fbpx
Բաժիններ

Գոլային օրացույց #15. Ո՞վ է ապրիլի 5-ի լավագույն գոլի հեղինակը (տեսանյութ)

Հերթական շաբաթը մոտեցավ իր տրամաբանական ավարտին: Վստահ ենք՝ այս ընթացքում ձեր մտքում անցավ «Ո՞նց սենց շուտ անցավ էս շաբաթը» եզրույթը: Հաջորդիվ հանգստյան օրեր են, ֆուտբոլային տասնյակ հանդիպումներ, որոնց պետք է անպայման հետևել, գոլերը մտաբերել, որովհետև հաջորդ տարիների համար, բնականաբար, դրանք կարող են օրացույցով ուրբաթ լինել:

Ավանդույթի համաձայն, բոլոր նրանց համար, ովքեր չեն հասցրել ծանոթանալ մեր շարքի նախորդ գոլերին՝ դրանք ստորև ներկայացված են: Վայելեք մի քանիսն ու շարունակեք ընթերցել:

Գոլային օրացույց #14. Ո՞վ է մարտի 29-ի լավագույն գոլի հեղինակը (տեսանյութ)

Գոլային օրացույց #7. Ո՞վ է դեկտեմբերի 14-ի լավագույն գոլի հեղինակը (տեսանյութ)

Գոլային օրացույց #4. Ո՞վ է նոյեմբերի 23-ի լավագույն գոլի հեղինակը (տեսանյութ)

Այժմ անդրառնանք ապրիլի 5-ի գոլերին: Տարբեր թվականների այս օրը բավական շատ գոլեր են գրանցվել: Լուիս Սուարեսը տարիներ առաջ այս օրը «Սևիլիայի» հետ խաղում մկրատ տեսակի հարվածով դարձել էր գեղեցիկ գոլի հեղինակ։ 2015 թվականի այս օրն էլ «Ռեալը» 9-1 հաշվով ջարդեց «Գրանադային»։ Ռոնալդուն այդ խաղում 5 գնդակ խփեց, որոնց մեկը շատ տպավորիչ էր։ Սակայն մեր ընտրած գնդակը հաստատ ոչ միայն այդ օրվա ու տարվա, այլև ֆուտբոլի պատմության ամենահիշարժան գոլերից մեկն է։

05.04.2014թ. «Ինտեր» – «Շալկե-04»․ Դեյան Ստանկովիչ

21-րդ դարի երկրորդ տասնամյակի մեկնարկում եվրոպական ֆուտբոլին տոն էր տալիս Միլանի «Ինտերը»։ «Ներաձուրիները» 2009/2010 մրցաշրջանում անհավանական արդյունքի հասան՝ Ժոզե Մոուրինյոյի գլխավորությամբ հաղթելով Չեմպիոնների լիգայի խաղարկությունում։ Այդ կազմից անշուշտ առանձնանում էր սերբ կիսապաշտպան Դեյան Ստանկովիչը։

Լեգենդար ֆուտբոլիստն արդեն վաղուց էր մերվել իտալական ֆուտբոլին ու հատկապես «Ինտերին»։ Միլանյան թիմում Ստանկովիչն արդեն այդ տարիներին համարվում էր խորհրդանիշ ու շարժիչ ուժ։ Միջին գծում նա կարգավորում էր պաշտպանական գիծը, սակայն չէր մոռանում նաև հարձակմանը միանալու գոլեր խփելու մասին։ Դրանցից մեկը սա էր։

«Շալկեի» դարպասն այդ խաղում պաշտպանում էր երիտասարդ Մանուել Նոյերը։ Հենց նրա՝ գլխով խաղն էլ լրացուցիչ փայլ է տալիս այս գնդակին։ Սեփական տուգանային հրապարակից դուրս նման համարձակությամբ ոչ մի դարպասապահ գլխով չէր խաղա։ Սակայն ամեն ֆուտբոլիստ չէ, որ ավելի քան 40 մետրից նման կարգի հարված կկատարեր։

Սերբ ֆուտբոլիստը չսպասեց մինչև գնդակը իջնի, այլ միանգամից ընթացքից հարված կատարեց։ Այն իրականում այդքան էլ ուժեղ չէր, այլ ֆանտաստիկ աստիճանի դիպուկ ու նրբաճաշակ, ինչպես թենիսում։

«Այդ պահին իհարկե գիտակցեցի ինչ գնդակ խփեցի, սակայն խաղից հետո հեռուստացույցով դիտելուց հետո հիացմունք եմ ապրել։ Ափսոս միայն այդքանը կարողացա անել, ամբողջ տնով մեկ չեմ վազել ուրախությունից, որովհետև մենք պարտվել էինք», – այդ գոլի մասին պատմում է Ստանկովիչը։

Ի դեպ․

  • Թեպետ «Ինտերն» առաջինը հասավ գոլային հաջողության, խաղում վստահ հաղթանակ տոնեց «Շալկեն»՝ 5-2։
  • Սա «Ինտերի» պատմության ամենախոշոր հաշվով կրած պարտությունն էր Չեմպիոնների լիգայի խաղարկությունում։
  • «Ներաձուրիները» հաջորդ խաղում էլ մրցակցի հարկի տակ պարտություն կրեց 1-2 հաշվով ու դուրս մնաց հետագա պայքարից։
  • Դեյան Ստանկովիչի այս գնդակը Չեմպիոնների լիգայի ամենաարագ գոլերից մեկն է։ Այն խփվել է 25,54-րդ վայրկյանին։

Հետևե՛ք VNews.am-ին նաև Youtube-ում և Instagram-ում:


Լաուտարո Մարտինեսի գործակալը հաստատել է «Բարսելոնայի» կողմից հետաքրքրությունը

Ժիրուն կարող է կարիերան շարունակել միլանյան ակումբում

Ալեքսիս Սանչեսի վնասվածքը, կարծես թե, լուրջ է

Սուարեսին փոխարինելու՝ «Բարսելոնայի» կարճ ցուցակում 4 ֆուտբոլիստ կա

Թուրքիան կարող է զրկվել Չեմպիոնների լիգայի եզրափակիչի անցկացման իրավունքից

«Մեսին ստիպում է քեզ խաղալ փակ ոտքերով». Ջեյմս Միլներ

«Շալկեն» խզել է պայմանագիրը Տեդեսկուի հետ, վերջինը ստանձնել է Մոսկվայի «Սպարտակի» ղեկը

«Բարսելոնան» անցնում է վճռական քայլերի․ 111 մլն եվրո՝ Լաուտարո Մարտինեսի տրանսֆերի համար

Ամենայն հավանականությամբ, Ալեքսիս Սանչեսն այս տարի այլևս խաղադաշտ դուրս չի գա

Ռոնալդո. «Քաղաքը, որ պաշտում էր ինձ, սկսեց ատել»

Լյովը նորից հիշեցրել է, թե ով է Գերմանիայի հավաքականի հիմնական դարպասապահը

Տեր Շտեգեն․ «Իմ և Նոյերի միջև լավ, պրոֆեսիոնալ հարաբերություններ են»

Վանդա Նարա. «Ինտերը» Իկարդիի կարիքն ուներ «Յուվեի» հետ խաղում»

Հիգուայինի գոլի շնորհիվ «Յուվենտուսը» 3 միավոր վաստակեց «Ինտերի» հետ խաղում (տեսանյութ)

«Ինտերը» և «Յուվենտուսը» մեկական գնդակ փոխանակեցին (տեսանյութ)

Սուլշեր․ «Հարձակվողների պակաս ունենք, բայց չեմ զղջում Լուկակուին բաց թողնելու համար»