Ֆերգյուսոնը՝ Խաբիբի դեմ մենամարտի չեղարկման մասին․ «Նա վախեցավ ու չի ուզում կռվել» (տեսանյութ) - VNews
Բաժիններ

Ֆերգյուսոնը՝ Խաբիբի դեմ մենամարտի չեղարկման մասին․ «Նա վախեցավ ու չի ուզում կռվել» (տեսանյութ)

UFC-ի չեմպիոնի հավակնորդ Տոնի Ֆերգյուսոնը մեկնաբանել է Խաբիբ Նուրմագոմեդովի հայտարարությունը, ըստ որի՝ երկու խառնամարտիկների միջև մենամարտը չի կայանալու կորոնավիրուսի համաճարակի պատճառով։

Հիշեցնենք, որ Նուրմագոմեդովն ու Ֆերգյուսոնը պետք է մենամարտեին ապրիլի 18-ին UFC 249-ի շրջանակում։ Խաբիբը, սակայն, երեկ հայտարարություն է տարածել, որ կորոնավիրուսի համաճարակի պատճառով չի պատրաստվում լքել Ռուսաստանը։

«Տղան չի ուզում կռվել։ Նա վախեցավ ու փախավ։ Հենց սրա համար նա պետք է զրկվի չեմպիոնական գոտուց»,- ասել է Ֆերգյուսոնը ESPN-ի եթերում։

Ավելի ուշ ամերիկացի խառնամարտիկն այս թեմայով հրապարակում է կատարել իր թվիթերյան էջում․ «Մենք նրան վախեցրինք։ Նա Աբու Դաբիից ԱՄՆ վերադառնալու հնարավորություն ուներ։ Նա հնարավոր բոլոր միջոցներն ուներ, որ նստեր ինքնաթիռ ու վերադառնար։ Բայց սա երկրորդ անգամն է, որ մենք նրան վախեցրինք։

Ես իսկական մարդասպան եմ, իսկ Խաբիբն ու Կոնորը վազվզում են պոչերի ետևից, ինչպես անիծյալ շները։ Նրանք կատվիկ են։ Ես նրան ասացի, որ պատրաստվում եմ նրա գլխով սրբել հատակը, ու նա վախեցավ»։

Ֆերգյուսոնի հայտարարությունից հետո Խաբիբ Նուրմագոմեդովն ուղիղ եթերում անդրադարձել է մենամարտի չեղարկման թեմային․ «Ինչ որ մեկն ինձ մենամարտն անցկացնելու տեղ կասի՞․․․ Ես հիմա նստած եմ տանը, ԱՄՆ-ից վերադառնալուց հետո կարանտինում եմ, բայց շարունակում եմ մարզվել։

Լսել եմ, որ մենամարտը կարող էր անցկացվել Բելառուսում, սակայն չգիտեմ՝ դա ճի՞շտ է, թե՞ սխալ։ Ես կգնամ Բելառուս, սակայն Տոնին չի կարող դուրս գալ ԱՄՆ-ից։ Հիմա այնտեղ ոչ մարդ են թողնում, ոչ էլ թողնում են, որ այնտեղից մարդ հեռանա։ Ես խորհուրդ եմ տալիս բոլորին մնալ տանն ու չխախտել կարանտինը։ Աշխարհի ամենախելացի մարդիկ, կառավարությունները, բժիշկները հանդես են գալիս այս հորդորով։

Բոլորն ինձ ասում են, որ ես պետք է թռչեմ, կասե՞ք նաև, թե ուր պետք է թռչեմ»։

Հետաքրքիր է նաև այն, որ Խաբիբ Նուրմագոմեդովի ուղիղ հեռարձակմանը միացել է Կոնոր Մակգրեգորը, որը ռուս խառնամարտիկին խնդրել է ավելացնել իրեն ուղիղ հեռարձակման մեջ, որից հետո Խաբիբը հաջողություն է մաղթել իր հետևորդներին ու անջատել հեռարձակումը։

Միացի՛ր հայկական ամենասպորտային Instagram-ին:


«ՆոստալժիԳը՝ ամերիկյան ձևով». Ինչու՞ է Թայսոն – Ջոնս մենամարտը՝ թոփ իրադարձություն

Արման Ծառուկյանը հաղթանակ է տարել UFC-ում՝ այն նվիրելով հայերին (տեսանյութ)

Կոնոր Մակգրեգորը ցավակցել է Խաբիբ Նուրմագոմեդովին

Կորոնավիրուսից մահացել է Խաբիբ Նուրմագոմեդովի հայրը

Մակգրեգորը կպայքարի գոտու համար. նրա մրցակիցը կարող է լինել Խաբիբը

Կոնոր Մակգրեգորն իրեն անվանել է MMA պատմության լավագույն մարտիկը

Խաբիբ Նուրմագոմեդովը հրաժարվել է կորոնավիրուսի ստուգման թեստ հանձնել

Խաբիբ Նուրմագոմեդովի հայրը կոմայի մեջ է

UFC ղեկավարը հայտնել է, թե երբ ու որտեղ է կայանալու Խաբիբ – Գետջի մենամարտը

«Մեզ սպորտ է պետք․ եկեք խաղանք»․ Թրամփը՝ UFC 249-ի մասին (տեսանյութ)

Ֆերգյուսոնը հոսպիտալացվել է Գեյջիի հետ մենամարտից հետո

UFC 249․ Ջասթին Գեյջին հաղթեց Տոնի Ֆերգյուսոնին

Խաբիբ Նուրմագոմեդովի հայրը թոքաբորբով հոսպիտալացվել է

Հայտնի է UFC 249-ի անցկացման օրը ու վայրը

UFC 249-ը, այնուամենայնիվ, հետաձգվել է

Տոնի Ֆերգյուսոնը Խաբիբին ու Կոնորին փալաս է անվանել