Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու - VNews

Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու

նորըըըըը - Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու

Գրողներին միշտ էլ ինչ-որ վայրեր են ոգեշնչել… Երկրներ, քաղաքներ, փողոցներ, բարեր… Հաճախ տեղի է ունենում հակառակը. վայրեր են ստեղծվում հայտնի գրական ստեղծագործություններից ոգեշնչվելու արդյունքում: Իսկ մեզ ծանոթ և անծանոթ գրական ստեղծագործությունների գրեթե բոլոր հերոսներն ունեն գոնե մեկ վայր, որը նրանք սիրում են, իսկ մեզ մտովի են տեղափոխում այնտեղ:

Առանձնացնում ենք մի քանի այդպիսի վայր, որտեղ կարող ես գնալ նաև դու… Ու ոչ միայն մտովի…

Սանկտ Պետերբուրգ՝ Ռասկոլնիկովի տունը

67828001 416110665698194 7323973933324042240 n 960x640 - Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու

Հենց այս տանն էր ապրում Դոստոևսկու հերոս Ռասկոլնիկովը: Աղքատ Ռասկոլնիկովն ապրում էր այս արդեն հայտնի շենքի չորրոդ հարկում, որտեղ տանում էին հայտնի 13 աստիճանները, որոնք պահպանվել են մինչ օրս: Գրողը Ռասկոլնիկով ստեղծելիս ապրում էր այս շենքից ոչ շատ հեռու ու հենց դա էր պատճառը, որ կարողացել է անգլիական ճշգրտությամբ նկարագրել Ռասկոլնիկովի տունը: 1999 թ.-ից շենքի վրա կարելի է տեսնել Դոստոևսկու պատկերն ու ցուցանակ, որի վրա գրված է «Ռասկոլնիկովի տունը»:

Լոնդոն՝ Բեյքեր սթրիթ

68817348 671480199988066 5111006740028063744 n 960x720 - Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու

Լոնդոնյան այս փողոցն առավել հայտնի դարձավ Արթուր Քոնան Դոյլի «Շերլոք Հոլմսի արկածները»/«The Adventures of Sherlock Holmes» գրքից, և հետո արդեն, գրքի հիման վրա նկարահանված ֆիլմից հետո: Հենց այս փողոցի 221 b հորինված տանն էին ապրում հայտնի մասնավոր դետեկտիվ Շերլոկ Հոլմսն ու նրա ընկերը՝ դոկտոր Վաթսոնը: 221b. հասցե, որը գոյություն չուներ, բայց միայն մինչև գրքի այսքան հայտնի դառնալը: Այժմ այս հասցեով կարելի է գտնել  Շերլոկ Հոլմսի տուն-թանգարանը:

Սանկտ Պետերբուրգ՝ Ամառային այգի

5017a0089b1f8 min 1 960x638 - Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու

Պուշկինը հենց ինքն ապրում էր «Ամառային այգուց» ոչ հեռու և շատ հաճախ էր ասյտեղ լինում: Փոքր տարիքում սա նաև իր ստեղծած ամենահայտնի հերոսներից մեկի՝ Եվգենի Օնեգինի սիրելի վայրն էր. Օնեգինն այստեղ հաճախ էր զբոսնում փոքր տարիքում: Դոստոևսկու հայտնի հերոս Ռոդիոն Ռասկոլնիկովն էլ սպանությունից առաջ մտածում էր «Ամառային այգու» մասին:

«Որքա՜ն լավ կլիներ, եթե «Ամառային այգու» օդն ու շատրվանների թարմությունը լցվեին փոշոտ և ազատությանն ու մաքրությանը կարոտ քաղաք»:

Նյու Յորք՝ Ernie’s Bar

ernies min - Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու

«Ernie’s Bar»-ի պատմությունը մի փոքր այլ է: Այս բարը, իրականում, հորինել էր Սելինջերը: Իր հայտնի «Տարեկանի արտում՝ անդունդի եզրին» վեպի 17-ամյա հերոսը՝ Հոլդեն Քոլֆիլդն այստեղ է գալիս այն բանից հետո, երբ նրան հեռացնում են էլիտար դպրոցից: Չուզելով հանդիպել ծնողներին, հերոսը որոշում է տրվել Մանհեթենի գիշերային կյանքին:

«Ernie’s-ում հաստատ խմելու բան կգտնես: Կգտնես, եթե անգամ 6 տարեկան ես: Այստեղ շատ մութ է ու խառը, և բոլորը թքած ունեն՝ քանի տարեկան ես»,-պատմում է վեպի հերոսը:

Չնայած այն փաստին, որ Սելինջերը հորինել էր Ernie’s-ի հայտնի աշխարհը, այսօր Նյու Յորքում այպես կոչվող մի քանի բար կա:

Պրահա՝ Կարլի կամուրջ

Карлов мост в Праге 960x453 - Վայրեր, որտեղ եղել են հայտնի գրական հերոսները, իսկ այսօր կարող ես գնալ նաև դու

Հայ ժամանակակից գրող Էդգար Կոստանդյանն իր «Միլոշ» վեպում խոսում է Պրահայի Կարլի կամրջի մասին.

«Մի տխուր կին է քայլում Կարլի կամրջովԶառան է: Մտնում է սրճարան ու փլվում առաջին պատահած աթոռին: Մեծ բաժակով սուրճ է պատվիրում, բացում պայուսակն ու ինչ-որ կարևոր, շատ կարևոր բան փնտրում: Նկատելով, որ փնտրածը տեղում է, կամ չգտնելով այն՝ հանգիստ է թողնում պայուսակը: Աչքերն ուժ ունեցածի չափ տխրած են: Նրան կամ թողել են այս երեկո կամ ավելի լավ է՝ թողած լինեին: Մազերն ի միջի այլոց շպրտված են ուսերին, շրթներկը գունաթափ է, ուղեղը՝ թմրած, ինքը՝ մենակ: 

…Փորձում է հասկանալ՝ որտեղ սխալվեց կամ ինչու մի սխալն էդքան թանկ արժեցավ, մի՞թե սխալի գինն էդքան աճել է, որտե՞ղ է գրված, որ այն պիտի ծայրաստիճան անտարբերություն ու գունաթափ շրթներկ արժենա…»:

Հետևեք մեզ նաև Instagram-ում, Twitter-ում և YouTube-ում

Տես նաև՝ 5 հայտնի #ԳրքաՍրճարան, որ պետք է այցելել [աշխարհ]


Գրողներ, որոնք չեն սիրել իրենց ստեղծագործությունները

Զրույց «Այն եզդի կնոջ ճամպրուկը» գրքի հեղինակ Թերեզա Ամրյանի հետ

Զապել Եսայան. կինը՝ հանուն հայրենիքի

«Գանձերս խզարում են». Սոս Էլբակյան

Անգրագետ գրողներ. Դիսլեքսիա՞, թե՞ վատ կրթություն

Բնության 12 ամենազարմանալի հրաշքները

Հայտնի ծնողների հայտնի ժառանգները…

Դեկտեմբերի 31-ին Ստեփանակերտում և Երևանում երկինքը կլուսավորվի օդապարուկներով

5գիրք + 5ֆիլմ. Էդգար Կոստանդյան

Դոստոևսկու մութ կողմերը…

Արցախի 19-ամյա հերոսը. Ռոբերտ Աբաջյան

Համաշխարհային գրողների մտքերը պատերազմի մասին

Հայդուկապետը. Հրայր Դժոխք

Արդյո՞ք ճանաչում ես Արցախի հերոսներին. QUIZ

Արցախը նոր հերոսներ ունի. ճանաչենք նրանց

Զրուցել ենք Թամար Ալեքսանյանի հետ. [Գրականության ուսուցման դպրոցական ծրագրի մասին]