Էվերտոնի մարզիչ. «Լավ կլինի, որ «Բարսան» մոռանա Գոմեշի մասին»

Անգլիական «Էվերտոնի» գլխավոր մարզիչ Մարկու Սիլվան կարծիք է հայտնել թիմի կիսապաշտպան Անդրե Գոմեշի մասին, որի տրանսֆերային իրավունքները պատկանում են «Բարսելոնային»:

«Մենք գոհ ենք Անդրեի ցուցադրած խաղից, նրան նույնպես դուր է գալիս այստեղ: Կարծում եմ պետք է քայլեր ձեռնարկենք նրա նման ֆուտբոլիստին մեր թիմում պահելու համար: Դրա համար մենք բավականին ժամանակ ունենք:

Չենք ցանկանում ճնշում գործադրել ֆուտբոլիստի վրա իր ապագայի հարցով, քանի որ վաղ է խոսել դրա մասին: Մրցաշրջանի ավարտին այդ հարցը կքննարկենք նրա և ակումբի ղեկավարության հետ, սակայն լավ կլինի «Բարսան» մոռանա նրա մասին» ,- եզրափակել է Սիլվան:

Հետևե՛ք VNews.am-ին նաև Youtube-ում և Instagram-ում: