«Գանձասար-Կապան» - «Ավան Ակադեմիա». Տեղեկություններ, որոնք մարզադաշտ այցելելու առիթ կդառնան - VNews
Բաժիններ

«Գանձասար-Կապան» – «Ավան Ակադեմիա». Տեղեկություններ, որոնք մարզադաշտ այցելելու առիթ կդառնան

«ԳԱՆՁԱՍԱՐ-ԿԱՊԱՆ» «ԱՎԱՆ ԱԿԱԴԵՄԻԱ»

0 խաղ, +0=00, 0:0

14 սեպտեմբերի, ժ.19:00, Երևան, «Հանրապետական» մարզադաշտ

Հայաստանի փոխչեմպիոն «Գանձասար-Կապանը» գավաթի ընթացիկ խաղարկությունը սկսում է առաջին խմբում հանդես եկող «Ավան Ակադեմիայի» հետ մրցավեճով: Առաջին հայացքից թվում է, թե գավաթային այս դիմակայությունում անվիճելի ֆավորիտը գանձասարցիներն են:

Սակայն գավաթի մրցաշարերում մեկ անգամ չէ, որ կարգով ցածր թիմերն անակնկալներ են մատուցել, մանավանդ որ առայժմ կապանցիներն այնքան էլ հաջող հանդես չեն գալիս առաջնությունում:

Ճիշտ է, «Գանձասար-Կապանը» մեկնարկում կրած 3 անընդմեջ պարտություններից հետո մի փոքր շտկել է իրավիճակը: Գանձասարցիները շատ լավ տպավորություն թողեցին առաջնության 5-րդ տուրում «Ալաշկերտի» հետ կայացած խաղում և մոտ էին հաղթանակին:

Անկասկած, կապանցիները կձգտեն ընթացիկ մրցաշրջանում առաջին հաղթանակը տոնել մի մրցակցի նկատմամբ, որում հանդես են գալիս տակավին պատանի ֆուտբոլիստներ:

Այս խաղով «Ավան Ակադեմիան» նորամուտը կնշի ՀՀ գավաթի խաղարկությունում: Արտակ Օսեյանի գլխավորած նորաստեղծ թիմը, որում հանդես են գալիս «Փյունիկի» մի քանի նախկին ֆուտբոլիստներ, առայժմ առաջին խմբի մրցաշարում համեստ արդյունք է գրանցել և չի խառնվում բարձրագույն խմբի երկու ուղեգրերի համար մղվող պայքարին՝ 5 խաղում վաստակած նույնքան միավորով ընթանալով 7-րդ տեղում:

Ինչ վերաբերում է «Գանձասար-Կապանին», ապա թիմը գավաթի մրցաշարերին մասնակցում է 2005թ.-ից: Գանձասարցիների ամենամեծ հաջողությունն առայժմ 2013/14թթ. գավաթի եզրափակչում հանդես գալն է, որում կապանցիները 1-2 հաշվով զիջել են «Փյունիկին»:

Գավաթի նախորդ երկու մրցաշարերում գանձասարցիները հասել են մինչև կիսաեզրափակիչ: Անցած խաղարկությունում «Գանձասար-Կապանն» առանց խաղի կիսաեզրափակչի ուղեգիր նվաճեց, քանի որ մրցակիցը՝ «Էրեբունին» հրաժարվել էր գավաթի մրցաշարից: Իսկ կիսաեզրափակչում կապանցիները երկու խաղերի ընդհանուր արդյունքով (0-1, 1-1) զիջեցին «Շիրակին»:

Գավաթի մրցաշարերում «Գանձասար-Կապանը»  37 խաղ է անցկացրել, որից 13-ում հաղթել է, 10-ն ավարտել է ոչ-ոքի, 14-ում պարտվել է: Գանձասարցիները 37 գոլ են խփել, մեկ գնդակ ավելին են բաց թողել:

Գավաթային հանդիպումը բաց կթողնի գանձասարցի Արա Խաչատրյանը, ով «Ալաշկերտի» հետ առաջնության խաղում հեռացվել էր խաղադաշտից: Ի դեպ, եթե նա մասնակցեր «Ավան Ակադեմիայի»  հետ հանդիպմանը, ապա կդառնար գավաթի մրցաշարերում «Գանձասար-Կապանում» անցկացրած խաղերի քանակով ռեկորդակիրը: Առայժմ Արան մասնակցել է գավաթային 23 խաղի և ռեկորդակրի կոչումը կիսում է թիմի նախկին ավագ Արմեն Տատինցյանի հետ:

Աշոտ Հայրապետյան

Միացի՛ր հայկական ամենասպորտային Instagram-ին:


Բիչախչյանի գլխավորությամբ «Արարատին» էլ չհաջողվեց հաղթել «Լոռիին»

Վիտինյո․ «Մարզչի հանձնարարությունները կատարելու դեպքում կունենանք չեմպիոն դառնալու բոլոր հնարավորությունները» (տեսանյութ)

Ռուդիկ Մկրտչյան. «Սկսել ենք ավելի լավ հասկանալ իրար, դրա շնորհիվ է, որ աճ կա» (տեսանյութ)

Վասպուրակ Մինասյան․ «Պետք է կայունություն մտցնենք խաղի մեջ» (տեսանյութ)

Արմեն Պետրոսյան. «Նռանյանի վնասվածքը խառնեց մեր խաղաքարտերը» (տեսանյութ)

Արսեն Պետրոսյան. «Բոլորի թիմերի մոտ էլ դադարից հետո խաղի բարելավում է նկատվում» (տեսանյութ)

Տիգրան Դավթյան. «Խաղը սկսեցինք 5-4-1 մարտավարությամբ, հետո իրավիճակից ելնելով փոխեցինք և սրություն մտցրեցինք առջևի գծում» (տեսանյութ)

Սերգեյ Էրզրումյան. «Թերագնահատել էինք մրցակցին, գլխավոր մարզչի բացակայությունն էլ զգացնել տվեց» (տեսանյութ)

VBET Հայաստանի Պրեմիեր լիգա․ Օրվա 3 խաղերի բոլոր գոլերը (տեսանյութ)

4 խաղ՝ 4 տարբեր քաղաքներում․ Ամենաուշագրավ փաստերը՝ VBET Հայաստանի Պրեմիեր լիգայի 9-րդ տուրին ընդառաջ

Ալբերտ Սոլոմոնով. «Թիմը ընկել է խաղային ռիթմից» (տեսանյութ)

Արմեն Պետրոսյան. «Եթե գոլային իրավիճակները գոլի վերածեինք, ավելի հանգիստ կխաղայինք» (տեսանյութ)

Մեկ գոլը վճռորոշ եղավ «Գանձասար-Կապան» – «Լոռի» խաղում (տեսանյութ)

«Գանձասար-Կապան» – «Լոռի»․ Մեկնարկային կազմեր, ուղիղ հեռարձակում (տեսանյութ)

Վերջին անգամ 2018-ին են հաղթել իրենց այսօրվա մրցակիցներին․ Ամենաուշագրավ փաստերը՝ VBET Հայաստանի Պրեմիեր լիգայի 2 խաղին ընդառաջ

VBET Հայաստանի Պրեմիեր լիգայի 8-րդ տուրի խորհրդանշական հավաքականը և լավագույն ֆուտբոլիստը