Հաքիմիի գործակալն ասել է, թե որտեղ է իր հաճախորդը խաղալու հաջորդ տարի

Դորտմունդի «Բորուսիայի» պաշտպան Աշրաֆ Հաքիմիի՝ վարձավճարային հիմունքներով կնքված պայմանագիրը մոտենում է ավարտին։ Մարոկկոյի հավաքականի ֆուտբոլիստի գործակալ Ալեխանդրո Կամանոն հայտարարել է, որ այն չի երկարաձգվելու։

Կամանոյի պնդմամբ, այս օրերին նա ստացել է առաջարկ Միլանի «Ինտերից», սակայն ինքն ու Հաքիմին մերժել են այդ առաջարկը քանի որ «Ռեալն» ու անձամբ Զինեդին Զիդանը դեմ չէ Հաքիմիի վերադարձին։ Հաղորդվում է, որ Հաքիմին մերժել է նաև «Բավարիայի», ՊՍԺ-ի, «Յուվենտուսի» ու «Չելսիի» առաջարկները։

Հավելենք, որ Աշրաֆ Հաքիմին վերջին երկու մրցաշրջանները վարձավճարով անցկացրել է Դորտմունդի «Բորուսիայի» կազմում։

Միացի՛ր հայկական ամենասպորտային Instagram-ին: