: Ստենդալն ամբողջ կյանքում խուսափում էր նաև հոգևորականներից՝ չհավատալով Աստծո գոյությանը, կրոնական արգելքներին և անդրշիրմյան կյանքին:

«Եկեղեցին մոլորեցնում է բանականությունը, որը բռնության ամենավառ դրևորումն է»:

 

 

  • Հիանալով Նապոլեոնի հերոսությամբ՝ Ստենդալն անցնում է զինվորական ծառայության, իսկ 1800 թվականին մասնակցում է Նապոլեոնի հետ արշավանքներին: Ռազմական գործողություններին նա շատ ներգրավվածություն չի ունենում, քանի որ չուներ համապատասխան փորձ, իսկ ծառայությունը տևում է երկու տարի, որից հետո նա լքում է դիրքերը և զբաղվում միայն գրականությամբ:
103 1nWCAd2 - Ստենդալ
Ստենդալի դիմանկարները
  • Հետագայում Ստենդալն այցելում Իտալիա, որի մասին բազմաթիվ գրառումներ է անում: Ապրելով այտեղ 7 տարի՝ ծանոթանում է Ջորջ Բայրոնի հետ, որը մի առիթով գրում է.

 

«Ի՞նչ է մտածում Ստենդալն իր մասնագիտության մասին՝ միայն այն, որ գրողը չպիտի մտահոգվի քննադատության մասին, ինչպես զինվորը՝ հինանդանոցի»:

 

 

  • Քանի որ նա հիմնական կրթությունը ստացել էր տանը՝ պապիկի օգնությամբ, և այն գրողին չէր բավարարում, հաստատվելով Փարիզում՝ Ստենդալն անցնում է բացը լրացնելուն՝ սովորելով անգրերեն, ուսումնասիրելով փիլիսոփայություն, գրականության պատմություն:

 

  • Ստենդալի ամենահայտնի գործը «Կարմիրն ու սևը» վեպն է, որը հիմնված է իրական դեպքերի վրա: Գրողը կարդացել է տեղական թերթի հանցագործությունների քրոնիկանում այս պատմությունը և վեպ գրելու որոշում է կայացրել:

 

  • Մեր օրերում հենց Ստենդալն է համարվում «հոգեբանական վեպ» տերմինի հեղինակը և ընդհանրապես՝ այդ ժանրի ստեղծողը:

 

  • Ինչպես Սերվանտեսի «Դոն Կիխոտ»-ն է Նիցշեն համարում մարդկության ամենահզոր աշխատությունը, այնպես էլ Ստենդալին է համարում  ֆրանսիայի վերջին մեծագույն հոգեբանը:

 

  • Իսկ գիտեք՝ ով է ստեղծել «Տուրիստ», հայերեն՝ «զբոսաշրջիկ» բառը. այս հոդվածի մեր հերոսը: Նա է առաջին անգամ այս բառն օգտագործել՝ ստեղծելով իր աշխատանքներից մեկը՝ «Տուրիստի/զսբոսաշրջիկի գրառումները»:

img le rouge et le noir resume court et analyse 12561 600 - Ստենդալ

  • Անձնական կյանքում գրողն հաջողություն չի ունեցել: Կանայք շատ արագ հայտնվում էին նրա կյանքում և նույն կերպ անհետանում այնտեղից, քանի որ Ստենդալը չէր ուզում իրեն կապել ամուսնական պարտավորություններով:

 

  • Ստենդալը վախճանվել է 1842 թվականի մարտի 23-ին, փողոցում՝ զբոսանքի ժամանակ: Մինչ այդ գրողը վարակվել էր սիֆիլեսով, որի բուժման ընթացքում, չվստահելով բժիշկներին, դիմում է ինքանբուժությանը՝ օգտագործելով սնդիկ և կալիումի յոդ: Այս երկու նյութերի շահագործման հետևանքով գրողի մոտ առաջանում են բարդություններ, որոնք ավելի են սրում հիվանդությունը: Կյանքի վերջին տարիներին գրողը գտնվում էր շատ ծանր վիճակում. նա նույնիսկ չէր կարողանում գրել և ստիպված էր թելադրել:

 

  • Բայց ճակատագրի հեգնաքով կամ իր ցանկությաբ՝ նրա մահը կանխատեսված է լինում, քանի որ կյանքի վերջին տարիներին Ստենդալի հոգեվիճակն անհանգստացնում էր նրա մտերիմներին. նա ուներ վատ տրամադրություն և հուզվում էր առանց որևէ պատճառի։ Հաճախ նրա օրագրում հայտնվում էին տարօրինակ գրառումներ։ Դրանցից մեկը նման էր կանխատեսման.

 

«Ես կուզեմ մեռնել փողոցում՝ զբոսանքի ժամանակ, ճիշտ այնպես, ինչպես անտեր շները»:

  • Իր կտակում Ստենդալը խնդրել է գերեզմանաքարին գրել հետևյալ տողերը.

 

«ԱՐԻԳՈ ԲԵՅԼ

ՄԻԼԱՆՑԻ

ԳՐՈՒՄ ԷՐ

ՍԻՐՈՒՄ ԷՐ

ԱՊՐՈՒՄ ԷՐ»…

otchet 31 45 - Ստենդալ

Հետևեք նաև մեր ամենամշակութային էջին՝ Insagram-ում

Կարդացեք նաև՝

 


Գրողներ, որոնք չեն սիրել իրենց ստեղծագործությունները

Խուլիո Կորտասար. Փարիզաբնակ արգենտինացին

Զրույց «Այն եզդի կնոջ ճամպրուկը» գրքի հեղինակ Թերեզա Ամրյանի հետ

Զապել Եսայան. կինը՝ հանուն հայրենիքի

Մելանյա Թրամփ. այն ամենն, ինչ չգիտեք

Հայտնի ծնողների հայտնի ժառանգները…

Հայկական ֆիլմն ընդգրկվել է Կլերմոն-Ֆերան՝ կարևորագույն միջազգային կինոփառատոնում

Ու՞մ անունն են ամենաշատը փնտրել Գուգլում

Լուսանկարի փոքրիկի՝ Լաուրայի հետագա կյանքը

Ճամփորդական քուիզ. ի՞նչ գիտես Ֆրանսիայի մասին

30 բան Ֆրանսիայի մասին, որ պետք է իմանալ

Ո՞վ է Հայաստանի արտաքին գործերի նորանշանակ նախարար Արա Այվազյանը…

Շառլ դը Գոլ. ճանապարհ դեպի իշախանություն՝ հանուն Ֆրանսիայի փրկության

Համաշխարհային գրողների մտքերը պատերազմի մասին

Ռուստամ Գասպարյան. փաստեր

«Գրիշան մահացավ, որովհետև ցանկանում էր, որ արտաքին աշխարհն իմանա, թե ինչեր է ապրում իր ժողովուրդը». Ալլան Կավալ