«Էրդողանը խլել է ինձանից ազատության իրավունքը». Ինչո՞ւ է Հաքան Շուքյուրը ԱՄՆ-ում Uber վարում - VNews
Բաժիններ

«Էրդողանը խլել է ինձանից ազատության իրավունքը». Ինչո՞ւ է Հաքան Շուքյուրը ԱՄՆ-ում Uber վարում

Սպորտի պատմության մեջ շատ են ներկայացուցիչները, որոնք տարիների ընթացքում կուտակած ամբողջ հարստությունը հաջող չեն տնօրինել ու մի օր կանգնել են փաստի առաջ: Ֆուտբոլիստներից նման վիճակում հայտնված առավել հայտնի դեմքերից է Քրիստիան Վիերին: Ժամանակին մոլորակի ամենաթանկարժեք ու արդյունավետ հարձակվողներից մեկը լուրջ միջոցներ էր հավաքել, սակայն մի քանի տարի առաջ նա սնանկացավ: Օգնեցին թիմակիցներն ու նոր հոբին. Վիերին Իտալիայում արդեն հայտնի DJ է: Ընտանեկան խնդիրների պատճառով սնանկացավ լեգենդար բասկետբոլիստ Ալեն Այվերսոնը:

Այս ցուցակը վստահ «առաջնորդում» է Թուրքիայի հավաքականի լեգենդար հարձակվող Հաքան Շուքյուրը: Աշխարհի առաջնությունների պատմության ամենաարագ գոլի հեղինակն այս պահին ապրում է ԱՄՆ-ում՝ զրկված լինելով իր ամբողջ ունեցվածքից ու հարազատների հետ շփումից: Օվկիանոսից այն կողմ գոյատևելու ցանկություն Շուքյուրը երբեք չի ունեցել. նրան ստիպել է Թուրքիայի նախագահ Էրդողանը: Տունդարձի ճամփա Շուքյուրը չունի. հայրենիքի օդակայանում նրան «գրկաբաց» սպասում են իրավապահ մարմինները՝ ձեռնաշղթաները ձեռքերին:

Շուքյուրը բացառիկ ֆուտբոլիստ է թուրքական ֆուտբոլի համար: Նրան հայրենիքում կոչել են «Բոսֆորյան ցուլ»՝ իր անկոտրում կամքի ու ուժային պայքարում միշտ հաղթող լինելու շնորհիվ: Նա մինչև այսօր Թուրքիայի հավաքականի ու երկրի ամենատիտղոսակիր ակումբի՝ «Գալաթասարայի» լավագույն ռմբարկուն է: Ընդ որում, նրան հարգում են թուրքական Սուպերլիգայի մյուս գրանդ ակումբների՝ «Ֆեների» ու «Բեշիկթաշի» ֆաները, ինչը նոնսենս է տեղի ֆուտբոլի համար: Այսօր այս ամենն այլևս անցյալ է, իսկ դառը ներկան ԱՄՆ-ն ու Բրոդվեյի մոտակայքում կայանած նրա Uber տաքսի ծառայության մեքենան է: Ու դա այն դեպքում, որ ժամանակին Շուքյուրի պսակադրության գլխավոր հյուրը հենց Էրդողանն էր…:

Կարիերան ավարտելուց հետո Շուքյուրը չցանկացավ մնալ ֆուտբոլում, որոշ ժամանակ աշխատեց որպես եթերային փորձագետ, որից հետո խորացավ քաղաքականության մեջ: Նա համալրեց կոնսերվատիվների կուսակցության շարքերը, որն այսօր իշխանության է: Ի վերջո, Շուքյուրը դարձավ պատգամավոր՝ ներկայացնելով Էրդողանի կուսակցությունը՝ միևնույն ժամանակ պահպանելով ջերմ հարաբերություններ Գյուլենի հետ: Սակայն կարճ ժամանակ անց նրա քաղաքական կարիերան կործանվեց հենց այդ ընկերության պատճառով:

Գյուլենի քաղաքական հայացքները գնալով ավելի ու ավելի արմատական էին դառնում.նա ցանկանում էր Թուրքիան վերածել ավելի իսլամական պետության: 2013-ին Էրդողանը որոշեց փակել երկրի տարածքում գործող նրա քաղաքական դպրոցները: Շուքյուրը դրանից վրդովված, հեռացավ իշխող կուսակցությունից ու դարձավ անկախ պատգամավոր: Այստեղից էլ սկսեցին նրա լուրջ խնդիրները: «Ես ալբանացի եմ, որովհետև ես թուրք չեմ»: Այսպիսի հայտարարություն արեց մի օր Շուքյուրը, ինչը ռումբի էֆեկտ ունեցավ: Ազգայնական ուղվածություն ունեցող երկրում նման պնդումը վտանգավոր էր: Նույն է, ինչ ասեր «Ես թուրք չեմ, ես քուրդ եմ»:

2016-ին Շուքյուրին սկսեցին հետապնդել իշխանությունները: Նրան մեղադրեցին նախագահին անպատվելու համար: Անգամ եղավ դատական նիստ, որի ժամանակ նա հերքեց մեղադրանքները՝ պնդելով, որ իր թվիթերը սխալ են ընկալվել: Իսկ նույն թվականի հուլիսին ձախողված հեղաշրջման գլխավոր մեղավոր հանեցին «գյուլենիստներին»: Անկարգությունների ժամանակ սպանվեց 300 մարդ, 12 հազար հոգի զրկվեց աշխատանքից, ևս 50 հազարը ձերբակալվեցին: Եկան նաև Շուքյուրի հետևից՝ այս անգամ մեղադրանք ներկայացնելով գյուլենական խմբավորումներին սատարելու համար:

Շուքյուրն ուներ շանս ազատ և ապահով կյանքով ապրելու հնարավորություն, սակայն նա չհրաժարվեց իր գաղափարներից: Նա կիսեց Էնես Կանտերի ճակատագիրը: Էրդողանի թիմը ձերբակալեց Շուքյուրի հորը: Սպառնալով նրան թողնել բանտում ցմահ՝ Շուքյուրին ստիպում էին ընդունել մեղքն ու խոստովանել, որ նա իբրև թե ֆինանսավորել է ռամզական հեղաշրջման առաջնորդներին: Ի հավելումն սպառնալիքների ու մեղադրանքների, իշխանականները առգրավեցին Շուքյուրի շարժական ու անշարժ գույքը, սառեցրին բանկային հաշիվները: Վերջին պահին նա կարողացավ փախչել ԱՄՆ: Մի քանի ամիս առաջ հայտնի դարձավ, որ Շուքյուրի հայրը բանտում մահացել է քաղցկեղից:

Այսօր Շուքյուրն ապրում է ԱՄՆ-ում վտարանդիի կարգավիճակում: Նրան ջերմացնող միակ երևույթը հիշողությունն է իր փայլուն կարիերայի ու հեղինակության մասին: Նա քանիցս հայտարարել է, որ կարոտում է իր հայրենիքը ու դեմ չէր լինի վերադառնալ, բայց քանի դեռ Թուրքիայի ղեկավարն Էրդողանն է, Շուքյուրը դեռ երկար ժամանակ, գուցե, ապրի պանդուխտի կյանքով ու լինի Uber-ի ծառայության շարքային աշխատակից:

«Էրդողանը մեր օրերի Հիտլերն է». NBA թուրք բասկետբոլիստը սկանդալային տեսանյութ է հրապարակել

Միացի՛ր հայկական ամենասպորտային Instagram-ին:


«Էրդողանը մեր օրերի Հիտլերն է». NBA թուրք բասկետբոլիստը սկանդալային տեսանյութ է հրապարակել

Թվեք Հայաստանի Մ-21 հավաքականի կազմը, որը հաղթեց Թուրքիային 2008-ին. VNews-ի Quiz-ը

Ռայան Բաբելը լուսանկար է հրապարակել Օզբիլիսի հետ ու դիմել թուրք հետևորդներին

«Թմրամոլ Սուպեր Մարիոն». Ինչու և ինչպես փոշիացավ լավագույն գոլահարներից մեկի կարիերան

Մուսլերան ոտքի կրկնակի կոտրվածք է ստացել «Ռիզեսփորի» դեմ խաղում (տեսանյութ)

Ռոբերտո Կառլոս. «Ես շատ մոտ էի «Չելսի» տեղափոխությանը»

Թվեք 21-րդ դարի աշխարհի չեմպիոն հավաքականների կազմերը. VNews-ի Quiz-ը

«Պուպո՞ւշ քայլ, թե՞ լրջագույն մեսիջ». Ինչո՞ւ են ֆուտբոլիստները խաղադաշտ դուրս գալիս երեխաների հետ

Ֆալկաոն կարող է տեղափոխվել Չավիի գլխավորած թիմ

Ռուշտուի վիճակը ծայրահեղ ծանր է

Նելսոն Կուևասը պատմել է, թե ինչպես են անցնում Ռոնալդինյոյի օրերը բանտում

«Գալաթասարայի» անվանի մարզիչը լիովին բուժվել է կորոնավիրուսից

Լեգենդար դարպասապահ Ռուշտու Ռեչբերը վարակվել է կորոնավիրուսով

Կարոտախտ_#3. «Դարասկզբի կապիկությունը». Ինչպես Հվ.Կորեան «հաղթեց» Իտալիային ԱԱ 2002-ին (տեսանյութ)

«Ֆեներբախչեի» նախագահը կռվի է բռնկվել երկրպագուների հետ (տեսանյութ)

Մոլորակի ամենաթեժ դերբիներից մեկը ու Մուսլերայի անհավատալի սեյվը (տեսանյութ)