Գեղեցիկ և տարօրինակ․ Բուֆոնը խոսել է «Յուվենտուսի» հետ հնարավոր հանդիպման մասին

ՊՍԺ-ի դարպասապահ Ջիանլուիջի Բուֆոնը Corriere della Sera-ին տված հարցազրույցում խոսել է Չեմպիոնների լիգաի շրջանակներում «Յուվենտուսի» հետ հնարավոր հանդիպման մասին:

«Դա կլինի գեղեցիկ և տարօրինակ: Ես կգնամ իմ մարզադաշտ, իմ երկրպագուների մոտ, ում ես հրաժեշտ եմ տվել զգացմունքներով լի: Դա վերամիավորում կլինի:

Բայց եթե դա պատահի եզրափակչում, դժվար կլինի գլուխ հանել զգացմունքների հետ: Հաղթանակի դեպքում ես կցանկանայի ազատ լինել տոնելու հարցում:

Չեմ կարծում, թե «Յուվեն» կկարոտի ինձ: Սա մի ակումբ է, որը շատ լավ է պլանավորում ամեն ինչ ու սովորաբար սխալ ընտրություն չի կատարում:

Ռոնալդոն․․․ Ես շատ չեմպիոնների հետ եմ խաղացել և միշտ ուզում եմ փորձարկել ինձ լավագույնների հետ: Բայց այնպես չէ, որ Փարիզում չկան այդպիսիք, Մբապեն ու Նեյմարը այդպիսի տղաներ են:

Չեմպիոնների լիգայում «Յուվեն» հավակնորդների թվում է, բայց միշտ չէ, որ հաղթում է ուժեղագույնը: Հատկապես այսպիսի կարճատև մրցաշարերում երբեմն հաղթում է ամենաքաջը»,-ասել է Բուֆոնը:

Դարպասապահը նաև նշել է, որ Իտալիայի հավաքական վերադառնալ չի պատրաստվում:

Միացի՛ր հայկական ամենասպորտային Instagram-ին: