Ուրախ դեպքեր հայ մեծերի կյանքից

Հովհաննես Շիրազ

***

Մի անգամ Շիրազին հարցնում են.

– Վերջերս ինչու չեք մասնակցում Գրողների միության ժողովներին:

– Եթե Նարեկացին չի մասնակցում, ես ընչի պիտի մասնակցեմ,- պատասխանում է Շիրազը:

կարդա՝

Ուրախ ու կատակասեր Շիրազը [Գյումրվա հումորով դեպքեր]

***

Մի անգամ Շիրազը որդու` Սիփանի հետ գնում է հրատարակչություն: Երեխային նստեցնում է ծնկներին, գուրգուրում նրան` հոտ քաշելով գլխից: Շիրազին հարցնում են.

– Ինչու ես երեխայի գլխից հոտ քաշում, Շիրազ…

– Հանճարի հոտ կառնիմ,- պատասխանում է բանաստեղծը:

տես նաև՝ Սիփան Շիրազ [բանաստեղծի բանաստեղծ որդին]

***

Մի անգամ Հովհաննես Շիրազը` կանաչ փողկապով, զգուշորեն մտնում է խմբագրի սենյակ: Վերջինս փորձում է կատակել և ասում է.

– Կանաչ փողկապով ես շրջում, չես վախենում էշերից:

– Հենց դրա համար էլ վախվխելով ներս կուգամ,- պատասխանում է Շիրազը:

Շիրազ [մանկատանը մեծացած, շան բներում քնած ու գող մեծն պոետը]

Համո Սահյան

կարդա նաև՝

Հետաքրքիր և զավեշտալի դեպքեր Համո Սահյանի կյանքից

Համո Սահյանը զանգահարում է Սերո Խանզադյանին: Լսափողը վերցնում է Սերոյի որդին.

– Սերոն տանն է:

– Չէ,- կտրուկ պատասխանում է որդին:

Հետևում է Համոյի ստուգող հարցը.

– Ով ասաց…

– Ինքը,- լինում է պատասխանը:

Համոն այս պատմությունն ամեն անգամ պատմելիս՝ լաց էր լինում [Սահյանի քրոջ հուշերը]

Վիլյամ Սարոյան

Վիլյամ Սարոյանը Սևանի ափին ծանր, լճի ալիքներից լավ հղկված մի քար է գտնում և խնդրում է, որ այն տեղավորեն մեքենայի մեջ:

– Ամերիկա` Ֆրեզնո պիտի տանիմ,- ասում է գրողը:

– Այդ հսկայական քարն ինչպես եք տանելու…

– Ինքնաթիռով պիտի տանիմ…

– Ինչու համար…

– Ով Հայաստանի դեմ վատ խոսի, անոր գլխուն պիտի զարկեմ քարը,- պատասխանում է Սարոյանը:

Վիլյամ Սարոյանի որդին է պատմում [հայրս մեռնում էր]

Եղիշե Չարենց

***

Հրատարակչության բաժնի վարիչ Եղիշե Չարենցի աշխատասենյակ է մտնում մի գրող, թղթապանակը ձեռքին և կատակել ցանկանալով` ասում է.

– Մի վախեցեք, մեջը ձեռագրեր չկան:

– Բա ինչու ես պտտեցնում այդ դատարկ թղթապանակը,- հարցնում է Չարենցը…

– Պտտեցնում եմ, որովհետև մեջը լիքը հանճարեղ մտքեր կան,- շարունակում է կատակել գրողը:

– Հանճարեղ մտքերը հանճարեղ գլուխներում են լինում, ոչ թե դատարկ թղթապանակներում,- պատասխանում է բանաստեղծը:

Չարենցն ու Իզաբելլան, և նրանց դուստրը՝ Արփենիկ Չարենցը

***

Չարենցը շատ խիստ էր կենցաղում,- պատմում է գրող Խաժակ Գյուլնազարյանը,- հրաման էր տվել, որ ճանճերը սենյակ չմտնեն, բայց ճանճերը կարդալ չգիտեին ու պատուհանից էին մտնում:

Չարենցը կարգադրեց բանալ դագաղը․․․ [հուշեր պոետի մասին]

Հովհաննես Թումանյան

Թումանյանի կինը բողոքում է, որ ամուսինը ընդհանրապես տանը չի լինում:

– Դե գոնե տաս գիշեր տանը եղել եմ… (նրանք տաս երեխա ունեին):

Օլգա Թումանյան. Հովհաննեսի սիրող ու գթասիրտ կինը

Մհեր Մկրտչյան

Հեռախոսով Լոս Անջելեսից Ֆրունզին հարցնում են.

– Ֆրունզ ջան, ոնց է եղանակը Հայաստանում:

– Էնքան շոգ է, որ Լենինի արձանի հագից պալտոն հանել, կարճաթև սառոչկա են հագցրել:

Մհեր Մկրտչյանի մասին [Ալբերտ Մկրտչյանն է պատմում]

****

Մհեր Մկրտչյանին հարցնում են` երբևէ հարբած կա՞ս:

Մի անգամ. «Հին օրերի երգը» ֆիլմում սև թուղթն ուտելուց…

***

Ֆրունզիկ Մկրտչյանը օդանավակայանում պատահաբար տեսնում է Յուրի Վարդանյանին ու հարցնում.

– Յուր ջան, ուր կերթաս:

– Կանադա` մասնակցելու աշխարհի առաջնությանը,- պատասխանում է Յուրի Վարդանյանը:

Ֆրունզը փորձում է սիրտ տալ Յուրային.

– Յուր ջան, մի մտածե, առխային գնա, կըսեն Կանադայի շտանգեքը լավ թեթև են:

Պատմում է Մհեր Մկրտչյանը [տեսանյութ]

Սիլվա Կապուտիկյան

Մի անգամ Սիլվա Կապուտիկյանի հետ հարցազրույցի ժամանակ թղթակիցը կատակով հարցնում է.

– Տիկին Սիլվա, ինչքան կցանկանայիք վաստակել, որ բավարարված լինեիք:

– Այնքան, որքան վաստակում եմ հարևաններիս կարծիքով:

Մի սիրո պատմություն․ Հովհաննես Շիրազն ու Սիրլվա Կապուտիկյանը

Ավետիք Իսահակյան

Ծերության տարիներին Ավետիք Իսահակյանը սովորություն էր ձեռք բերել գրել անկողնում` պառկած: Մի անգամ նրան է այցելում մի թղթակից: Կինը դիմում է գրող ամուսնուն.

– Ավո, դու չես կարծում, որ թղթակցի հետ զրուցելը պառկած վիճակում, այն էլ` անկողնում, պատշաճ չէ:

– Ինչ կա որ, սիրելիս,- դիմում է կնոջը մեծ բանաստեղծը,- եթե կարծում ես, որ ամոթ է, նրա համար էլ անկողին գցիր:

Երբեք չեմ մոռանում մի զվարճալի դեպք… [պատմում է Ավետիք Իսահակյանը]

Պարույր Սևակ

Պարույր Սևակից մորը նվիրված ստեղծագործություն են խնդրում «Պոետները մոր մասին» ժողովածու կազմելու համար: Սևակն ուղարկում է «Մոր ձեռքերը» բանաստեղծությունը` մոր և իր լուսանկարի հետ, ու մի գրություն. «Այս լուսանկարը գուցե ավելին ասի, քան բանաստեղծությունս»:

Սիրում էր խաղալ, առավել ևս խաղը շահել…

Րաֆֆի

Երբ Րաֆֆին դասավանդում էր Արամյան դպրոցում, երբեմն-երբեմն քաշում էր աշակերտների մազերը: Մի օր աշակերտները խուզում են գլուխները և ուրախ, երջանիկ սպասում են ուսուցչին:

Րաֆֆին ներս է մտնում և, նկատելով այդ խորամանկ խաղը, քմծիծաղ է տալիս, ապա` մեկին կանչում դաս պատասխանելու: Աշակերտը կմկմում է, տեղ-տեղ սխալվում:

Վիպասանը քաշում է ականջից և ասում.

– Դե հիմա էլ գնացեք ականջներդ խուզեք:

Րաֆֆի [տխուր և ուրախ դեպքեր վիպասանի կյանքից]․․․

Ակսել Բակունց

Ակսել Բակունցը երկար խոսել չէր սիրում, վիճում էր հազվադեպ, բայց` անզիջում, շիտակ ու աննահանջ:

Երբ բարձր տրամադրություն էր ունենում, երգում էր Կոմիտասի երգերից: Խմում էր առիթից- առիթ: Սիրում էր գյուղը:

– Իմ բոլոր պատմվածքները մինչև թղթին հանձնելը մտքումս գրել եմ ձի նստած` գյուղից գյուղ շրջելիս,- ասում էր նա:

Զբոսնելիս կկռանար, կվերցներ մի հողակոշտ և ագահաբար կհամբուրեր:

– Ոչ մի հող այսպես չի բուրում, չէ,- հպարտանում էր Բակունցը:

Արամ Խաչատրյան

Մի սկսնակ կոմպոզիտոր, դիմելով հանճարեղ Արամ Խաչատրյանին, խնդրում է գնահատել իր ստեղծագործությունը:

Արամ Իլյիչն ուշադիր զննում է պարտիտուրան, օրորում գլուխը, շոյում մազերը և բարեհամբույր տոնով հարցնում է.

– Իսկ որտեղից եք գնել նոտայի այսպիսի լավ թուղթ:

Սերգեյ Փարաջանով

Փարաջանովը, քրդուհին և Թամար թագուհու ականջօղերը…

Մի անգամ Փարաջանովը սմոքինգ է փնտրում` Ֆելինիի հրավիրած միջոցառմանը մասնակցելու համար: Երբ վերադարձավ, հարցրեցին, թե ինչպես գնաց այդ միջոցառմանը: Ասաց, որ ինքնաթիռում տեսել է ցուցանակ` ծխախոտի վրա խաչ քաշած, վրան գրված. No Smoking: Դրանից է մեկ հատ խնդրել, ինքնաթիռից իջնելուն պես կախել վզից:

աղբյուր՝ sveta-sargsyan.do.am