fbpx

Գոլային օրացույց #3. Ո՞վ է նոյեմբերի 16-ի ամենագեղեցիկ գոլի հեղինակը (տեսանյութ)

Այսօր  հերթական ուրբաթն է: Իսկ դա նշանակում է, որ հերթական անգամ պետք է քչփորենք ֆուտբոլի պատմությունը, հիշենք, թե այս օրը՝ նոյեմբերի 16-ին (հին ու նոր տոմարով, անգամ) ինչ գեղեցիկ գոլեր են խփվել: Պտտվում ենք ամբողջ աշխարհով, բոլոր լիգաներով, դիտում ենք հարյուրավոր գնդակներ, ու, ի վերջո, գտնում ենք:

Սակայն մինչև այսօրվա գոլին անդրադառնալն առաջարկում եմ վերհիշենք մեր նախորդ ընտրածները: Դրանք ոչ պակաս գեղեցիկ, տպավորիչ ու կարևոր են:

Գոլային օրացույց. Ո՞վ է նոյեմբերի 2-ի ամենագեղեցիկ գոլի հեղինակը (տեսանյութ)

Գոլային օրացույց #2. Ո՞վ է նոյեմբերի 9-ի ամենագեղեցիկ գոլի հեղինակը (տեսանյութ)

Իսկ հիմա անդրադառնում ենք նոյեմբերի 16-ին: Եթե անկեղծ՝ երկրորդ պարագայում մի լավ տանջվեցինք, մինչև ընտրությունը կատարեցինք: Այս անգամ ընտրությունը հատկապես բարդ էր: Նոյեմբերի 16-ը մեկ-երկու անգամ եղել է աշխարհի կամ Եվրոպայի առաջնության անցումային խաղերի օր, և այդ ընթացքում խփվել են տպավորիչ գոլեր: Թուրքիա-Շվեյցարիա հանդիպման ընթացքում, թեպետ, գոլերը շքեղ չէին, բայց միայն այդ խաղը տեղով հուր ու կրակ էր:

Բայց չենք մոռանում՝ ինչի համար ենք հավաքվել: Վայելում ենք օրվա գոլը.

Գաբրիել Բատիստուտա 16.11.2002 

Արգենտինայի բոլոր ժամանակների լավագույն ռմբարկուն (այդ ժամանակ) քայլ առ քայլ մոտենում էր իր կարիերայի մայրամուտին: Թեպետ այս գոլը 4-րդն էր 33-ամյա հարձակվողի համար, սակայն «Ռոմայի» գլխավոր մարզիչ Ֆաբիո Կապելոն արդեն ոչ մի կերպ չէր վստահում Բատիգոլին: Արգենտինացին կիսատ-պռատ հանդիպումներում կարողանում էր կարևոր գոլեր խփել, սակայն նրա օգտակար գործողության գործակիցը խաղից խաղ նվազում էր:

Ստացած բազմաթիվ ծանր վնասվածքներից հետո Բատին չկոտրվեց ու շարունակեց ելույթները «Ռոմայի» կազմում: Առհասարակ 2002/2003 մրցաշրջանը նրա ու «Ռոմայի» համար հաջող չմեկնարկեց: Թիմը ոչ մի կերպ չէր կարողանում հաղթանակ տանել, իսկ սկզբունքային մրցակիցների դեմ խաղերում «գայլերը» հիմնականում անդեմ էին գործում. չէր օգնում անգամ Տոտտին: Ուզած-չուզած Կապելոն ապավինում էր «ծերուկ» Բատիստուտայի օգնությանը:

Հիշյալ խաղի երկրորդ կեսում Բաիստուտան փոխարինեց երիտասարդ Կասանոյին ու ընդամենը մի քանի րոպե անց ցույց տվեց բոլորին, թե ինչպես պետք է գործի մաքուր կենտրոնական հարձակվողը: Առաջ անցնելով Ֆաբիո Կանավարոյից՝ Բատին ճիշտ ժամանակին պարզեց ոտքն ու դարձավ գոլի հեղինակ: Առաջին հայասցքից կասեք «բայց սա ի՞նչ գոլ է որ»: Ինքը արգենտինացին հարցազրույցներում նշում է, որ այս գոլն իր կարիերայում ամենաբարդերից մեկն է:

«Այդ խաղում պետք էր դուրս գալ խաղադաշտ ու գոլ խփել: «Ինտերն» այդ տարի չեմպիոնական հավակնություններ ուներ: Մենք էլ: Այդ թիմում խաղում էին Իտալիայի առաջնության լավագույն պաշտպաններից եկուսը՝ Կանավարոն ու Կորդոբան: Դարպասում էլ իմ լավ ընկեր, զորեղ Տոլդոն էր: Ինձ հաջողվեց լավ դիրք ընտրել, բայց հարվածելու համար, միևնույնն է, պետք է ոտքս պտտեի մոտ 90 աստիճանով: Իսկ այդ ժամանակ նոր էի ապաքինվել հենց աջ ոտքի վնասվածքից: Չնայած բարդ դիրքին՝ ես արեցի դա», – ասել է Բատիստուտան:

Մի քանի փաստ այս գոլի մասին՝

  • Այս գոլը վերջինն էր Բատիստուտայի համար «Ռոմայի» կազմում: Խոսքը վերաբերում է Իտալիայի առաջնություններին: Դրանից հետո Բատիգոլը աչքի է ընկել «գայլերի» կազմում միայն Չեմպիոնների լիգայի՝ «Այաքսի» դեմ պարտված խաղում:
  • Այս գոլից հետո Մասիմո Մորատին («Ինտերի» նախկին նախագահ) հայտարարել է, որ Բատիստուտան լավագույն հարձակվողն է, ում նա երբեք չի կարողացել ձեռք բերել իր թիմի համար:
  • Ընդամենը 50 օր հետո Բատին վարձավճարով տեղափոխվեց «Ինտեր»՝ փոխարինելու վնասվածք ստացած Կրեսպոյին:
  • Այս գոլը դարձավ ռեկորդային՝ 16-րդը «Ինտերի» դարպասը: Ոչ մի թիմի նա ավելի շատ գոլ չի խփել: Ընդ որում այդ գոլերից միայն 3-ն է Բատիստուտան խփել 11 մետրանոցից:

Հետևե՛ք VNews.am-ին նաև Youtube-ում և Instagram-ում:


Յուրի Ջորկաեֆի լավագույն 10 գոլերն «Ինտերի» կազմում (տեսանյութ)

Ռոնալդոն այսօր կվերադառնա «Կամպ Նոու» մարզադաշտ

«Ինտերի» երկրպագուները Իկարդիի կնոջ ավտոմեքենայի վրա են հարձակվել

Marca. «Ռեալը» չի գնում Իկարդիին մեկ պատճառով

Մոուրինյո․ «Նեյմարը լավագույն բրազիլացին չէ Պելեից հետո, չպետք է մոռանալ Ռոնալդոյին ու Ռիվալդոյին»

Թոփ-5 ֆուտբոլային խաղ, որ պետք է դիտել հանգստյան օրերին. Ստացե՛ք նվեր Vivaro-ից

Սա արդեն լուրջ է. «Ինտերը» մտածում է ամռանը Իկարդիին վաճառելու մասին

Եվ ուրեմն պատերազմ. Իկարդիի պատասխան խայթոցը «Ինտերին»

«Սևիլիան» հաղթեց «Լացիոյին», «Ինտերը» հաղթանակ տարավ Ավստրիայում, այլ արդյունքներ

Կուրտուան, Վերատին ու ևս 2 ֆուտբոլիստ հավակնում է ՉԼ-ի շաբաթվա խաղացող մրցանակին

Ռեմսին մերժել է «Ռեալին» և «Բարսելոնային» հանուն «Յուվենտուսի»

«Ինտերը» կարևոր որոշում է կայացրել Իկարդիի վերաբերյալ

Լեգենդների հետքերով. Մբապեն Չեմպիոնների լիգայում հավասարվել է Ռոնալդոյին և Զիդանին

Զիդանը կարող է գլխավորել լոնդոնյան ակումբներից մեկը

«Ռոման» իր 19-ամյա աստղի դուբլի շնորհիվ հաղթեց «Պորտուին» (տեսանյութ)

«Ռոմա» – «Պորտու»․ Հայտնի են մեկնարկային կազմերը