Վիկտոր Հյուգոյի «Փարիզի Աստվածամոր տաճարը» վեպի լավագույն էկրանավորումները - VNews

Վիկտոր Հյուգոյի «Փարիզի Աստվածամոր տաճարը» վեպի լավագույն էկրանավորումները

es ashxatum em 2 10 - Վիկտոր Հյուգոյի «Փարիզի Աստվածամոր տաճարը» վեպի լավագույն էկրանավորումները

Վիկտոր Հյուգոյի թերևս ամենահայտնի ստեղծագործություններից մեկը՝ «Փարիզի Աստվածամոր տաճարը» հրատարակվել է 1831 թ. մարտի 16-ին և իսկույնևեթ լայն տարածում է ստացել բոլոր ընթերցասերների շրջանում: 20-րդ դարասկզբից սկսած այս ստեղծագործությունը բազմաթիվ անգամներ է էկրանավորվել և բեմադրվել:

Ձեզ ենք ներկայացնում «Փարիզի Աստվածամոր տաճարը»  ստեղծագործության լավագույն էկրանավորումներից մի քանիսը:

Փարիզի Աստվածամոր տաճարի կուզիկը/Горбун Собора Парижской Богоматери/The Hunchback of Notre Dame, 1939

ռեժ.՝Ուիլիամ Դիթերլե
դերերում՝ Չարլզ Լոտոն, Մորին Օ’Հարա ևն

Ստեղծագործության ամենահին և սիրված էկրանավորումներից մեկը 1939 թ. Ուիլիամ Դիթերլեի տարբերակն է: Իրադարձությունները ծավալվում են գեղեցկուհի մի գնչուհու՝ Էսմերալդայի շուրջ: Աղջկա գեղեցկությունը խելքահան է անում տղամարդկանց, սակայն նրանց սերը վերջիվերջո կործանում է գեղեցկուհուն:

Ֆիլմը կարող եք դիտել այստեղ:

 

Փարիզի Աստվածամոր տաճար/Собор Парижской Богоматери/Notre-Dame de Paris, 1956

ռեժ.՝Ժան Դելանուա
դերերում՝ Ջինա Լոլոբրիջիդա, Էնթոնի Քուին, Ժան Դանե ևն

Ցանկում հաջորդը Ժան Դելանուայի տարբերակն է, որը կրկնապատկեց Ջինա Լոլոբրիջիդայի փառքը և ուրիշ տեսանկյունից բացահայտեց դերասանուհու տաղանդը: Այս դերի համար նա արժանացել է Bambi մրցանակի, որը տրվում է արվեստի, մշակույթի, սպորտի և այլ ոլորտների ներկայացուցիչներին՝ իրենց աշխատանքի և անհատականության համար:

Քննադատները հատկապես մեծ ակնածանքով են ընդգծել հագուստի գծով մասնագետների աշխատանքը: Բացի այդ նրանք նաև նշել են, որ Ջինայի կերտած Էսմերալդան ամենավառն է, տարբերվողը և ամբողջությամբ համապատասխանում է գրքային Էսմերալդային:

Ֆիլմը կարող եք դիտել այստեղ:

Կուզիկը Նոտր Դամից /Горбун из Нотр-Дама/The Hunchback of Notre Dame, 1982

ռեժ.՝Մայքլ Թաչներ,Ալան Հյում
դերերում՝ Էնթոնի Հոփքինս, Լեսլի-Էնն Դաուն ևն

Ամերիկյան և բրիտանական համատեղ արտադրության «Կուզիկը Նոտր Դամից» ֆիլմը ցանկում հաջորդն է: Այստեղ իր դերասանական ողջ կարողություններն ի ցույց է դրել օսկարակիր Էնթոնի Հոփքինսը, որը մարմնավորում է Կվազիմոդոյին: Այստեղ Հոփքինսը փայլում է…

Ֆիլմը կարող եք դիտել այստեղ:

 

տես նաև՝Փարիզի Աստվածամոր տաճար. Փաստեր

Կուզիկը Նոտր Դամից/Горбун из Нотр Дама/The Hunchback of Notre Dame (մուլտֆիլմ), 1996

ռեժ.՝Գերի Թրուսդեյլ, Քիրք Ուայզ
դերերում՝Դեմի Մուր, Թոմ Հալս, Թոնի Ջեյ ևն

1996 թ. էկրաններ է բարձրանում Disney-ի արտադրության մուլտֆիլմը, որի սցենարի համար, թեպետ, հիմք է հանդիսացել Վիկտոր Հյուգոյի ստեղծագործությունը, այնուամենայնիվ ստեղծողները մի քիչ փոփոխել են սյուժեն: Մուլտֆիլմում հիմնական շեշտը դրված է, ոչ թե Կվազիմոդոյի, այլ՝ գնչուհի Էսմերալդայի վրա: Սցենարի հեղինակ Թեբ Մըրֆին արել է այնպես, որ մուլտֆիլմը երջանիկ ավարտ ունենա, սակայն հարկ է ընդգծել, որ Էսմերալդան այդպես էլ չի սիրահարվում բարի և շատ ջերմ Կվազիմոդոյին:

2002 թ. նկարահանվել է մուլտֆիլմի երկրորդ մասը, բայց այս անգամ հիմնական շեշտը դրված է Կվազիմոդոյի վրա:

Ֆիլմը կարող եք դիտել այստեղ:

 

տես նաև՝Փարիզի Աստվածամոր տաճարը լուսանկարներով

 

Կուզիկը/Горбун из Нотр-Дама/The Hunchback, 1997

ռեժ.՝Փիթեր Մեդակ
դերերում՝Սալմա Հայեկ, Ռիչարդ Հարիս, Մենդի Պատինկին ևն

Այս տարբերակը մի փոքր տարբերվում է Վիկտոր Հյուգոյի վեպից: Ֆիլմում Կվազիմոդոն և Էսմերալդան տարեկիցներ են, մինչդեռ գրքում Էսմերալդան 16 տարեկան է, իսկ Կվազիմոդոն մի քանի տարով աղջկանից մեծ է: Թեպետ ֆիլմը ոչ մի նշանավոր մրցանակի չի արժանացել, այն համարվում է վեպի լավագույն էկրանավորումներից մեկը:

Ֆիլմը կարող եք դիտել այստեղ:

Կվազիմոդո/Квазимодо/Quasimodo d’El Paris, 1999

ռեժ.՝Պատրիկ Տիմսի 
դերերում՝Պատրիկ Տիմսի, Մելանի Թիեր ևն

Ֆիլմի ռեժիսոր Պատրիկ Տիմսին, որը մարմնավորում է Կվազիմոդոյին ոչ միայն էական փոփոխություններ է մտցրել սցենարի մեջ, այլև փոխել է հերոսների նկարագրությունը: Այստեղ Էսմերալդան Կուբայից է և նրան դաստիարակում են Կվազիմոդոյի ծնողները, որոնք իրենց հերթին հրաժարվել են իրենց տղայի դաստիարակությունից: Քաղաքում, որտեղ ապրում են հերոսները դաժան սպանություններ են տեղի ունենում և այդ ոճրագործությունների մեջ տեղացիները մեղադրում են խեղճ Կվազիմոդոյին: Նա պետք է ապացուցի իր անմեղությունը…

 

Ֆիլմը կարող եք դիտել այստեղ:

տես նաև՝Վիկտոր Հյուգոն ասում է…


Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

Կինո՝ կյանքի հիմքով. «Պատանդները»

Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Առաջիկա շաբաթվա կինոպրեմիերաները

93-րդ Օսկարը. ինչպիսին է լինելու տարվա կարևորագույն (մի փոքր տարօրինակ) կինոմրցանակաբաշխությունը

Արցախի մասին պատմող ֆիլմն արդեն երևանյան կինոթատրոններում է

ԱՄՆ ռեժիսորների գիլդիայի նոմինանտների թվում են Դեյվիդ Ֆինչերը, Զաք Բրաֆը և այլոք

Ժան-Ժակ Աննոյի նոր ֆիլմը՝ Նոտր Դամի հրդեհի մասին

Բեռլինալեի հաղթողներն են…