fbpx
Բաժիններ

Grand Chess Tour. Լևոն Արոնյանը նվաճեց գլխավոր մրցանակը 

Լևոն Արոնյանի հաղթանակով ավարտվեց Սենթ Լուիսում կայացած Grand Chess Tour մրցաշարի 4-րդ փուլը, որում 10 մասնակիցներն իրենց հարաբերությունները պարզեցին արագ և կայծակնային շախմատի մրցախաղերում:

Թեև կայծակնային մրցաշարի երկրորդ շրջանն անհաջող սկսվեց Լևոն Արոնյանի համար, որը պարտվեց Սերգեյ Կարյակինին, սակայն հաջորդ երկու պարտիաներում հայ գրոսմայստերը հաղթեց Շահրիյար Մամեդյարովին և  Դին Լիժենին:

Հաջորդ 3 պարտիաներում Լևոնը հաշտություն կնքեց  Ֆաբիանո Կարուանայի, Յու Յանգիի և Լենիեր Դոմինգեսի հետ: 7-րդ տուրում Արոնյանը հաղթեց Ռիչարդ Ռապպորտին, այնուհետև ոչ-ոքի խաղալով Մագնուս Կառլսենի հետ, ավարտական տուրից առաջ արդեն անհասանելի դարձավ մրցակիցների համար: Ուստի վերջին տուրում Մաքսիմ Վաշիե-Լագրավից կրած պարտությունն այլևս նշանակություն չուներ:

Այսպիսով, Արոնյանն արագ և կայծակնային շախմատի մրցախաղերում վաստակած 22 միավորով դարձավ Grand Chess Tour մրցաշարի 4-րդ փուլի հաղթող և պարգևատրվեց 37500 դոլարով: 21,5-ական միավորով հաջորդ տեղերը զբաղեցրին Յու Յանգին, Դին Լիժենն ու Մաքսիմ Վաշիե-Լագրավը, որոնք 20 հազարական դոլար վաստակեցին: Աշխարհի գործող չեմպիոն Մագնուս Կառլսենը 17 միավորով զբաղեցրեց 6-րդ հորիզոնականը:

Այս հաղթանակի համար Արոնյանը Grand Chess Tour-ի մրցաշարում 13 միավոր ստացավ: Ընդհանուր հաշվարկով նա 24 միավորով բարձրացավ 3-րդ հորիզոնական: Աղյուսակը 38 միավորով գլխավորում է Մագնուս Կառլսենը, որին հաջորդում է Մաքսիմ Վաշիե-Լագրավը (33,3): Նշենք, որ Արոնյանն առայժմ Grand Chess Tour-ի 4 փուլերից միայն 2-ին է մասնակցել:

Մի քանի օր անց շախմատիստներին Սենթ Լուիսում նոր փորձություն է սպասում: Օգոստոսի 17-28-ը Grand Chess Tour-ի 5-րդ փուլում 12 շախմատիստները կվիճարկեն Սինգֆիլդի գավաթը: Դասական շախմատի այդ մրցաշարում Լևոն Արոնյանը կմրցի Մագնուս Կառլսենի, Մաքսիմ Վաշիե-Լագրավի, Ֆաբիանո Կարուանայի, Դին Լիժենի, Սերգեյ Կարյակինի, Շահրիյար Մամեդյարովի, Անիշ Գիրիի, Ուեսլի Սոյի, Յան Նեպոմնյաշչնու, Վիշվանաթան Անանդի և Հիկարու Նակամուրայի հետ:

Արոնյանը մրցաշարը կսկսի Մաքսիմ Վաշիե-Լագրավի հետ մրցախաղով: Մրցաշարի մրցանակային ընդհանուր հիմնադրամը 325 հազար դոլար է, որից 90 հազարը կստանա հաղթողը:

 

 

 

 

Միացի՛ր հայկական ամենասպորտային Instagram-ին:


Հայ շախմատիստներից լավագույնը կրկին Լևոն Արոնյանի արդյունքն է

Հայ շախմատիստներից լավագույնը Գաբրիել Սարգսյանի արդյունքն է

Կառլսենից կրած միակ պարտությունն Արոնյանին զրկեց աշխարհի չեմպիոնի տիտղոսից

Հայ շախմատիստներից լավագույնն առայժմ Արոնյանի արդյունքն է

Առավել հաջողն Արոնյանի, Սարգսյանի ու Մելքումյանի մեկնարկն էր

Կհաջողվի՞ Արոնյանին կրկնել 9-ամյա վաղեմության իր նվաճումը

Շախմատի աշխարհի չեմպիոն Մագնուս Կառլսենը Պրեմիեր լիգայի ֆենթզի ֆուտբոլի առաջատարն է

Grand Chess Tour. Արոնյանը պարտվեց Կառլսենին՝ բավարարվելով 40 հազար դոլարով

Grand Chess Tour. Արոնյանին չհաջողվեց ռևանշի հասնել Կառլսենի նկատմամբ

Grand Chess Tour. Արոնյանը պարտությամբ սկսեց Կառլսենի հետ մրցախաղը

Grand Chess Tour. Արոնյանը պարտվեց Լիժենին ու կպայքարի 3-րդ տեղի համար

Grand Chess Tour. Արոնյան-Լիժեն մրցախաղում առայժմ հավասարակշռություն է

Grand Chess Tour. Արոնյանը մեկնարկեց ոչ-ոքիով

Լևոն Արոնյանը Լոնդոնում կվիճարկի Grand Chess Tour-ի չեմպիոնի տիտղոսը

Լևոն Արոնյանը կմասնակցի Grand Chess Tour-ի եզրափակիչ փուլին

Tata Steel Chess India. Լևոն Արոնյանն անհաջողության մատնվեց կայծակնային մրցախաղում