Գոլային_օրացույց_#21. Ո՞վ է հունիսի 14-ի ամենագեղեցիկ գոլի հեղինակը (տեսանյութ) - VNews
Բաժիններ

Գոլային_օրացույց_#21. Ո՞վ է հունիսի 14-ի ամենագեղեցիկ գոլի հեղինակը (տեսանյութ)

#Գոլային_օրացույց շարքը վերադառնում է՝ շաբաթական մեկ անգամ ձեր ուշադրությանը տվյալ օրվա (մենք ընտրել ենք ուրբաթը) լավագույն գոլը ներկայացնելու: Մենք հիմնականում փորձում ենք այնպիսի գոլ ընտրել, որը ոչ միայն գեղեցիկ է, այլ նաև իր հետ կապված ունի որևէ պատմություն:

Այսօրվա մեր ընտրած գոլը լրիվ ռետրո է։ Թեպետ, նայած ում համար։ Նրանք, ովքեր հետևել են 90-ականների ֆուտբոլին, այս գնդակը քաղցր մանկությունից մի կտոր է։ Գուցե ոմանց համար սա պարզապես գոլ է, սակայն հավատացեք՝ ֆուտբոլից էսթետիկ հաճույք ստացողներն այս գոլը համարում են այդ տարվա ֆուտբոլային գլխավոր ստուգատեսի լավագույնը։ Ու հարցն այստեղ միայն հարվածն ու գոլը չեն։

Երկրպագուների վարկածով 2000 թվականի Եվրոպայի առաջնությանը մասնակցած Իտալիայի հավաքականը լավագույնն է եղել ընտրանու պատմության մեջ (անգամ ավելի լավը, քան 2006-ին, երբ թիմը դարձավ աշխարհի չեմպիոն)։ Հազարամյակի խաչմերուկի գլխավոր մրցաշարին հայտավորված յուրաքանչյուր ֆուտբոլիստ համարվում էր իր դիրքի լավագույն ներկայացուցիչներից մեկը աշխարհի ու Եվրոպայի մակարդակով․․․

ԵՎՐՈ-ի մեկնարկից առաջ «Սկուադրա Աձուրան» վնասվածքի պատճառով կորցրեց Ջանլուիջի Բուֆոնին, կազմից դուրս մնացին Ռոբերտո Բաջոն ու Ռոբերտո Մանչինին, ինչը շանս տվեց երիտասարդ Ստեֆանո Ֆիորեին ու Ֆրանչեսկո Տոտիին ամրապնդվել մեկնարկային կազմում։ Շվեդների, թուրքերի ու բելգիացիների հետ միևնույն խմբում խմբում ընդգրկվելով՝ Իտալիայի ընտրանին իրավունք չուներ սայթաքելու, այն էլ նման հիասքանչ կազմով։

Դժվարությամբ հաղթելով Թուրքիային Ֆիլիպո Ինձագիի սիմուլյացիայի շնորհիվ՝ իտալացիները լիարժեք կերպարանափոխվեցին տան տեր Բելգիայի հավաքականի հետ խաղում։ Գերազանց գործելով պաշտպանությունում՝ «մակարոնագործները» զուսպ, բայց մահացու խայթոցներով ծակում էին մրցակցին։ Որքան էլ որ տանջվեր դարպասապահ Ֆիլիպ դե Վիլդեն, Տոտիի ու, հատկապես, Ֆիորեիի հարվածներից հետո անզոր էր։

2000 թվականի դրությամբ «Ուդինեզեի» ֆուտբոլիստը գնդակը ձախ թևում ստանալուց հետո շարժվեց առաջ, մոտեցավ տուգանային հրապարակին։ Հետո խնդիրները մրցակիցների տեսքով շատացան։ Ֆիորեն բաժանվեց գնդակից ու այն փոխանցեց Ֆիլիպո Ինձագիին։ Երիտասարդ հարձակվողն արագ կողմնորոշվեց ու պարզապես էլեգանտ կերպով թողեց գնդակը վրա եկող Ֆիորեին։ Վերջինս էլ ընթացքից պտտեցրած հարվածով գրավեց դե Վիլդեի դարպասը։ Գեղեցկություն, որը բնութագրելու համար Մեսրոպ Մաշտոցե պետք է մի 50-100 տառ ավելին ստեղծեր․․․

Ի դեպ․

  • Ստեֆանո Ֆիորեի համար սա ընդամենը 7-րդ հանդիպումն էր Իտալիայի ընտրանու կազմում
  • Բելգիայի ընտրանու դարպասն ուղարկած գնդակն առաջինն էր նրա միջազգային կարեիրայում
  • Ֆիորեն մասնակցեց Եվրոպայի առաջնության բոլոր հանդիպումներն
  • Իտալիայի ընտրանին հասավ եզրափակիչ, որտեղ Դավիդ Տրեզեգեն լրացուցիչ ժամանակում խփած «ոսկե գոլով» հաղթանակ պարգևեց Ֆրանսիային։

Միացի՛ր հայկական ամենասպորտային Instagram-ին:


«Եթե նա չլիներ, ես չէի խփի այդ փառահեղ գոլը». Բեքհեմի ու փոքրիկ աղջկա ոգեշնչող պատմությունը

Դարձե՞լ է Ֆրանսիայի հավաքականի հետ աշխարհի ու Եվրոպայի չեմպիոն, թե՞ ոչ. VNews-ի Quiz-ը

#Կարոտախտ_17. Ինչպես Զիդանն ու Ֆիգուն զարդարեցին Եվրո 2000-ը (տեսանյութ)

Կարոտախտ_#16. «Լակորունյան ռեմոնտադա». Ինչպե՞ս «Դեպորտիվոն» ոչնչացրեց «Միլանին» ու արեց դարի քամբեքը (տեսանյութ)

Կարոտախտ_#15. Եվրոների ամենաէպիկ խաղերից մեկը, թվագիտությունն ու Տոլդոն

«Ռոման» իր սկուդետոյի համար պարտական է լրագրողին». Ա սերիայի ամենաաղմկահարույց տրանսֆերի չլսված պատմությունը

5 ֆուտբոլիստ, որ պետք է «Ոսկե գնդակին» արժանանային՝ ըստ Ռոնալդոյի

Ֆելիպե Մելոյի կոշտ արձագանքը Կիելինիի խոսքերին

Թվեք 21-րդ դարի աշխարհի չեմպիոն հավաքականների կազմերը. VNews-ի Quiz-ը

Տոտի. «Նա դառնալու է աշխարհի լավագույն կիսապաշտպաններից մեկը»

Կարոտախտ_#13. «Ասք երկաթյա մարդու մասին». Ինչպես էին վիրահատում Ստամին ԵՎՐՈ 2000-ի խաղի ժամանակ

Կանավարոն «Ռեալի» ղեկը մի օր ստանձնելու հույս է հայտնել

«Պուպո՞ւշ քայլ, թե՞ լրջագույն մեսիջ». Ինչո՞ւ են ֆուտբոլիստները խաղադաշտ դուրս գալիս երեխաների հետ

Տոտին պատմել է, որ կարող էր խաղալ «Լացիոյում», ու թե ինչպես է ընտրել «Ռոման»

Մատերացի. «Նրանք պետք է համբուրեին այն խոտը, որի վրայով քայլել եմ»

Տոտի․ «Քանի դեռ Պալոտան նախագահն է, «Օլիմպիկոյի» խոտածածկի վրա անգամ չեմ բարձրանա»