3 հայ ֆուտբոլիստ, որ անսպասելիորեն մնացել է առանց ակումբի - VNews
Բաժիններ

3 հայ ֆուտբոլիստ, որ անսպասելիորեն մնացել է առանց ակումբի

70185754 10162417828075247 7981552345672581120 n - 3 հայ ֆուտբոլիստ, որ անսպասելիորեն մնացել է առանց ակումբի

Հայկական ֆուտբոլային իրականության մեջ նորմալ երևույթ է, որ տեղի ակումբներում երկար ժամանակ հանդես եկած և որոշակի հաջողություններ գրանցած ֆուտբոլիստը կարող է հանկարծակիորեն անհետանալ տեսադաշտից:

Ընթացիկ մրցաշրջանում VBET Հայաստանի Պրեմիեր լիգան լքեցին մարզային 2 ակումբներ՝ «Գանձասար-Կապանն» ու «Լոռին»: Կապանյան ակումբում գերազանցապես խաղում էին հայ ֆուտբոլիստներ, ու նրանց մեծ մասին հաջողվեց նոր թիմեր գտնել: Լոռու մարզը ներկայացնող ակումբում հիմնականում արտասահմանցիներ էին հանդես գալիս, և թե՛ նրանք, թե՛ տեղացի խաղացողներն արդեն սկսել են նոր աշխատավայրի փնտրտուքները:

Ներկայացնում ենք 3 հայ ֆուտբոլիստների, որոնք ձմռանից հետո անսպասելիորեն մնացել են առանց ակումբի, բայց, ինչպես տեղեկացանք նրանց հետ զրույցներից, չեն ավարտել կարիերան ու մտադիր են շարունակել գործունեությունը: Առանձնացրել ենք խաղացողների, որոնք բավականին լավ ֆուտբոլային տարիքում են և արդեն հասցրել են իրենց մասին խոսել տալ՝ գրանցելով որոշակի հաջողություններ:

Արման Մելիքսեթյան

25 տարեկան, դարպասապահ

Վերջին ակումբը՝ «Գանձասար-Կապան»

Gandzasar vs NOAH 23 960x640 - 3 հայ ֆուտբոլիստ, որ անսպասելիորեն մնացել է առանց ակումբի

Արտակ Եդիգարյանը միացավ Մխիթարյանին ու գործող ֆուտբոլիստներից ևս 4-ին․ Միանգամից 2 տպավորիչ ցուցանիշ

Արմանը Հայաստանի հավաքականում 4 խաղ անցկացրած, ներկայումս «Արարատում» հանդես եկող դարպասապահ Գրիգոր Մելիքսեթյանի եղբայրն է: Բարձրագույն խմբում ելույթները սկսել է 2014 թվականին՝ պաշտպանելով «Արարատի» դարպասը: Այնտեղ անցկացրած միայն 4-րդ մրցաշրջանում հաջողվեց որոշակիորեն ամրապնդվել մեկնարկային կազմում՝ մասնակցելով առաջնության 9 հանդիպման: «Արարատը» 2017/18թթ․ առաջնությունն ավարտեց հետնապահի դերում, բայց դարպասապահին հարցերը քիչ էին, որովհետև Արմանը յուրաքանչյուր խաղում բազմաթիվ «սեյվերի» հեղինակ էր դառնում՝ փրկելով իր թիմին: Այդ ամենը չվրիպեց Արթուր Պետրոսյանի ուշադրությունից:

Մ21 հավաքականում 2 խաղ անցկացրած Մելիքսեթյանը 2017թ․-ի նոյեմբերին առաջին անգամ հրավիրվեց Հայաստանի ազգային թիմ, բայց նախատեսված ընկերական հանդիպումներին չմասնակցեց: 2018/19թթ․ մրցաշրջանն անցկացրեց «Արցախում» (ներկայիս «Նոայում»), Բարձրագույն խմբում մասնակցեց 18 մրցավեճի: Նոր մրցաշրջանի սկզբում 4 անգամ մտավ ասպարեզ, ինչից հետո իր տեղը զիջեց թիմի նորեկ Վալերիո Վիմերկատիին: 2019թ․-ի սեպտեմբերին հասցրեց արդեն Արմեն Գյուլբուդաղյանցի օրոք ևս մեկ անգամ հրավիրվել ազգային հավաքական, թեև իտալացիների ու բոսնիացիների դեմ ընտրական խաղերին չհայտավորվեց: Չստանալով բավարար խաղաժամանակ՝ 2020թ․-ի ձմռանը համալրեց «Գանձասար-Կապանի» կազմը, բայց այնտեղ էլ մինչև ակումբի լուծարումը մասնակցեց ընդամենը 3 մրցավեճի:

07.09.2019 Armenia pre match 19 960x640 - 3 հայ ֆուտբոլիստ, որ անսպասելիորեն մնացել է առանց ակումբի

Արման Մելիքսեթյան․ «Այս պահին անհատական ծրագրով մարզումներ եմ անցկացնում Երևանի ԲԿՄԱ-ի հետ: Ձմռանը կար «Ալաշկերտին» միանալու տարբերակ, բայց քանի որ Դավիթ Յուրչենկոն միացավ այդ ակումբին, տեղափոխությունը չկայացավ: Անպայման մտադիր եմ շարունակել կարիերաս ու ամռանը նոր ակումբ կունենամ: VBET Հայաստանի Պրեմիեր լիգայում, ինչպես գիտեք, շատ են լեգեոներ-դարպասապահները, կան նաև թիմեր, որտեղ այդ դիրքի միանգամից 2 արտասահմանցիներ են հայտավորված: Այդուհանդերձ, նոր մրցաշրջանից առաջ կլինեն նաև Առաջին խմբից բարձրացող թիմեր: Կփորձեմ հարմար տարբերակ գտնել»:

Հայկ Գալստյան

23 տարեկան, հարձակողական ոճի կիսապաշտպան

Վերջին ակումբը՝ «Ալաշկերտ»

21557694 517302188613068 5444279031619677635 n - 3 հայ ֆուտբոլիստ, որ անսպասելիորեն մնացել է առանց ակումբի

«Արարատ», «Բարսելոնա», «Ալաշկերտ», «Ռեալ». Հայաստանում չեմպիոնական պայքարն ամենահամառն է Եվրոպայում

Գալստյանը ֆուտբոլիստ է, որի մասին վերջին տարիներին բազմիցս է խոսվել: Նա համարվում էր Հայաստանի ամենահեռանկարային խաղացողներից մեկը, որ ուշ թե շուտ պետք է առաջատար ֆուտբոլիստ դառնար ազգային հավաքականում: Այդուհանդերձ, դա ինչ-ինչ պատճառներով առայժմ տեղի չի ունեցել: Պատանեկան տարիքում «Միկայում» գերտպավորիչ խաղերից հետո Եվրոպայում շատերը սկսեցին հետաքրքրվել Գալստյանով, տեղափոխվեց Գերմանիա: Ելույթները սկսեց «Հոֆենհայմի» Մ19 թիմում, ապա միացավ «Բոխումի» նույն տարիքային թիմին: Այնտեղ 2 մրցաշրջանում Բունդեսլիգայի Մ19 առաջնությունում մասնակցեց 21 մրցավեճի՝ խփելով 6 գոլ:

Դրան հաջորդեց գերմանական մեկ այլ ակումբ՝ «Շտուտգարտ» տեղափոխությունը: 2017/18թթ․ մրցաշրջանում Գերմանիայի 4-րդ Բունդեսլիգայում 20 խաղ անցկացրեց (միայն 5-ը՝ մեկնարկային կազմում) ու դարձավ 1 գոլի հեղինակ: Գալստյանը մարզվում էր ակումբի առաջին թիմի հետ և հույս ուներ շուտով նորամուտը նշել նաև գլխավոր Բունդեսլիգայում: Սակայն հաջորդ մրցաշրջանում նույնիսկ երկրորդ թիմում որևէ խաղի չմասնակցեց, 6 ամիս էլ բացակայեց վնասվածքի պատճառով: Հայաստանի տարբեր տարիքային հավաքականներում ելույթ ունեցած ֆուտբոլիստը 2020թ․-ի ձմռանը միացավ «Ալաշկերտին», բայց այնտեղ 1 տարում դաշտում ընդհանուր միայն 7 րոպե անցկացրեց:

IMG 0962 - 3 հայ ֆուտբոլիստ, որ անսպասելիորեն մնացել է առանց ակումբի

Հայկ Գալստյան․ ««Ալաշկերտից» հեռացա քիչ խաղաժամանակ ստանալու պատճառով: Ձմռանը հայկական այլ ակումբ տեղափոխվելու տարբերակ չի եղել: Ներկա պահին Գերմանիայում եմ: Մարզվում եմ անհատական ծրագրով, որպեսզի ամռանը նոր ակումբ գտնեմ: Ինչ վերաբերում է կարիերայի շարունակության հնարավոր տարբերակներին, ապա այս պահին հստակ ոչինչ չկա: Դժվար թե խաղամ Հայաստանում, ավելի հավանական է՝ հանդես գամ արտասահմանում: Ներկա պահին չունեմ գործակալ, որը զբաղվում է այդ հարցերով»:

Վահագն Հայրապետյան

23 տարեկան, հենակետային կիսապաշտպան

Վերջին ակումբը՝ «Ալաշկերտ»

13.09.2020 Alashkert 1 2 Urartu 27 960x640 - 3 հայ ֆուտբոլիստ, որ անսպասելիորեն մնացել է առանց ակումբի

Բայդաչնի. «Հայկական թիմերն ունեն դրական կողմ, որը նաև ազգային հավաքականում եմ տեսնում»

Հայրապետյանը նախորդ 4 մրցաշրջաններում կայուն խաղաժամանակ է ստացել Բարձրագույն խմբում: «Փյունիկում» 2016-2018թթ․ առաջնությունում խաղադաշտ է դուրս եկել 61 անգամ, «Ալաշկերտում» նախորդ առաջնությունում՝ 22 (11-ում՝ մեկնարկային կազմում): Փոքրամարմին, բայց ագրեսիվ և ավելի շատ քանդող ոճի հենակետային Հայրապետյանը «Փյունիկում» Հայաստանի չեմպիոն է հռչակվել: Առավել հիշարժան է 2018թ․-ի եվրագավաթային ամառը, երբ «Փյունիկն» Անդրեյ Տալալաևի գլխավորությամբ հասավ մինչև Եվրոպա լիգայի որակավորման 3-րդ փուլ: Հայրապետյանն առանցքային օղակ էր այդ թիմում՝ մեկնարկային կազմում մասնակցելով բոլոր 6 խաղերին:

«Ալաշկերտում» ևս սկզբում ամեն ինչ հարթ էր անցնում: Բացի առաջնությունում ստացած խաղաժամանակից, 2019թ․-ի ամռանը հիմնական կազմում անցկացրեց «Ալաշկերտի»՝ Եվրոպա լիգայի որակավորման փուլում բոլոր 4 հանդիպումները, դարձավ 1 գոլային փոխանցման հեղինակ: Բարձրագույն խմբի այդ տարվա առաջնությունում էլ խփեց 1 գոլ ու կատարեց 1 արդյունավետ փոխանցում: Պատանեկան և երիտասարդական հավաքականներում հանդես եկած խաղացողը դիտարկվում էր նաև որպես ազգային ընտրանու թեկնածու, թեպետ այդպես էլ հրավեր չստացավ երկրի գլխավոր թիմից: «Ալաշկերտում» այս մրցաշրջանում միայն 1 հանդիպում անցկացրեց ու ձմռանը լքեց թիմը:

Alashkert vs FCSB 20 960x640 - 3 հայ ֆուտբոլիստ, որ անսպասելիորեն մնացել է առանց ակումբի

Վահագն Հայրապետյան․ «Աճուկի վնասվածք ունեի, որից արդեն ապաքինվել եմ, վերականգնողական գործընթացն անցյալում է: Անհատական ծրագրով մարզումներ եմ անցկացնում: Առայժմ որևէ կոնկրետ առաջարկ չեմ ստացել հայկական ակումբներից: Ամռանը, հնարավոր է, լինի կարիերան շարունակելու հստակ տարբերակ: Չունեմ գործակալ կամ պայմանագիր որևէ գործակալության հետ, որ նրանք զբաղվեն այդ գործընթացով: Կան ծանոթներ, որոնք ինձ փորձում են օգնել նոր ակումբ գտնելու հարցում»:

Կապառոսի տղաները․ համաշխարհային ֆուտբոլի 7 բացահայտում, որ կատարել է մեր հավաքականի մարզիչը

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


«Արարատ» – «Ալաշկերտ». մեկնարկային կազմեր, ուղիղ հեռարձակում

Մեր մրցակիցները. Գերմանիայի հավաքականը գլխավորելու առաջարկ է կատարվել

«Գանձասար-Կապանը» ցանկանում է վերադառնալ VBET Պրեմիեր լիգա. Առաջին խումբը բացառված է

Եզրափակիչի նախերգանք կամ 3 հրաշալի ներկայացումներից առաջինը․ Ինչ է պետք իմանալ VBET ՀՊԼ 23-րդ տուրից առաջ

VBET Հայաստանի Պրեմիեր լիգայի 22-րդ տուրի խորհրդանշական հավաքականը և լավագույն ֆուտբոլիստը

Բիչախչյանի շուրջ 6 ամսվա սպասումն ավարտվեց, Համբարձումյանը 2021-ին արդեն 2-րդ անգամ հիացրեց (տեսանյութ)

Նենադովիչն անկասելի է վերջին 4 հանդիպումներում, Վիմերկատին կրկնեց Երմակովի ցուցանիշը

Վիտինյո․ «Ավելի լավ կաշխատենք, որպեսզի հաջորդ խաղում հաղթանակի հասնենք» (տեսանյութ)

Լևոն Դարբինյան․ «Շատ ուրախ եմ մեկնարկային կազմում նորամուտիս առիթով․ հուսամ՝ շարունակական կլինի» (տեսանյութ)

Տիգրան Եսայան. «Երբ չես խփում, քեզ են խփում. այդ օրենքը աշխատեց» (տեսանյութ)

Տիգրան Դավթյան. «Հետևում ենք մեր երկրորդ թիմի երիտասարդների խաղին ու նրանց պարբերաբար հնարավորություն տալիս» (տեսանյութ)

«Ամեն ինչ անելու եմ, որ կրկին հրավիրվեմ Հայաստանի հավաքական». Արտյոմ Միքայելյան

«Շիրակ» – «Ուրարտու». Մեկնարկային կազմեր, ուղիղ հեռարձակում

Դմիտրի Աբակումով․ «Մեզ առայժմ ինչ-որ բան չի հերիքում» (տեսանյութ)

Ջոաո Ջորդի Մոնրոյ Արարատ․ «Պետք է հաղթենք բոլոր խաղերում, որ չեմպիոն դառնանք» (տեսանյութ)

Հովհաննես Հարությունյան․ «Տակտիկապես հաղթեցինք, բայց բախտը չժպտաց գոլ խփելու հարցում» (տեսանյութ)