«Էրդողանը մեր օրերի Հիտլերն է». NBA թուրք բասկետբոլիստը սկանդալային տեսանյութ է հրապարակել - VNews
Բաժիններ

«Էրդողանը մեր օրերի Հիտլերն է». NBA թուրք բասկետբոլիստը սկանդալային տեսանյութ է հրապարակել

Enes Kanter takes jab at Turkey s president with personalized jersey idea - «Էրդողանը մեր օրերի Հիտլերն է». NBA թուրք բասկետբոլիստը սկանդալային տեսանյութ է հրապարակել
Խաղի մանրամասները

տուր

01 Հունվար 1970 - 01:29

-

-

Գաղտնիք չէ, որ մեր հարևան երկրներում այլախոհության համար մարդիկ ձերբակալվում են և/կամ ենթարկվում ազատազրկման: Թուրքիայում Էրդողանի ռեժիմի դեմ պայքարողները քիչ չեն: Պայքարողների շարքում են ինչպես քաղաքական, այնպես էլ հասարակական գործիչներ, մշակութաբաններ ու մարզիկներ: 2013 թվականին, օրինակ, «Գալաթասարայի» բասկետբոլիստ Չենկ Աքյոլը զարմանալիորեն դուրս էր մնացել իր հավաքականի հայտացուցակից Եվրոբասկետի խաղարկության համար: Պատճառը 2013 թվականին «Թաքսիմ» հրապարակում տեղի ունեցող հակակառավարական ցույցերն էին, որին սատարում էր Աքյոլը: Պաշտոնապես նրա՝ չմասնակցելու մասին որևէ տեղեկություն չհաղորդվեց, սակայն բասկետբոլիստի խոսքով, պատճառը զուտ քաղաքական է:

Սակայն նրանից առավել հայտնի բասկետբոլիստ Էնես Կանտերն է: Նա նույնպես անցել է նույն ճանապարհը, ինչ Աքյոլը: Սակայն ի դեմս նրա, հավաքականի շտաբը զրկվեց հույժ կարևոր ու տաղանդավոր խաղացողից 2015 թվականի Եվրոբասկետից առաջ: Սակայն դա ոչ մի կերպ չփոխեց նրա քաղաքական դիրքորոշումը: Կանտերը շարունակաբար հանդես էր գալիս հայտարարություններով՝ Էրդողանին կոչելով «մեր օրերի Հիտլեր»: Հերթական գրառումը նորից պայթեցրել է համացանցը:

Իր ներկայացրած տեսանյութի մեջ Կանտերը ներկայացրել է երկու բռնապետների անսովոր նմանությունները: Տեսանյությում մասնավորապես բերված են օրինակներ Հիտլերի ու Էրդողանի վատ մանկության, երիտասարդ տարիքում բանտարկված լինելու, քաղաքական ու ռազմական տեսանկյունների լուրջ նմանությունների մասին:

«Նա սարսափելի դիկտատոր է» -ամեն տեսանյութի մեջ ասում է Կանտերը:

 

View this post on Instagram

 

#DictatorErdogan is the Hitler of our century. @rterdogan . Let’s make this # Hashtag viral everyone! 👉 #HitlerErdogan

A post shared by Enes Kanter (@eneskanter11) on

2016 թվականին Թուրքիայում եղավ ռազմական հեղաշրջման փորձ, որը, իհարկե, Էրդողնը «հերոսաբար» ճնշեց: Ըստ ոչ պաշոնական տեղեկությունների՝ հեղաշրջման ակունքներում կանգնած է «Հիզմեթ» հասարակական-քաղաքական շարժումը՝ առաջնորդ Ֆեթխուլահ Գյուլենի գլխավորությամբ: Շվեյցարիայում ապրելու տարիներին Կանտերը հաճախել է «Հիզմեթի» դպրոցն ու հենց այնտեղ է ձևավորել իր քաղաքական հայացքները: 4 տարի առաջ տեղի ունեցած հեղաշրջման անհաջող փորձի ընթացքում Կանտերն ակտիվորեն գրառումներ էր կատարում համացանցում: Իշխանական լծակների հրամանով նրա թվիթերյան պրոֆիլը փակվեց Թուրքիայի տարածքում, բայց այլ հարթակներում նա շարունակում էր սպառնալիքներ ստանալ ֆանատիկ իշխանականներից:

Այս տարաձայնությունների ու աղմուկի գագաթնակետը դարձավ Կանտերի ու իր ընտանիքի փոխհարաբերությունների խզումը: Նրա հայրը՝ Մեհմեթ Կանտերը, բաց նամակ է հրապարակել, որտեղ ի լուր աշխարհի հայտարարել է որդուց հրաժարվելու մասին:

«Ես վաղուց էի Էնեսին զգուշացրել, սակայն նա շարունակեց գրառումներ կատարել համացանցում ու քննադատել մեր նախագահին: Կանտերների ընտանիքը չի կիսում նրա գաղափարները, դրա պատճառով մենք հրապարակայնորեն հրաժարվում ենք նրանից: Ես ուզում եմ, որ նա փոխի իր ազգանունը: Ներողություն ենք խնդրում մեր նախագահից ու թուրք ժողովրդից նման որդի դաստիարակելու համար»:

Պատասխան նամակում, որը չուշացավ, Էնեսն անվերապահորեն կատարեց հոր պահանջը, սակայն դա այն չէր, ինչ, հավանաբար, ակնկալում էր Կանտեր ավագը:

«Այսօր կորցրի այն մարդկանց, որոնց 24 տարի համարում էի իմ ընտանիքը: Ինձ ծնած մայրս ու մեծացրած հայրս հրաժարվեցին ինձանից, քույրերս ու եղբայրներս ինձ հետ չեն շփվում: Սակայն հանուն Գյուլենի գաղափարի, գուցե, պետք է հազարավոր Էնես Կարտերներ զոհ գնան, միայն թե մաքրվի մեր երկիրը Էրդողանի նման ահաբեկչից: Այսուհետև իմ եղբայրներն ու քույրերը Գյուլենի հետևորդներն են լինելու: Շնորհակալ եմ, Էնես (Կանտեր) Գյուլեն»:

Հասկանալով, որ անհնար է սաստել երիտասարդ բասկետբոլիստին, Էրդողանի ռեժիմն սկսեց օգտագործել պետական բոլոր լծակները: Նախ սկսվեց անհիմն քրեական հետապնդում Էնեսի հոր նկատմամբ: Սակայն անգամ նրան 15 տարվա ազատազրկման ենթարկելը ծնկի չբերեց բասկետբոլիստին: Դրան զուգահեռ, Կանտերին զրկեցին անձնագրից: Ռումինիայում գտնվելու ընթացքում նրան հայտարարեցին, որ նրա անձնագիրն այլևս վավեր չէ: Սոցցանցերում օգնություն խնդրելուց հետո առաջինն արձագանքեց Մեծ Բրիտանիան, համաձայնեց նրան տեղափոխել Լոնդոն, որտեղից համապատասխան փաստաթղթեր ձևակերպելուց հետո նա տեղափոխվեց ԱՄՆ ու շուտով ստացավ ամերիկյան անձնագիր:

Այս տարվա հունիսի 19-ին Մեհմետ Կանտերը ազատ արձակվեց, իսկ դրանից 10 օր անց պանդեմիայից հետո վերսկսվեց NBA-ի բասկետբոլի կանոնավոր առաջնությունը: Կանտերը հայտարարեց «Բոստոն Սելթիկսին» միանալու մասին: Թուրք բասկետբոլիստը նոր  ակումբում առաջին ասուլիսին ներկայացավ Թուրքիայի նախագահ Էրդողանին հայհոյող գրությամբ խաղաշապիկով, որով հանդես եկավ մրցաշրջանի վերսկսումից հետո: NBA-ն թույլ է տվել կորոնավիրուսի պանդեմիայի հետևանքով դադարեցված մրցաշրջանի վերսկսումից հետո հանդես գալ սոցիալական արդարության վերաբերյալ գրություններով։

 

View this post on Instagram

 

Can anyone think of a better one for me ? 🤣

A post shared by Enes Kanter (@eneskanter11) on

Միջազգային հանրությունը վաղուց է հետևում Կարտերի շուրջ ստեղծված իրավիճակին: Վերջերս համեմատական էր անցկացվել Կանտերի ու Հենրիխ Մխիթարյանի իրավիճակի շուրջ՝ հիշատակելով մեր ավագի՝ Բաքու չմեկնելը 2018/2019 մրցաշրջանի Եվրոպա լիգայի եզրափակիչ «Արսենալ» – «Չելսի» հանդիպմանը:

Ամենահետաքրքիր գործակիցները ֆուտբոլային իրադարձությունների համար

Միացի՛ր հայկական ամենասպորտային Instagram-ին:


Պոգբա. «Նա ֆուտբոլի պատմության ամենասիրված խաղացողն է, անհնար է չսիրել նրան»

Sky Sports. Քեյնը կրկին հայտնել է, որ ցանկանում է հեռանալ. անգլիական գրանդ ակումբներն սպասում են

«Ռոման» ներկայացրել է Մխիթարյանի գոլի անիմացիոն տարբերակը (տեսանյութ)

Խելահեղ մրցաշրջանի խենթ ավարտը․ ինչ է զոհասեղանին վերջին տուրից առաջ եվրոպական թոփ-5 լիգաներում

Հայտնի է՝ ով է ճանաչվել լավագույնը «Ռոմայի» կազմում հռոմեական դերբիում

WhoScored, SofaScore. Մխիթարյանը՝ հռոմեական դերբիի լավագույն ֆուտբոլիստ

Մխիթարյան․ «Այն, ինչ Մոուրինյոյի հետ եղել է Մանչեսթերում, այնտեղ էլ ավարտվել է»

Մխիթարյանը 6 լեզվով հնչեցրել է հանրահայտ էջի անվանումը (տեսանյութ)

Մխիթարյանը՝ իր ապագայի և Մոուրինյոյի հետ սպասվող աշխատանքի մասին

Մխիթարյանը 2 անձնական ռեկորդ է սահմանել

Մխիթարյանը հավակնում է ճանաչվել «Ռոմա» – «Լացիո» խաղի լավագույն ֆուտբոլիստ

Մխիթարյանը գեղեցիկ հարվածով բացում է հաշիվը հռոմեական դերբիում (տեսանյութ)

«Լեսթերը» հաղթեց «Չելսիին» ու նվաճեց Անգլիայի գավաթը (տեսանյութ)

«Ռոմայի» հայտացուցակը հռոմեական դերբիի համար

Ռոմանո. «Արսենալը» որոշում է կայացրել Միկել Արտետայի վերաբերյալ

Շատ հավանական է՝ փոխվի ՈՒԵՖԱ-ի սուպերգավաթի խաղի անցկացման վայրը