Էտո՛օ. «Մոուրինյոն ինձ համոզեց «Ինտեր» տեղափոխվել մեկ նկարի միջոցով»

Կամերունի հավաքականի և «Ինտերի» նախկին ֆուտբոլիստ Սամուել Էտո՛օն հիշել է՝ ինչպես 10 տարի առաջ միլանյան ակումբի հետ հաղթեց Չեմպիոնների լիգան, ինչպես նաև պատմել՝ ինչպես է Մոուրինյոն իրեն համոզել տեղափոխվել «Ինտեր»:

«Մոուրինյոն շատ պարզ ձևով ինձ համոզեց տեղափոխվել «Ինտեր». նա ինձ ուղարկեց «Ինտերի»՝ 9 համարով մարզաշապիկ և ասաց՝ «սա քոնն է ու քեզ է սպասում»:

Միակ ընդհանուր բանը, որ ունեն Մոուրինյոն ու Գվարդիոլան՝ հաղթելու ցանկությունն է: Նրանք ամբողջովին տարբեր անհատականություններ ունեն ու լիովին այլ կերպ են տեսնում ֆուտբոլը:

Հիշում եմ՝ երբ 10 տարի առաջ ՉԼ կիսաեզրափակիչում «Բարսելոնայի» դեմ խաղում Մոուրինյոն ինձ օգտագործեց եզրում: Ես այնքան էի վազում եզրով, որ շնչելու ժամանակ չունեի, բայց ինքս ինձ ասում էի՝ դիմացիր ու կհասնես եզրափակիչ: Ի վերջո, հասանք եզրափակիչ ու հաղթեցինք», – Էտո՛օյի խոսքերն է փոխանցում La Gazzetta dello Sport-ը:

Միացի՛ր հայկական ամենասպորտային Instagram-ին: