Խելացի՞, թե՞ իմաստուն կին. ինչպե՞ս ճիշտ օգտագործել սեփական խելքը - VNews
    • Մշակույթ Vnews

      Մշակութային նորություններ Հայաստանից և աշխարհից

Խելացի՞, թե՞ իմաստուն կին. ինչպե՞ս ճիշտ օգտագործել սեփական խելքը

Մենք ապրում ենք 21-րդ դարում, Հայաստանում, ավելի մասնավորապես՝ Երևանում, Գյումրիում, կամ Մարալիկում, ապրում ենք երկակի ստանդարտների, լղոզված, իրար հակասող սկզբունքների ու ծայրահեղական մտքերի դարաշարջանում։ Եվ եթե այս ամենի հետ նաև դուք կին եք, հետևաբար ձեզնից պահանջվում է… այո’, այս հարցում ժամանակն անկարող է ինչ-որ բան փոխել․ դուք կին եք և ձեզնից պահանջվում է։

Ամբողջ կախարդանքն այնտեղ է, որ պահանջատերերը մենք ինքներս ենք, և բոլոր պահանջները իրար գումարվելով՝ ամփոփվում են մի պարզ բառի մեջ՝ «երջանկություն»։ Մենք կին ենք և մենք ինքներս մեզ պարտական ենք երջանիկ լինել։ Թվում է՝ ամեն ինչ ավելի խառնվեց իրար, առաջացան բազմատեսակ փիլիսոփայական հարցեր՝ «ի՞նչ է երջանկությունը» արտահայտության տարբեր ձևակերպումներով։ Եթե այս հարցը տանք հարյուր կնոջ, հավանաբար պատասխաններից հիսունը կկրկնվեն, ոմանց ընտանիք է պետք, ոմանց՝ սեր, ոմանց՝ մասնագիտական հաջողություններ, ոմանց՝ «Chanel № 5» օծանելիք… և որքան շատ են այս պատասխանները, այնքան ավելի հեշտ է կռահել՝ երջանկության համար մեզ պետք է գոհ լինել ինքներս մեզնից, մեզ պետք է այն ամենն, ինչը մեզ կստիպի հպարտանալ մեզնով, ավելի պարզ՝ մեզ պետք է լավը լինել։ «Լավ»-ի սեփական ձևակերպմանը համապատասխան։

Այսօր անդրադառնում ենք «լավ կնոջ» համընդհանուր պատկերացման երկու բաղկացուցիչ հատկանիշների՝ «խելացի» և «իմաստուն»։ Ինչպե՞ս են այս հատկանիշները անդրադառնում անձնական, ընտանեկան ու գործնական հարաբերությունների վրա, և ինչու՞ ինտելեկտի մակարդակից շատ ավելի կարևոր է իմաստուն լինելու հանգամանքը։

Ցավոք չկա որևէ թեստ, որը կստուգի՝ որքանով եք դուք իմաստուն կին, սակայն այս հարցին սյուբեկտիվ պատասխան տալու համար դուք կարող եք ուղղակի կողքից նայել ձեր կյանքին. ինչպիսի՞ն է այն, ճիշտ այդպիսին էլ ձեր իմաստությունն է… Ստորև դիտարկում ենք իմաստուն կնոջ և խելացի կնոջ տարբերությունները՝ եզրակացությունները թողնելով ձեզ։

  • Խելացի կինը սիրելիի/ամուսնու սխալը հայտնաբերելով՝ կմեղադրի նրան ու անպայման կհիշեցնի, որ զգուշացրելի էր նրան այդ մասին, մինչդեռ իմաստուն կինը կկանգնի տղամարդու կողքին, կցրի վատ մթնոլորտն ու երբեմն կձևացնի, թե ոչինչ չի էլ նկատել։

 

  • Խելացի կինը ճգնաժամային իրավիճակում իր ձեռքը կառնի ղեկն ու կսկսեի սովորեցնել սիրելիին/ամուսնուն, թե ինչպես է պետք ապրել։ Իմաստուն կինը շատ նուրբ ու աննկատ ցույց կտա նրան ուղղությունն ու սատար կկանգնի նպատակակետին հասնելու գործում։

 

  • Խելացի կինը օր ու գիշեր երեխային մաթեմատիկա կսովորեցնի, չնայած այն հանգամանքին, որ երեխան հաջողում է հումանիտար գիտությունների մեջ, իսկ այ իմաստուն կինը երեխաներից յուրաքանչյուրի մեջ կկարողանա անհատականություն տեսնել։

 

  • Խելացի կինը կձգտի աշխատավայրում լավագույնը լինել ու չսխալվել՝ թեկուզ կոլեգաների ոչ բարիդրացիական վերաբերմունքի գնով, իմաստուն կինը կոլեկտիվում սիրո և համերաշխության մթնոլորտ կստեղծի։

 

  • Խելացի կինը անպայման կկիսվի իր փորձով իր երեխաների հետ, կպատմի՝ ինչն ինչպես անել, եթե անգամ նրանից խորհուրդ չեն հարցրել։ Իմաստուն կինը թույլ կտա երեխաներին սեփական կյանքի փորձը ձեռք բերել։

 

  • Խելավի կինը կռիվ կտա սկեսրոջ ազդեցության հետ, բարձրաձայն կպաշտպանի իր անկախությունը ծնողներից, մինչդեռ իմաստուն կինը կսովորի լուռ լսել, ժպտալ, համաձայնել… և վարվել այնպես, ինչպես ճիշտ է գտնում։ Կարևորը՝ ոչ թե կեղծ ձևականությամբ, այլ սիրով։

 

  • Խելացի կինը կուզենա փոխել ողջ աշխարհն ու բոլորին, իմաստուն կինը կսկսի փոխել ինքն իրեն  և կընդունի մնացածին այնպիսին, ինչպիսին նրանք կան։

և ամենակարևորը՝

  • Խելացի կինը կարծում է, որ երջանիկ է նա, ով ճիշտ է։ Իմաստուն կինը գիտի՝ ճիշտ է նա, ով երջանիկ է։ 

 

 


Ինչպե՞ս է առաջին սերն ազդում հետագա հարաբերությունների վրա

7 ճշմարտություն ՝հայտնի հոգեբանից

6 նախանշան, որ նա ձեզ դավաճանում է

Բարձր էմոցիոնալ ինտելեկտով մարդկանց 12 հատկանիշ

նրանք սիրուն են, կայացած են բայց… միայնակ [ինչու՞]

Ինչու է մեռնում սերը ամուսնությունից հետո․․․

7 պատճառ, թե ինչու են խելացի մարդիկ ավելի դժբախտ

Ի՞նչ է պատմում քո սիրելի գույնը քո մասին

Պահանջատեր և կատարածու ձևաչափը հարաբերություններում

Ինչու՞ ենք մեր տրամադրությունը բարդում եղանակի վրա…

Ինչպե՞ս չամուսնալուծվել կարանտինին…

Ինքանամեկուսացման փիլիսոփայություն

8 բան, որ սպանում է տղամարդու սերը

Մի քանի բան, որ մատնում են՝ դու խելացի ես

Լռությամբ բռնանալու մասին…

Բանականության և սրտի մասին