Դեպի աշխարհի առաջնություն.Վաղը մեկնարկում է դահուկավազքի առաջնությունը - VNews
Բաժիններ

Դեպի աշխարհի առաջնություն.Վաղը մեկնարկում է դահուկավազքի առաջնությունը

Առաջիկա հանգստյան օրերին Աշոցքում կանցկացվի Հայաստանի դահուկավազքի առաջնության առաջին փուլը, տեղեկացնում է ՀԱՕԿ լրատվության բաժինը:

Մրցանակային տեղերի համար կպայքարեն Գյումրիի, Վանաձորի և Աշոցքի ներկայացուցիչները։

Հունվարի 16-ին դասական ոճում կանայք կմրցեն 5 կմ, իսկ տղամարդիկ՝ 10 կմ մրցատարածություններում։ Հաջորդ օրը դահուկորդները նույն տարածություններում կպայքարեն ազատ ոճում։

Առաջնության երկրորդ փուլի մրցաշարը տեղի կունենա փետրվարի 12-ից 14-ը։

Այս ստուգատեսը վարկանիշային է։ Երկու փուլերի ընդհանուր արդյունքներով լավագույն երկուական մարզիկ ու մարզուհի մեր երկիրը կներկայացնեն Գերմանիայում փետրվար-մարտ ամիսներին անցկացվելիք աշխարհի առաջնությունում։

Միացի՛ր հայկական ամենասպորտային Instagram-ին: