Գատուզոյի ոչ բարի գալուստը․ 5 խաղում 4 պարտություն Ա Սերիայում․ «Պետք է պարզել՝ ինչ է կատարվում» - VNews
Բաժիններ

Գատուզոյի ոչ բարի գալուստը․ 5 խաղում 4 պարտություն Ա Սերիայում․ «Պետք է պարզել՝ ինչ է կատարվում»

Կառլո Անչելոտիին հեռացնելով և թիմի գլխավոր մարզչի պաշտոնին Ջենարո Գատուզոյին նշանակելով՝ «Նապոլիի» ղեկավարությունը ցանկանում էր շտկել թիմում տիրող իրավիճակը, անփառունակ ելույթների շարքը։ Գատուզոյի գալուստը, սակայն, նեապոլյան ակումբին, մեղմ ասած, հաջողություն դեռևս չի բերել։

Իտալացին «Նապոլիի» ղեկն ստանձնել է դեկտեմբերի 11-ին։ Նրա գլխավորությամբ թիմն անցկացրել է 6 հանդիպում, որոնցից 5-ը՝ Ա Սերիայում, 1-ը՝ Իտալիայի գավաթի խաղարկությունում։ Գավաթային խաղում «Նապոլին» 2-0 հաշվով հաղթել է «Պերուջային», իսկ Ա Սերիայում՝ 2-1 հաշվով «Սասուոլոյին»։ Իտալիայի առաջնությունում Գատուզոյի գլխավորությամբ անցկացրած մյուս 4 խաղերում «Նապոլին» պարտվել է համապատասխանաբար «Պարմային», «Ինտերին», «Լացիոյին» և «Ֆիորենտինային»։

«Ֆիորենտինայի» դեմ կայացած խաղից հետո Ջենարո Գատուզոն խոսել է հանդիպման մասին․ «Առաջին հերթին պետք է ներողություն խնդրենք երկրպագուներից և քաղաքից, քանի որ թիմը խայտառակ խաղ անցկացրեց։ Նախորդ խաղերում արժանապատիվ ելույթներ եղել են, սակայն այս խաղում 20-25 րոպե դա տեղի ունեցավ, իսկ մնացած խաղաժամանակը պետք է վերլուծության ենթարկել։

Չենք կարող արդարացումներ գտնել, քանի որ մենք շարունակում ենք անկում ապրել, իսկ դա նշանակում է, որ հարկավոր է հասկանալ, թե ինչ է կատարվում։ Այնպիսի տպավորություն էր, թե մենք առաջին անգամ հանդիպել ենք առավոտյան, հետո մարզաշապիկներ ենք հագել ու գնացել խաղի։ Կազմակերպվածություն և միասնություն չկային։ Կարծես բոլորս ծովում լինենք։

Այս ամենը տարօրինակ է, քանի որ ամբողջ շաբաթվա ընթացքում թիմը տքնաջան աշխատում է, մարզումներ անցկացնում, կարծես ամեն ինչ լավ է, սակայն երբ դուրս է գալիս խաղադաշտ՝ հանդիպում անցկացնելու համար, ոչինչ չի անում։ Մենք դանդաղում ենք, բաց ենք թողնում մրցակցի գրոհները, իսկ մեր գրոհները չենք կարողանում լավ կազմակերպել։ Մեր գործողություններից ոչ մեկը հաջողություն չունեցավ, և պատասխանատվությունը մեզ վրա է։

Ես բացատրելու բան չունեմ, քանի որ մինչև խաղն զգում էի, որ հիանալի հանդիպում ենք անցկացնելու, սակայն թիմը հուսախաբ արեց։ Թիմը ոգի չունի։ Կարծում էինք, թե վերագտնելու ենք մեր խաղը, սակայն հիմա կարող եմ ասել՝ մենք դեռ տառապում ենք հիվանդությամբ։

Պետք է տարբերվող գրոհներ անցկացնենք, քանի որ մենք հիմա կանխատեսելի ենք։ Երբ Ինսինյեն ու Կալյեխոնն սկսեցին տարբերվող գործողություններ անել, նրանք Միլիկին ստիպված բաց թողեցին։ Երկար տարիներ թիմն այս տակտիկայով է խաղացել Մաուրիցիո Սարիի գլխավորությամբ, հիմա պետք է փոփոխություն կատարել, քանի որ մրցակիցը հասկանում է այն, ինչ անում ենք։

Պետք է միասնական լինենք, քննարկենք, հասկանանք, թե ինչ է կատարվում, որպեսզի շտկենք այս իրավիճակը։ Ես կարծում էի՝ թիմը կլինի ավելի աշխույժ, ավելի եռանդուն, սակայն նույնիսկ ավելի վատ տեսք ուներ, քան «Պարմայի» դեմ խաղում։ Սա ավելին է, քան քայլ դեպի ետ»։

Կատարե՛ք խաղադրույք Ա սերիայի հանդիպումների վրա

Միացի՛ր հայկական ամենասպորտային Instagram-ին:


«Ինչպես հայրական ապտակը փոխեց Մորիկոնեի ֆուտբոլային ճաշակը». Որ թիմի ֆան էր լեգենդար երաժիշտը

«Բարսելոնայի» արտագնա խաղն ու «Յուվենտուսի» բարդ քննությունը. ինչ ֆուտբոլ դիտել այսօր

«Ինտերը» 86-րդ րոպեին բաց թողած գոլի պատճառով զրկվեց հաղթանակից (տեսանյութ)

«Ռոման» Մխիթարյանի և Վերետուի ստեղծած գոլը ներկայացրել է համակարգչային գրաֆիկայի միջոցով (տեսանյութ)

Մխիթարյանը՝ «Ռոմա» – «Պարմա» հանդիպման լավագույն ֆուտբոլիստ

Մխիթարյանի գոլն ու գոլային փոխանցումը կենսական նշանակության հաղթանակ պարգևեցին «Ռոմային» (տեսանյութ)

Մխիթարյանը դարձավ նաև գոլային փոխանցման հեղինակ (տեսանյութ)

Մխիթարյանը հավասարեցնում է հաշիվը «Պարմայի» դեմ խաղում (տեսանյութ)

«Նապոլին» կարևորագույն հաղթանակ տոնեց և շրջանցեց «Ռոմային» ու «Միլանին» (տեսանյութ)

«Ռոմայի» մեկնարկային կազմը «Պարմայի» դեմ խաղում

«Ռոմայի» ֆուտբոլիստները ժամանեցին «Օլիմպիկո» (տեսանյութ)

«Ռոմայի» հավանական մեկնարկային կազմը «Պարմայի» դեմ խաղում՝ ըստ իտալական մամուլի

«Ռոմայի» նոր շանսը, կատալոնական դերբի. ինչ ֆուտբոլ դիտել այսօր

«Ինտերին» գոլ է խփել 18-ամյա փախստականը. Մուսա Ջուվարայի ոգեշնչող պատմությունը

«Միլանի» հեքիաթային քամբեքը․ գերտպավորիչ հաղթանակ չեմպիոնի նկատմամբ (տեսանյութ)

Ռաբիոն գնդակով ինքնուրույն անցավ շատ երկար տարածություն և գեղեցիկ գոլ խփեց «Միլանի» դեմ խաղում (տեսանյութ)