Դիեգո Գոդինը՝ Իտալական թոփ ակումբների գլխավոր թիրախ

Ուրուգվայի հավաքականի առանցքային պաշտպան Դիեգո Գոդինն առաջիկայում կարող է փոխել աշխատանքային գրանցումը։ Նրանով լրջորեն հետաքրքրվում են իտալական ամենաուժեղ ակումբները։

Calciomercato-ի հաղորդմամբ, Դիեգո Գոդինը հետաքրքրել է միլանյան երկու թիմերին՝   «Միլանին» ու «Ինտերին»։ Նախօրեին էլ տարածվեց տեղեկություն, որ փորձառու կենտրոնական պաշտպանին ձեռք բերելուն հավակնում է նաև չեմպիոն «Յուվենտուսը»։ Ընդ որում ուրուգվայցին անձամբ է ցանկանում խաղալ Իտալիայում, դրա համար էլ մերժել է «Մանչեսթեր Յունայթեդին»։

Դիեգո Գոդինի պայմանագիրը «Ատլետիկոյի» հետ ավարտվում է արդեն գալիք ամռանը, և, եթե ձմեռային տրանսֆերային պատուհանի ընթացքում չհեռացավ կամ նոր պայմանագիր չկքնեց, ամռանը ցանկացած թիմի բաժին կհասնի անվճար։

Միացի՛ր հայկական ամենասպորտային Instagram-ին: