Դել Պիերո. «Հայաստանում ինձ հրաշալի ու սիրալիր ընդունեցին»

Իտալիայի հավաքականի և «Յուվենտուսի» լեգենդար ֆուտբոլիստ Ալեսանդրո դել Պիերոն «Вечерний Ургант» հաղորդման շրջանակներում խոսել է Իտալիայում Կորոնավիրուսի հետևանքով ստեղծված իրավիճակի, ինչպես նաև Հայաստան գալու մասին: Ավելի վաղ հաղորդել էինք, որ իտալացին Ռուսաստանի վիզա ստանալու նպատակով եկել էր Երևան:

«Ես նախատեսել էի մեկնել Միլան, որ այնտեղ Ռուսաստանի վիզա ստանայի, սակայն հիմա Իտալիայում համընդհանուր ճգնաժամ է՝ կապված Կորոնավիրուսի հետ. մեր ծրագրերը խառնվեցին: Բոլորն անհանգիստ են, բայց մարդիկ ասում են, որ շատ բաներ չափազանցված են, ամեն ինչ այդքան էլ սարսափելի չէ:

Ռուսաստանի վիզա ստանալու համար ես Հայաստան մեկնեցի, որտեղ ինձ հրաշալի ու շատ սիրալիր ընդունեցին», – ասել է դել Պիերոն:

Նշվում է, որ դել Պիերոյի՝ Ռուսաստան կատարած այցի նպատակը բարեգործական է եղել:

Պաշտոնական. «Յուվենտուս» – «Ինտեր» հանդիպումը կանցնի առանց հանդիսականների

Միացի՛ր հայկական ամենասպորտային Instagram-ին: