fbpx
Բաժիններ

Գոլային օրացույց #17. Ո՞վ է ապրիլի 26-ի լավագույն գոլի հեղինակը (տեսանյութ)

Դրսում արև է, եղանակը՝ տաք, օրը՝ ուրբաթ: «Երբ են անցնելու այս ժամերը՝ գնանք տուն հանգստանանք ու ֆուտբոլ նայենք» մտքով անցկացնում ենք աշխատանքային օրվա վերջին օրը: Բայց մի րոպե…այսօր Գոլային օրացույցն է՝ ֆուտբոլի պատմության հերթական հիշարժան գոլը հիշելու օր:

Ֆուտբոլային օրացույցը թերթելիս գտանք ապրիլի 26-ին խփված ամենագեղեցիկ գոլերը: Թեկնածուները բավական շատ էին՝ գոլեր տուգանայիններից, հեռահար հարվածներ, մկրատ տեսակի գոլեր: Սակայն այն գոլը, որը մենք ընտրել ենք, թեպետ ինքնին ֆանտաստիկ չէ, սակայն մխրճված է բոլոր երկրպագուների հիշողության մեջ՝ անկախ թիմային նախապատվությունից: Բայց մինչև այդ՝ հայացք գցեք նախորդ ուրբաթների լավագույն գոլերից մի քանիսին:

Գոլային օրացույց #5. Ո՞վ է նոյեմբերի 30-ի լավագույն գոլի հեղինակը (տեսանյութ)

Գոլային օրացույց #7. Ո՞վ է դեկտեմբերի 14-ի լավագույն գոլի հեղինակը (տեսանյութ)

Գոլային օրացույց #14. Ո՞վ է մարտի 29-ի լավագույն գոլի հեղինակը (տեսանյութ)

Տրոյ Դինի vs «Լեսթեր»

Գաղտնիք չէ, որ Եվրոպայում մի շարք ֆուտբոլային առաջնություններ մրցաշրջանի ինչ որ հատվածից սկսած չեն ունենում այնպիսի ինտրիգներ, ինչպիսիք երկրպագուներն ակնկալում էին ի սկզբանե: Այդ իսկ պատճառով ֆուտբոլի իսկական սիրահարները նախըտրում են դիտել ոչ թե թոփ երկրների բարձրագույն դիվիզիոնների, այլև մեկ հարկ ներքևում մաքառող թիմերի մրցապայքարին: Հավատացեք՝ գրեթե միշտ Գերմանիայի կամ Անգլիայի՝ ուժով երկրորդ լիգաներում այնպիսի հանդիպումներ են անցկացվում, որ ուժեղագույնները կերազեն դրա մասին:

Անգլիայի երկրորդ դիվիզիոնի, կամ ինչպես մրցաշարն է կոչվում, Չեմպիոնշիփի 2012/2013 մրցաշրջանի եզրափակիչ հատվածում 4 թիմ պայքարում էր Պրեմիեր Լիգա մուտք գործելու համար (կանոնների համաձայն 1-ին և 2-րդ տեղը զբաղեցրած թիմերն ուժեղագույն դիվիզիոնի ուղեգիր ձեռք են բերում ավտոմատ կերպով, իսկ երրորդ ուղեգիրը վիճարկվում է 3-6-րդ հորիզոնականները զբաղեցրած 4 թիմերի միջև): Ձևավորված փոքրիկ մրցաշարում, որը մեկնարկում էր կիսաեզրափակիչից, «Ուտֆորդը» մրցում էր «Լեսթերի» հետ:

Դիմակայության առաջին խաղում «Լեսթերը» հաղթել էր 1-0 հաշվով: Երկորրդ խաղի 19-րդ րոպեին լուսատախտակին վառվում էր 1-1 հաշիվը, որն ավելի քան ձեռնտու էր «աղվեսներին»: «Ուտֆորդն» ամբողջ թիմով նետվեց գրոհի. անհրաժեշտ էր ևս 2 գնդակ խփել եզրափակիչ դուրս գալու համար: Ի վերջո, 65-րդ րոպեին Մատեյ Վիդրան առաջ մղեց տան տերերին: Դեռ մեկ գնդակ էլ պետք էր խփել: Մինչև հանդիպման հիմնական ժամանակի ավարտը դարպասի նոր գրավում չարձանագրվեց: Մրցավարն ավելացրեց ևս 4 րոպե…

Վերջին րոպեին Լեսթերը ստացավ 11 մետրանոց հարվածի իրավունք, որն իրացնելու համար ձգեց մոտ 2 րոպե ժամանակ: Հյուրերի կիսապաշտպան Անտոնի Նոկարը գնդակին մոտեցավ արդեն թուլացած՝ «իրացնեմ-չիրացնեմ՝ եզրափակիչում ենք» մտքով: Սակայն նրա հարվածից ու կրկնահարված հետո փայլեց «Ուոտֆորդի» դարպասապահ Մանուել Ալմունիան: Նա ոչ միայն հետ մղեց հարվածները, այլև ակամա սկսեց նոր գրոհ, որը գլխավոր մրցավարը թույլ տվեց ավարտել: Ո՞վ կարող էր մտածել, որ վայրկյաններ անց «Ուոտֆորդի» առաջատար Տրոյ Դինին գոլ կխփի ու….խելագարություն: Երբ բառերն անզորն լինում, օգնության է հասնում տեսանյութը:

Ի՞նչ եղավ հետո

  • «Ուոտֆորդը» դուրս եկավ Չեմպիոնշիփի փլեյ-օֆֆ, որտեղ սակայն պարտվեց «Քրիստալ Փելասին»:
  • Տրոյ Դինին անմիջապես դարձավ ակումբի երկրպագուների սիրելին, իսկ Ալմունիայի հեռանալուց հետո կրեց ավագի թևկապը:
  • Դինին այդ մրցաշրջանում խփեց 22 գնդակ ու դարձավ ակումբի պատմության երկրորդ ֆուտբոլիստը, որը 2 տարի անընդմեջ դառնում է 20+ գոլի հեղինակ:
  • Դինին 2 անգամ մերժել է Ճամայկայի հավաքականի հրավերը՝ հույս ունենալով խաղալ Անգլիայի ազգային թիմում, սակայն այդպես էլ հրավեր չստացավ:
  • Դինին փորձ է կատարել խաղալու Հյուսիսային Իռլանդիայի հավաքականում, սակայն մերժում է ստացել, որովհետև հյուսիսիռլանդական արմատներ չունի:

 

Հետևե՛ք VNews.am-ին նաև Youtube-ում և Instagram-ում:


Sky Sports. Մագուայրը «Լեսթերին» հայտնել է, որ ցանկանում է հեռանալ թիմից

Աղբյուր. «Յունայթեդը» 60 միլիոն ֆունտ կվճարի նոր ձեռքբերման համար, բուժզննումը՝ վաղը

Մանրամասներ Մագուայրի՝ «Մանչեսթեր Յունայթեդ» տեղափոխվելու վերաբերյալ

Ֆուտբոլի պատմության ամենաթանկ պաշտպա՞նը. «Մանչեսթեր Սիթին» նոր ռեկորդ է պատրաստում

«Մանչեսթեր Սիթին» հաղթում է «Մանչեսթեր Յունայթեդին» տրանսֆերային պայքարում

«Մանչեսթեր Յունայթեդը» կհրաժարվի Մագուայերին գնելու տարբերակից միայն մի դեպքում

«Սիթին» պատրաստ է «Լեսթերի» 2 ֆուտբոլիստի համար 125 միլիոն ֆունտ վճարել

Պոգբան անփոխարինելի չէ. «Լեսթերի» կիսապաշտպանը կարող է տեղափոխվել «Մանչեսթեր Յունայթեդ»

Համբարձումյանը պատմել է Անգլիայի չեմպիոնի կազմ չկայացած տեղափոխության մասին

«Աստոն Վիլան» Չեմպիոնշիփի փլեյ-օֆֆի եզրափակիչում հաղթեց «Դերբիին» ու կվերադառնա ԱՊԼ

Ինչպես է Գվարդիոլան խրատում Ստերլինգին՝ Անգլիայի գավաթը նվաճելուց հետո (տեսանյութ)

Անգլիական թրեբլ․ «Մանչեսթեր Սիթին» դարձավ գավաթակիր՝ ջախջախելով «Ուոտֆորդին» (տեսանյութ)

Անգլիայի գավաթի եզրափակիչ. «Մանչեսթեր Սիթին» հաղթում է առաջին խաղակեսից հետո (տեսանյութ)

«Մանչեսթեր Սիթի» – «Ուոթֆորդ». հայտնի են մեկնարկային կազմերը

Արտասովոր իրավիճակ․ «Յունայթեդը» «Սիթիին» երկրպագելու շատ ծանրակշիռ պատճառ ունի

Բիելսան հաղթեց Լեմպարդին, Տերիի թիմը կամային հաղթանակ տարավ․ Չեմպիոնշիփի փլեյ-օֆֆի առաջին փուլը (տեսանյութ)