fbpx

Էդգար Ստեփանյան. «Այսպիսի մոտեցումով հնարավոր չի լինի երկար շարունակել»

Առաջատար հայ հեծանվորդ Էդգար Ստեփանյանը արդեն ապաքինվել է աշխարհի գավաթի խաղարկությունում ստացած վնասվածքից և սկսել է ինտեսիվ մարզվել՝ պատրաստվելով մրցաշրջան 2019-ին: Այս տարի նախաօլիմպիական է, և ինչպես բոլոր մարզիկները, այնպես էլ Էդգարը, ձգտելու է քառամյակի գլխավոր սպորտային իրադարձության ուղեգիր նվաճել:

«Շատ լավ մարզավիճակում եմ: Շաբաթական մարզվում եմ 6 անգամ, օրական՝ 2 անգամ: Վնասվածքս ընդհանրապես զգացնել չի տալիս: Ամեն ինչ շատ լավ է: Մարզվում եմ Երևանում, դեռ չգիտեմ ունեմ ուսումնամարզական հավաք, թե ոչ, բայց որպես մարզիկ դրա կարիքն ունեմ»,-պատմեց Էդգարը VNews.am-ի հետ զրույցում:

Եվրոպայի Մ23 չեմպիոնի համար Հայաստանում չկան անհրաժեշտ պայմաններ մարզումներ անցկացնելու համար, ուստի այս օրերին Ստեփանյանը ստիպված է մարզվել եղանակային վատ պայմաններում:

«Խճուղում եմ մարզվում՝ որքան էլ ցուրտ լինի: Միայն անձրևի կամ ձյան պատճառով եմ հեծանվադազգահի վրա պարապմունքներ անցկացնում: Բոլորը արդեն սկսել են հավաքներն ու մրցաշարերը: 2 առաջնության կմասնակցեմ ու կմեկնեմ Եվրոպայի առաջնության: Ու բնականաբար, բոլորը ինձնից կսպասեն լավ արդյունքի»:

Ստեփանյանի խոսքով՝ այսպիսի մոտեցումով հնարավոր չի լինի երկար շարունակել պայքարը: Էդգարը խնդիր ունի մասնակցելու մեծ թվով մրցաշարերի՝ արդյունքները բարելավելու համար:

Հետևե՛ք VNews.am-ին նաև Youtube-ում և Instagram-ում:


Հայաստանի տասը լավագույն մարզիկները՝ ըստ VNews-ի

Մարզասերների, գլխավոր մարզիչների ու լրագրողների քվեարկության արդյունքները տարվա լավագույն տասը մարզիկների մրցույթում

Առանց ֆուտբոլիստի. Հայտնի են Հայաստանի տարվա տասը լավագույն մարզիկները

InterView. Էդգար Ստեփանյան (տեսանյութ)

Էդգար Ստեփանյանը կմասնակցի աշխարհի գավաթային մրցումներին

Էդգար Ստեփանյանը Օմսկի վարկանշային մրցաշարի հաղթող

Էդգար Ստեփանյանը՝ հեծանվավազքի Եվրոպայի չեմպիոն

Կայացավ Հայաստանի 10 լավագույն մարզիկների պարգևատրման արարողությունը (ֆոտոշարք)

Դուք արդեն հասցրե՞լ եք մասնակցել «Տարվա լավագույն մարզիկների» քվեարկությանը