«Ֆուտբոլը մարմնավաճառից միանձնուհի կարող է դառնալ 5 րոպեում». Խոակին Կապառոսի ամենահետաքրքիր մտքերը - VNews
Բաժիններ

«Ֆուտբոլը մարմնավաճառից միանձնուհի կարող է դառնալ 5 րոպեում». Խոակին Կապառոսի ամենահետաքրքիր մտքերը

Հայաստանի հավաքականը օրեր առաջ գլխավորեց Խոակին Կապառոսը: 65-ամյա մասնագետն ունի հարուստ փորձ, աշխատել է մի շարք իսպանական ակումբներում իր երկարատև մարզչական կարիերայի ընթացքում, ընդ որում՝ բավական անվանի ակումբերում:

Ծնունդով սևիլյացի մասնագետի հարազատ ակումբը հենց «Սևիլիան» է, որտեղ նա աշխատել է 5 տարի՝ որպես գլխավոր մարզիչ, և երկու տարի կատարել է ադմինիստրատիվ աշխատանք: Կապառոսն աշխատել է նաև Լա լիգան ներկայացնող «Վիլյառեալում», «Դեպորտիվոյում», «Ատլետիկում», «Մալյորկայում», «Լևանտեում», «Օսասունայում», «Գրանադայում», եղել է Իսպանիայի հավաքականի գլխավոր մարզչի թեկնածու:

VNews-ը ներկայացնում է Կապառոսի՝ տարբեր ժամանակներում ու տարբեր հարցերի շուրջ արտահայտած ամենահետաքրքիր և ուշագրավ մտքերը, որոնք էլ բնութագրում են անվանի մասնագետին:

Ֆուտբոլի և մարզիչ լինելու մասին Կապառոսն ունի այսպիսի պատկերացում. «Եթե լինեի տխուր մարզիչ ու մեծ կարևորություն տայի քննադատություններին, չէի վայելի ֆուտբոլն ամբողջությամբ: Ֆուտբոլն ընթանում է այն նույն ռիթմով ու արագությամբ, ինչպես՝ կյանքը, բայց մենք դա չենք գիտակցում»:

Ինչ վերաբերում է հաջողությանը, Կապառոսի վերաբերմունքը հստակ է. «Հաջողությունն այդպես էլ գոյություն չի ունենա, եթե միասին չաշխատեն տաղանդը, ջանքերն ու աշխատանքը»:

«Ֆուտբոլը մարմնավաճառից միանձնուհի կարող է դառնալ 5 րոպեում», – այսպես էր բնորոշել Կապառոսը խաղերից մեկի դրամատիզմը:

«Սա «Սևիլիան» է. այս թիմին պետք է մայրություն անել», – Հերթական անգամ Կապառոսն իր սերն էր արտահայտել հարազատ ակումբի հանդեպ:

2016-ին Իսպանիայի հավաքականը գլխավորելու մասին Կապառոսն ասել էր. «Ես 500 խաղ եմ անցկացրել Լա լիգայում, մարզել եմ իսպանական ֆուտբոլի բոլոր կատեգորիաներում՝ 2-րդ, 3-րդ դիվիզոններում, Սեգունդայում: Իսպանացի մասնագետներս շատ լավ ենք պատրաստված, ու ես ամբողջովին պատրաստ եմ գլխավորել Իսպանիայի հավաքականը»:

«Մի՛ անջատեք երաժշտությունը. այն պետք է հնչի մարզումների ժամանակ, պետք է ուրախ մթնոլորտ տիրի հանդերձարանում», – այսպիսի կոչ է արել Կապառոսն իր ֆուտբոլիստներին «Բետիսի» դեմ անդալուզիան դերբիից առաջ:

«Նայում եմ ֆուտբոլիստներիս աչքերին և դրանց մեջ տեսնում եմ միայն կարմիր ու սպիտակ գույները», – ասել էր Կապառոսը «Սևիլիայի» խաղացողների մասին:

«Իմ հիվանդությունը չի արգելում ինձ աշխատել. այն ինչ չի կանգնեցնելու, ես երբեք չեմ հանձնվելու», – ասել է 65-ամյա մասնագետը, որը տառապում է խրոնիկ Լեուկեմիայով:

«Ֆուտբոլում եթե չկա արդյունք, ապա մնացած ամեն ինչ սուտ է»:

«Հայաստանի մասին առաջին անգամ լսել եմ Եվրատեսիլի ժամանակ. նրանք մեզ շատ միավորներ տվեցին»:

«Ինձ տպավորել է Երևանը. սա շատ ուրախ ու ապահով քաղաք է»:

«Հրաշալի է, որ Հայաստանն ունի ֆուտբոլի ակադեմիա, որտեղ կա 10 մարզադաշտ ու աշխատելու համար նպաստավոր պայմաններ»:

«Հայաստանի հավաքականի հետ մեր գլխավոր նպատակը Մունդիալի ուղեգիր նվաճելն է. այս թիմը երբեք չի մասնակցել Աշխարհի առաջնությանը»: 

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Յուրա Մովսիսյանը հայտարարեց կարիերան ավարտելու մասին

Հայ ֆուտբոլիստներից ո՞վ երբևէ չի խաղացել նշված աստղի դեմ․ VNews-ի Quiz-ը

Ադամյան․ «Հերոսը հիվանդանոցի աշխատողն է ու պատերազմում կռվողը, մենք ընդամենը ֆուտբոլ ենք խաղում»

Սիրելի Ձմեռ Պապ… Ի՞նչ սպասել հայկական ֆուտբոլից 2021 թվականին

Հարցազրույց Էրիկ Ասադուրյանի հետ. նա Հայաստան է ժամանել լուրջ նպատակով (տեսանյութ)

Կապառոս. «Երջանիկ տարի եմ մաղթում հայկական ֆուտբոլին»

Տարվա խոսք, վերադարձ, անակնկալ, նորարարություն և այլն․ 2020-ի ամփոփումը՝ յուրահատուկ անվանակարգերով

Մեկական անգամ․ Հայաստանի հավաքականի բոլոր գոլերը 2020 թ. ընթացքում (տեսանյութ)

Կապառոս. «Շնորհակալ եմ այսպիսի գնահատականի համար»

Մխիթարյանը՝ 10-րդ անգամ Հայաստանի լավագույն ֆուտբոլիստ ճանաչվելու մասին

Հենրիխ Մխիթարյանը 10-րդ անգամ դարձավ Հայաստանի լավագույն ֆուտբոլիստ

Խոակին Կապառոսը՝ Հայաստանի 2020 թ. լավագույն մարզիչ

Հայաստանի հավաքականն ընկերական հանդիպում կանցկացնի Աշխարհի փոխչեմպիոնների հետ

Այսօր Հայաստանի հավաքականի մասին կարևոր հայտարարություն է լինելու

Հայաստանը մասնակցել է ՖԻՖԱ-ի The Best քվեարկությանը

«Նորից, նորից ու նորից». B/R Football-ն անդրադարձել է նաև Հենրիխ Մխիթարյանին