fbpx

Գոլային_օրացույց#12. Ո՞վ է փետրվարի 15-ի ամենագեղեցիկ գոլի հեղինակը (տեսանյութ)

Փետրվարի 15-ին, Սուրբ Վալենտինի օրվա թոհուբոհից հետո ի՞նչը կարող է ավելի հանգստացնող լինել: Իհարկե ուրբաթը: Իսկ մեզ մոտ՝ VNews-ում, ուրբաթը գոլային օրացույցը թերթելու օր է: Առաջիկա շաբաթ-կիրակի օրերին տեղի կունենան հանդիպումներ, որոնց պետք է պատրաստվել լավագույն կերպով: Իսկ էլ ինչպես, եթե ոչ վերհիշելով անցյալի լավագույն գոլերը: Մանավանդ նրանք, որոնք խփվել են փետրվարի 15-ին:

Բայց նախ առաջարկում ենք ծանոթանալ մեր շարքի նախորդ գոլերից մի քանիսին, հետո նոր անցնել այսօրվա հերոսին/հերոսներին:

Գոլային_օրացույց#11. Ո՞վ է փետրվարի 8-ի ամենագեղեցիկ գոլի հեղինակը (տեսանյութ)

Գոլային օրացույց #3. Ո՞վ է նոյեմբերի 16-ի ամենագեղեցիկ գոլի հեղինակը (տեսանյութ)

Գոլային_օրացույց_#10. Ո՞վ է հունվարի 18-ի ամենագեղեցիկ գոլի հեղինակը (տեսանյութ)

Գոլային_օրացույց#6. Էմրեի շքեղ գոլերն ու Կլաուդիո Լոպեսի թրենդային պարը (տեսանյութ)

Կազեմիրո VS «Նապոլի»

2016/2017 մրցարջանում «Ռեալը» հանդիսանում էր Չեմպիոնների լիգայի գործող գավաթակիրը: Վիճակագրության համաձայն՝ փլեյ-օֆֆ փուլերից մեկում, առավելագույնը եզրափակիչում, «Ռեալը» պետք է դուրս մնար պայքարից. չէր եղել դեռևս թիմ Լիգայի պատմության ընթացքում, որը կարողացել է պահպանել հաղթողի տիտղոսը: Իսկ երբ պարզ դարձավ, որ «Ռեալի» մրցակիցը պիտի լիներ «Նապոլին», այդ խոսակցություններն ավելի շատացան:

Չեմպիոնների լիգայի 1/8 եզրափակիչ առաջին հանդիպման մեկնարկում «Նապոլին» անհամեմատ ավելի լավ տեսք ուներ: Համենայն դեպս մինչև սեփական դարպասը գնդակ ընդունելը: Բայց մինչև այդ նեապոլցիները նաև հասցրին «Ռեալին» պատժել գոլով: Լորենցո Ինսինյեն հեռու տարածությունից կատարած գեղեցիկ հարվածով անակնկալի բերեց դիրքը կորցրած Կեյլոր Նավասին:

Դրան «Ռեալը» չդիմացավ: «Ո՞նց թե, դուք մեզ գոլ խփե՞ք: Մեր դաշտու՞մ: Այն էլ առաջի՞նը»: Մոտավորապես այս խոսքերն էին պտտվում «Արքայական ակումբի» ֆուտբոլիստների գլխում: Գոլ բաց թողնելուց 10 րոպե անց Բենզեման իջեցրեց նեապոլցիներին երկնքից, իսկ երկորդ կեսի մեկնարկում Տոնի Կրոսը հիշեցրեց բոլորին, որ բացի ֆուտբոլից նաև գերազանց բիլիարդ է խաղում (երևի), որովհետև նման հարվածները կարելի է կատարել բիլիարդում:

Իսկ հետո հերթը հասավ Կազեմիրոյին: Գոլ խփելուց հետո «Ռեալը» չնստեց սեփական կիսադաշտում, այլ շարունակեց վիրավոր գազանի տապալման օպերացիան: Իտալիայի «հարավի տաքարյուն ժողովորդը» շնչակտւոր հետ էր մղում մրցակցի գրոհներն ամեն կերպ՝ օդով, ջորվ, ցամաքով: Ի վերջո, այդպիսի գրոհներից հերթականը հետ մղելուց հետո գնդակը նստեց ուղիղ Կազեմիրոյի ոտքին: Բրազիլացու հարվածն ու գոլը կարծես վերածննդի դարաշրջանի կատարյալ նկար լինի: Որքան նայում ես՝ չես կշտանում:

Այս գոլով վճռվեց հանդիպման ելքը: Այն վերջինն էր Մադրիդում: Դրանից հետո տեղի ունեցող իրադարձությունները կարելի է ձևակերպել լրիվ այլ ոճով:

«Նեապոլցիները կրակոցից հետո հայտնվեցին վերակենդանացման բաժանմունքում, որտեղ անցկացրին մեկ շաբաթ: Կարճ ժամանակով նրանք եկան գիտակցության, սակայն Մադրիդի «գլխակերները» ևս 3 գնդակ ուղարկեցին նրանց դարպասը, ինչից 45 րոպե անց, նեապոլցիները, գիտակցության չգալով, մահացան»:

Իսկ ավելի ստույգ՝

  • Պատասխան խաղում «Նապոլին» ևս առաջինը հասավ հաջողության, սակայն դարձյալ 3 գնդակ ընդունեց սեփական դարպասն ու պարտվեց ընդհանուր 2-6 հաշվով:
  • Արդյունքում՝ Մադրիդի «Ռեալը» այդ տարի ևս դարձավ Չեմպիոնների լիգայի գավաթակիր՝ դառնալով պատմության առաջին ակումբը, որը հասել է նման արդյունքի:
  • Հաջորդ տարում ևս:
  • Կազեմիրոյի այս գնդակը ճանաչվեց երկրորդ լավագույնը Չեմպիոնների լիգայի այդ տարվա խաղարկությունում՝ զիջելով միայն Մանջուկիչի գոլին, որը խորվաթը խփել էր «Ռեալին» եզրափակիչում:
  • Այդ տարվա եզրափակիչում Կազեմիրոն դարձյալ գոլի հեղինակ դարձավ հեռահար հարվածով:

 

Հետևե՛ք VNews.am-ին նաև Youtube-ում և Instagram-ում:


Աղբյուր․ Մինո Ռայոլան աշխատում է Պոգբայի «Յունայթեդից» հեռանալու շուրջ

Հայտնի է «Ռեալի» փետրվար ամսվա լավագույն ֆուտբոլիստը

Զիդանը հայտնել է Ասենսիոյին, որ նա առանցքային դեր է խաղալու վերակառուցվող «Ռեալում»

«Մանչեսթեր Յունայթեդը» 60 միլիոն եվրո է առաջարկել «Ռեալի» աստղի համար

Marca. Պոգբան մտադիր է տեղափոխվել «Ռեալ»

Աղբյուր․ Մբապեն մնում է «Ռեալի» գլխավոր տրանսֆերային նպատակը

Բեյլ. «Ռոնալդուի հետ երբեք խնդիր չեմ ունեցել, նրա հետ խաղալը վայելք էր»

Ազար. «Զիդանը իմ կուռքն է, նրա շնորհիվ եմ սկսել ֆուտբոլ խաղալ»

Վարանը հայտնել է թիմակիցներին իր վերջնական որոշման մասին

Վարանը խոսել է «Ռեալից» հեռանալու մասին

Կովաչիչը չի ցանկանում վերադառնալ «Ռեալ», իսկ «Չելսին» տրանսֆերային արգելքի պատճառով չի կարող գնել նրան

Հայտնի է Իսկոյի և Սոլարիի միջև վեճի հիմնական պատճառը

Էմրե Ջան․ «Սիմեոնեի ժեստից հետո Ռոնալդուն կարող էր տոնել մեր հաղթանակը, ինչպես ցանկանար»

«Ռեալը» նոր թիրախ ունի՝ Ազարի տրանսֆերը չհաջողելու դեպքում

ՈւԵՖԱ-ն որոշում է կայացրել պատժել Ռոնալդուին Սիմեոնեին ուղղված ժեստի համար

«Նապոլին» ցանկանում է ձեռք բերել «Ռեալի» միանգամից 3 ֆուտբոլիստի