Հաղթողը որոշվեց լրացուցիչ գործակիցների հաշվարկով

Գրոսմայստերներ Մանուել Պետրոսյանն ու Սամվել Տեր-Սահակյանը հաջող հանդես եկան Հնդկաստանի Մումբայ քաղաքի քաղաքապետի գավաթի 12-րդ խաղարկությունում՝ մնալով անպարտելի: Մանուել Պետրոսյանը 10 հնարավորից վաստակած 8 միավորով տաջիկ գրոսմայստեր Ֆարուխ Ամոնատովի հետ ցույց տվեց լավագույն արդյունքը և միայն լրացուցիչ գործակիցներով նրան զիջեց գլխավոր մրցանակը:

Հետաքրքիր է, որ ավարտական տուրից առաջ Մանուել Պետրոսյանը 7,5 միավորով միանձնյա առաջատարն էր, որին 7-ական միավորով հետապնդում էին 7 շախմատիստներ: Նրանց թվում էր նաև Սամվել Տեր-Սահակյանը:

Նշված շախմատիստներից ավարտական տուրում հաղթանակ տոնեց միայն Ֆարուխ Ամոնատովը: Պետրոսյանը հաշտություն կնքեց Լուկա Պայչաձեի հետ, Տեր-Սահակյանը ոչ-ոքի խաղաց Լևան Պանցուլայայի հետ:

Միացի՛ր հայկական ամենասպորտային Instagram-ին: