«Ես ավելի շատ գոլ եմ խփել, քան դու խաղ ես անցկացրել կարիերայիդ ընթացքում»․ Իբրահիմովիչը՝ «Ատալանտայի» ֆուտբոլիստին

Ինչպես արդեն տեղեկացրել ենք, «Միլանն» Ա սերիայի 19-րդ տուրում սեփական հարկի տակ 0-3 հաշվով պարտվել է «Ատալանտային»: Բերգամոն ներկայացնող թիմի կազմում գոլեր են խփել Քրիստիան Ռոմերոն, Յոսիպ Իլիչիչը և Դուվան Սապատան:

Marca-ի հաղորդմամբ՝ «ռոսոներիների» հարձակվող Զլատան Իբրահիմովիչը կոնֆլիկտի մեջ է մտել մրցակցի ֆուտբոլիստ Սապատայի հետ:

«Ես ավելի շատ գոլ եմ խփել, քան դու խաղ ես անցկացրել ամբողջ կարիերայիդ ընթացքում»,- ասել է շվեդը կոլումբացի խաղացողին: «Ատալանտայի» հարձակվողն անտեսել է այդ խոսքը և չի մտել երկխոսության մեջ:

Իբրահիմովիչն Ա սերիայի ընթացիկ առաջնությունում մասնակցել է 9 հանդիպման, դարձել 12 գոլի ու 1 արդյունավետ փոխանցման հեղինակ: Սապատան իր հերթին նույն մրցաշարում խաղադաշտ է դուրս եկել 19 անգամ՝ խփելով 8 գոլ և կատարելով 4 գոլային փոխանցում:

«Ատալանտան» միավորների քանակը հասցրել է 36-ի ու բարձրացել աղյուսակի 4-րդ հորիզոնական: «Միլանը» 43 միավորով զբաղեցնում է 1-ին տեղը:

Զլատանի 600-րդ խաղն ազգային առաջնություններում

Միացի՛ր հայկական ամենասպորտային Instagram-ին: