Վենետիկի 75-րդ կինոփառատոնի մասնակից 5 լավագույն ֆիլմերը

Ձեզ ենք ներկայացնում տարվա ամենասպասված միջոցառումներից մեկի՝ Վենետիկի 75-րդ կինոփառատոնի մասնակից ֆիլմերից 5-ը:

1. Սիսթերս եղբայրներ/Братья Систерс/The Sisters Brothers

ռեժ.՝Ժակ Օդիար

դերերում՝Ջան Սի Ռայլի, Հոակին Ֆենիքս ևն

«Ոսկե արմավենու» եռակի դափնեկիր, ֆրանսիական ժամանակակից կինեմատոգրաֆի ամենավառ ներկայացուցիչներից մեկը՝ Ժան Օդիարը Վենետիկի 75-րդ կինոփառատոնում ներկայացավ իր “The Sisters Brothers” ֆիլմով, իսկ ժյուրին էլ գնահատելով ռեժիսորի բազմաչարչար աշխատանքը հռչակեց նրան «Լավագույն ռեժիսոր» և «Արծաթե առյուծը» ձեռքին տուն ճանապարհեց:

Ֆիլմը պատմում է Սիսթերս եղբայրների մասին, որոնք հանձնարարություն են ստանում: Եղբայրները պետք է սպանեն ոմն Ուորմին: Իրենց ամբողջ կյանքի ընթացքում եղբայրները նմանատիպ հանձնարարություններ են կատարել, սակայն այս անգամ պատկերը մի փոքր այլ է. այս անգամ նրանց շատ լուրջ փորձություններ են սպասվում:

Ֆիլմի հիմքում է կանադացի գրող Պատրիկ Դևիտի համանուն գիրքը:

Կարդացեք նաև՝ Վենետիկի 75-րդ կինոփառատոնի մասնակից ֆիլմերը

2. Սուսպիրիա/Суспирия/Suspiria

ռեժ.՝Լուկա Գուադանյինո

դերերում՝Դակոտա Ջոնսոն, Թիլդա Սուինթոն ևն

Իտալացի էսթետ Լուկա Գուադանյինոն հանրության դատին է հանձնել իր հերթական տպավորիչ ֆիլմը:

“Suspiria”-ան ամերիկացի մի բալետի պարուհու մասին է, որն ուղևորվում է Բեռլին: Աղջիկը մեծ հույսեր է կապում իր այս ուղևորության հետ, սակայն պատկերացում էլ չունի, թե ինչ փորձությունների միջով է անցնելու:
Երիտասարդ պարուհին ընդգրկվում է գերմանական մի շատ հայտնի պարախմբի կազմում, սակայն շուտով հայտնաբերում է, որ խմբում տիրում է շատ անառողջ մթնոլորտ…