fbpx
    • Մշակույթ Vnews

      Մշակութային նորություններ Հայաստանից և աշխարհից

Խոշոր հրդեհ Բրազիլիայի ազգային թանգարանում (տեսանյութ)

Բրազիլիայի ազգային թանգարանում խոշոր հրդեհ է բռնկվել. այս մասին տեղեկացնում է The Guardian-ը: Հրդեհը բռնկվել է սեպտեմբերի 2-ի երեկոյան Բրազիլիայի երկրորդ մեծագույն քաղաքներից մեկում՝ Ռիո դե Ժանեյրոյում: Հրդեհի բռնկման պատճառը դեռ հայտնի չէ: Բրազիլիայի նախագահ Միշել Թեմերը հրդեհի վերաբերյալ արձագանքել է իր թվիթեռյան էջում:

«Կորցրել ենք 200 տարվա աշխատանք, գիտելիքներ ու հետազոտություններ»,- ասել է նախագահը:

Պարզվում է, հրդեհը ոչնչացրել է Ազգային թանգարանի շենքը, որտեղ պահվում էր ավելի քան 20 միլիոն ցուցանմուշ: Թանգարանը կառուցվել էր 1818 թվականին, որը հիմնադրել է Պորտուգալիայի արքա Ժուան VI-ը: Հայտնի է, որ թանգարանը սկզբում հավաքել է բուսական և կենդանական աշխարհի նմուշներ, հատկապես թռչունների, ինչի պատճառով Ռիո դե Ժանեյրոյի կենտրոնում տեղակայված շենքը բնակչությանը հայտնի է դարձել  որպես «Թռչունների տուն», այնուհետև արքայական թանգարան: