fbpx

Գոլային օրացույց #16. Ո՞վ է ապրիլի12-ի ամենագեղեցիկ գոլի հեղինակը (տեսանյութ)

Այսօր ուրբաթ է: Դա նշանակում է, որ հերթական անգամ պետք է փորփրենք ֆուտբոլի պատմությունը, հիշենք, թե այս օրը՝ ապրիլի 12-ին ինչ գեղեցիկ գոլեր են խփվել: Պտտվում ենք աշխարհով, բոլոր լիգաներով, դիտում ենք հարյուրավոր գնդակներ, ու, ի վերջո, գտնում ենք:

Սակայն մինչև այսօրվա գոլին անդրադառնալն առաջարկում եմ վերհիշենք մեր նախորդ ընտրածները: Դրանք ոչ պակաս գեղեցիկ, տպավորիչ ու կարևոր են:

Գոլային օրացույց #8. Ո՞վ է դեկտեմբերի 21-ի լավագույն գոլի հեղինակը (տեսանյութ)

Գոլային օրացույց #15. Ո՞վ է ապրիլի 5-ի լավագույն գոլի հեղինակը (տեսանյութ)

Գոլային օրացույց #5. Ո՞վ է նոյեմբերի 30-ի լավագույն գոլի հեղինակը (տեսանյութ)

Իսկ հիմա անդրադառնում ենք ապրիլի 12-ին: Այս անգամ ընտրությունը հատկապես բարդ էր: Ապրիլի 12-ին եղել են Չեմպիոնների լիգայի հանդիպումներ, ներքին առաջնությունների մասին էլ չենք խոսում: Գոլերը շատ էին: Այս օրը հերոսացել է հատկապես Կրիշտիանու Ռոնալդուն: 2012-ին գրավել էր «Ատլետիկոյի» դարպասը տուգանայինից կատարած փառահեղ հարվածով: Սակայն մենք ընրել ենք լրիվ ուրիշ խաղ ու գոլ:

12.04.2016. Ռոնալդու VS «Վոլֆսբուրգ»

Հերթական անգամ մեր շարքում մենք անդրադառնում ենք Ռոնալդուին: Պորտուգալացին 2016-ին անգերազանցելի էր: Նախ «Ռեալի» հետ նա նվաճեց Չեմպիոնների լիգան, ապա ամիսներ անց Պորտուգալիայի հետ դարձավ Եվրոպայի չեմպիոն՝ տարվա վերջում արժանանալով «Ոսկե գնդակին»: Զնեդին Զիդանի գլխավորությամբ առաջին տարվա ընթացքում «արքայական» ակումբը գրանցեց արդյունք, որը գործնականում կրկնելն անհնար է:

Չեմպիոնների լիգայի քառորդ եզրափակիչ արտագնա առաջին խաղում «Ռեալը» պարտվեց «Վոլֆսբուրգին» 0-2 հաշվով: Խաղային տեսանկյունից գերմանական թիմը գերազանցեց տիտղոսակիր մրցակցին, իսկ աստղային պորտուգալացու ոչ մի հարված դիպուկ չստացվեց: Պատասխան տնային խաղում «Ռեալը» պետք է սեփական դարպասը պահեր անառիկ, մրցակցին էլ պատժեր 3 գոլային փամփուշտով…

Դեռևս առաջին խաղակեսում «Ռեալը» չեզոքացրեց 2 գնդակի տարբերությունը: Ավելի ճիշտ դա արեց Կրիշտիանուն: Սկզբում Ռոնալդուն եզրափակեց Դանի Կարվախալի փոխանցումը, րոպեներ անց անկյունայինի խաղարկումից ու Տոնի Կռոսի կատարած փոխանցումից հետո անթերի կատարեց գլխով հարվածը:

Ռոնալդու 1

Ռոնալդու 2

Կիսաեզրափակիչ դուրս գալու համար ևս մեկ գնդակ էր հարկավոր: «Ռեալը» մեծացնում էր ճնշումը մրցակցի դարպասի ուղղությամբ, Ռոնալդուն առիթը բաց չէր թողնում հարված կատարելու համար, սակայն հարվածներից և ոչ մեկը դիպուկ չէր ստացվում: Գերմանական ակումբի ֆուտբոլիստները մինչև վերջին րոպեները պաշտպանվում էին և աշխատում էին չխախտել կանոնները սեփական տուգանայինի մատույցներում: Սակայն…

77-րդ րոպեին «Վոլֆսբուրգի» փորձառու հենակետային Լուիս Գուստավոն անզգույշ պայքարեց ու գցեց Լուկա Մոդրիչին: Դիրքն ավելի քան իդեալական էր Ռոնալդուի համար: Պորտուգալացի ֆուտբոլիստը դիրքից չվրիպեց՝ կատարելով նախանձելի ճշգրտության հարված:

Փաստեր.

  • Այս գնդակը Ռոնալդուի համար 16-րդը և վերջինն էր ՉԼ 15/16 խաղարկություններում: Կիսաեզրափակիչ ու եզրափակիչ խաղերում նա խփած գնդակներով աչքի չընկավ, սակայն դա էլ էր բավական լավագույն ռմբարկու դառնալու համար:
  • Ռոնալդուին միայն մեկ գնդակ չբավարարեց իր անձնական ցուցանիշին հավասարվելու համար: 13/14 մրցաշրջանում նա խփել էր 17 գնդակ:
  • «Ռեալը» հասավ եզրափակիչ, որտեղ երկրորդ անգամ վերջին 2 տարվա ընթացքում պարտության մատնեց «Ատլետիկոյին» ու դարձավ ՉԼ հաղթող: Հաջորդ 2 մրցաշրջաններում «սերուցքայինները» կրկնեցին իրենց հաջողությունը:
  • Ռոնալդուն դարձյալ այդ դեպքերում դարձավ մրցաշարի լավագույն ռմբարկու:
  • Ռոնալդուի համար «Վոլֆսբուրգի» դեմ խաղում գրանցած հետ-տրիկը 5-րդն էր Չեմպիոնների լիգայի խաղարկություններում: Այդ ցուցանիշով նա հավասարվեց Լեո Մեսիին: Այժմ երկու վարպետներն ունեն 8-ական հետ տրիկ:

Հետևե՛ք VNews.am-ին նաև Youtube-ում և Instagram-ում:


MD․ Ազարի տեղափոխությունը «Ռեալ» կգնահատվի 120 մլն եվրո

Զիդան․ «Բենզեմայի խաղն ինձ չի զարմացրել»

Բենզեմայի հմայքը «կուրացրեց» «Սանտիագո Բեռնաբեուին»․ «Ռեալը» պարտության մատնեց «Ատլետիկին» (տեսանյութ)

«Ռեալ»-«Ատլետիկ Բիլբաո»․ մեկնարկային կազմեր

Զիդանը՝ «Ռեալի» տրանսֆերների մասին․ «Չեմ պատրաստվում անուններ տալ»

«Ռեալի» հայտացուցակը «Ատլետիկի» դեմ խաղում

«Սա դեռ սկիզբն է»․ Ռոնալդուն տեսանյութ է հրապարակել՝ նվիրված չեմպիոնությանը

Կրիշտիանու Ռոնալդու․ «Մնում եմ «Յուվենտուսում, 1000 %-ով»»

Առաջինը պատմության մեջ․ Ռոնալդուն՝ «միջազգային» չեմպիոն

«Ատլետիկոն» հաղթանակ կորզեց «Էյբարի» դեմ արտագնա խաղում (տեսանյութ)

Զիդան. «Շատ լավ գիտեմ, թե որ ֆուտբոլիստներին եմ ցանկանում «Ռեալում» տեսնել»

«Ռեալը» չի հանձնվում. ՊՍԺ-ի առաջատարին գնելու ևս մեկ փորձ

«Յուվենտուսը» մտադիր է «Ռեալի» մեկ այլ աստղի համար 85 միլիոն եվրո առաջարկել

Տրանսֆերային շուկայի ամենապահանջված ֆուտբոլիստներից մեկը մոտ է «Ռեալ» տեղափոխությանը

Ռոնալդուն իր թիմակիցներին ու Ալեգրիին է մեղադրում Չեմպիոնների լիգայում ձախողման համար

Մեսին «մենակ» է մնում «Ոսկե գնդակի» պայքարում