Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2 - VNews

Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

wesnoshadow - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

Շարունակում ենք ներկայացնել աշխարհահռչակ ռեժիսորների սիրելի ֆիլմերը և, Ուես Անդերսոնի գալիք՝ «Ֆրանսիական դիսպետչեր» ֆիլմի թրեյլերի հետքերով, պատմում ենք ռեժիսորի սիրելի հին ու նոր ֆիլմերի մասին, որոնք վաղուց հասանելի են համացանցում և կարող են ուղեկցել ձեզ դեպի գողտրիկ ընտանեկան երեկո՝ տան պայմաններում ռեժիսորի սիրելի հերոսների հետ ծանոթանալու:

 

Whos Afraid of Virginia Woolf 01 960x742 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«Ո՞վ է վախենում Վիրջինիա Վուլֆից», 1966

Անդերսոնը միանգամից չէ, որ դարձել է հայտնի Էդվարդ Օլբիի պիեսի համանուն էկրանավորման երկրպագուն. սկզբից ռեժիսոր Մայք Նիքոլսի ֆիլմը նրան չափից շատ մռայլ թվաց, սակայն վերջերս վերադիտելուց հետո ռեժիսորը եկել է այն մտքին, որ այն գեղեցիկ է,  կլանող և ոգեշնչող: Անդերսոնը համարում է Նիքոլսին ամերիկյան կինոյի ամենահնարամիտ ռեժիսորներից, ով ստեղծել է աննման ֆիլմեր:

 

trouble in paradise crop 960x540 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«Անախորժություններ դրախտում», 1935

Եթե «Գրանդ Հոթել «Բուդապեշտ»-ը դիտելիս Ձեզ մոտ տպավորություն է ստեղծվում, որ Դուք գործ ունեք ոչ թե ֆիլմի, այլ զեֆիրային թխվածքի հետ, ապա շտապում ենք Ձեզ տեղեկացնել, որ անձամբ Անդերսոնը հրուշակեղենային է համարում Էռնստ Լյուբիչի «Անախորժություններ դրախտում» կատակերգությունը, որը ստեղծվել է Ալադար Լասլոյի պիեսի մոտիվներով: Ջենթլմեն գողն ու իր ապագա զուգընկերուհին հանդիպում են Վենետիկում և որոշում միավորել ոչ միայն սիրող սրտերը, այլ նաև սրամիտ «մասնագիտական» հնարքները:

 

2a635793a55c8a0f4553e438d67f50b4 960x540 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«400 հարված», 1959

Ֆրանսուա Տրյուֆոյի ականավոր ֆիլմի հետքերով, որպես խուլիգանական ձոն ինքնագլուխ, դեռահասական ըմբոստությանը, Անդերսոնը խոսում է «բարդ դեռահասների» մասին «Ռաշմոր»-ում և «Լիալուսնի թագավորության» մեջ: New York Public Library-ին տված հարցազրույցում Անդերսոնն ասել է. «Կարծում եմ, «400 հարված»-ից հետո ես առաջին անգամ մտածեցի ռեժիսոր դառնալու մասին»:

 

a clockwork orange 960x500 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«Լարովի նարինջ», 1971

Ինչպես և Կուբրիկը, ռեժիսորական աթոռում Անդերսոնը նույնպես գերուշադիր է դետալների և մանրուքների նկատմամբ, բացի այդ երկու ռեժիսորին էլ հատուկ է նկարահանման հրապարակում տոտալ վերահսկողության մոտեցումը: Էսթետ-վիզուալիստ Անդերսոնը չէր կարող չառանձնացնել Կուբրիկի ֆիլմագրության հենց այս ֆիլմը՝ լի ֆուտուրիստական, այլընտրանքային Լոնդոնի էլեմենտներով, յուրօրինակ կոստյումներով, արտասովոր դեկորներով: «Բացարձակապես եզակի ֆիլմ է, նման չէ որևէ այլ բանի: Մտածված է մինչև մանրուքները, բայց դրա հետ մեկտեղ չի կորցնում աննկարագրելի էներգիայի և ինքնաբերության զգացումը»:

 

download 9 960x665 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«Անտուն շունը», 1949

«Կինոն գնահատող յուրաքանչյուր մարդ Ճապոնիայի մասին լսելիս միանգամից մտաբերում է Ակիրա Կուրոսավային. կինեմատոգրաֆի իրական սենսեյ, ով օրինակ է ծառայել ռեժիսորների մի քանի սերնդի համար,-ասել է Անդերսոնը ճապոնացի ռեժիսորի հետահայաց ցուցադրության բացմանը Նյու Յորքում: -Եթե ինձ հաջողի «Շների կղզում» պատկերել վարպետին ուղղված հղումը 35 մմ ժապավենի վրա՝ ես երջանիկ կլինեմ»:

 

prise de pouvoir par louis xiv 1966 03 g 960x620 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«Լյուդովիկոս XIV-ի իշխանության գալուստը», 1966

Ռոբերտո Ռոսելինին նկարահանել էր այս պատմական ֆիլմը հատուկ ֆրանսիական հեռուստատեսության համար, որն արդյունքում ստացավ հակասական գնահատականներ: Ռոսելինին ստեղծեց այն իրեն հատուկ ռեժիսորական լուծումներով, կրկին հիշեցնելով, որ իր ֆիլմերը «նախ և առաջ տեղեկատվություն են», իսկ թագավորի դերի համար հրավիրել էր դերասանական փորձ չունեցող օֆիսային աշխատողի: Անփորձ դերակատարի անվստահությունը տեսախցիկի առջև, զրուցակցին ուղիղ չնայելը հենց այն էր, ինչ պետք էր երիտասարդ և ամբիցիոզ թագավորին պատկերելու համար: «Անհավանական և շատ տարօրինակ ֆիլմ է,-ասել է Անդերսոնը Criterion պարբերականին տված հարցազրույցում,- Լյուդովիկոսին մարմնավորած դերասանը չի կարողանում վստահաբար անգամ մեկ տող արտասանել, անգամ եթե ֆրանսերեն չգիտեք, հասկանում եք, որ ահավոր վատ է խաղում: Բայց դրա հետ մեկտեղ անհնար է աչք կտրել»:

 

07d9a733d35d2894df6f8f09dd9c86d7438b95c0 960x540 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«Մադամ դե…», 1953

Եվս մեկ ֆիլմ, որն իր կոստյումային, դեկորատիվ և մթնոլորտային բաղադրիչներով ընգծում է Անդերսոնի սերը գեղեցիկի նկատմամբ: Հատկանշական է, որ այս ֆիլմն իր սիրելիների ցանկում է ընդգրկել նաև Սթենլի Կուբրիկը, բացի այդ այն բազմաթիվ անգամներ հայտնվել է ամենատարբեր ցուցակներում՝ ֆրանսիական լավագույն դրամաներից մինչև Օսկարի նոմինացված և այդպես էլ՝ անարդարացիորեն արձանիկի չարժանացած ժապավեն: «Կատարյալ ֆիլմ է: Տեսախցիկի անթերի աշխատանք, որը պատմում է մի զույգ ականջօղերի պատմությունը մի փարիզյան ինտրիգից մյուսը»,-ասել է Անդերսոնը:

NVG 9677 11 960x627 - Ուես Անդերսոնի սիրելի ֆիլմերը՝ Տրյուֆոյից մինչև Էլիզաբեթ Թեյլոր. մաս 2

«Դավադրություն Հարիի դեմ», 1989

Տեխասում ծնված և Օհայոյում մեծացած Անդերսոնը, կարծես, ամերիկյան իրականության մեջ նախապատվությունը տալիս է միայն մի քաղաքի՝ Նյու Յորքին, իսկ «Դավադրություն Հարիի դեմ»-ն իր ամենասիրելի ֆիլմ-կատակերգությունն է այդ խելահեղ քաղաքի մասին: «Այն ինձ մի քիչ հիշեցնում է «Սոպրանոներ»-ը, բայց առանց բռնության,-ասել է ռեժիսորը New York Daily News-ին տված հարցազրույցում:-Հիանալի ֆիլմ է, որոշակի թրթիռ ունի»:


Օդեսայի միջազգային կինոփառատոն. Հայաստանը՝ ժյուրիի կազմում ու Կաննի մեծ ֆիլմերը

Ի՞նչ դիտել տանը. Ինգմար Բերգմանի ամենաթեթև, ջերմ ու դյութիչ ֆիլմերից՝ «Ամառը Մոնիկայի հետ»

Ի՞նչ դիտել տանը. փայլուն դերասանական կազմով ու բրիտանա-իտալական էսթետիկայով օսկարակիր «Տեսարանով սենյակը»

Ի՞նչ դիտել տանը. Ալֆոնսո Կուարոնի «Քո մայրիկին նույնպես» զգացմունքային րոուդ-մուվին

Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

Կինո՝ կյանքի հիմքով. «Պատանդները»

Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ի՞նչ դիտել տանը. ֆիլմեր՝ հագեցած գարնանային մթնոլորտով

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Ինչ դիտել տանը. գարնանային մթնոլորտ ունեցող ֆիլմացանկ