Հակոբ Սերոբյանն ու Արթուր Դավթյանն ամփոփել են մարմնամարզության Հայաստանի առաջնությունը

Խաղի մանրամասները

տուր

01 Հունվար 1970 - 07:54

-

-

Կատարել Խաղադրույք

Ինչպես արդեն տեղեկացրել ենք, Օլիմպիական խաղերի չեմպիոններ Հրանտ Շահինյանի և Ալբերտ Ազարյանի անվան մարզադպրոցներում ավարտվեց սպորտային մարմնամարզության տղամարդկանց և կանանց Հայաստանի առաջնությունները:

Մարմնամարզության Հայաստանի հավաքականի գլխավոր մարզիչ Հակոբ Սերոբյանը և Հայաստանի հավաքականի անդամ Արթուր Դավթյանն ամփոփել են մրցաշարը լրագրողների հետ զրույցում:

«Մարմնամարզիկների ելույթները Հայաստանի առաջնությունում գնահատում եմ լավ: Նրանք երկար ժամանակ չէին մարզվել: Ուրախ եմ Արթուր Դավթյանի համար, որն իսկական պրոֆեսիոնալ է:

Ուրախ եմ Հարություն Մերդինյանի համար, ում տարիքն արդեն մեծ է, բայց բարդացնելով իր իսկ վարժությունը՝ այն լավ կատարեց:

Հեռանկարային է Համլետ Մանուկյանը, որը դեռևս 13 տարեկան է: Ընդհանուր առմամբ հավաքականն իմ սպասելիքներից ավելի լավ հանդես եկավ»,- ասել է Հակոբ Սերոբյանը:

Անդրադառնալով Տոկիոյի ՕԽ-ում Հայաստանի միակ մասնակից Արթուր Դավթյանին՝ Սերոբյանը մասնավորապես շեշտեց. «Այս առաջնությունում Դավթյանը կատարեց այն վարժությունը, որով նա հանդես կգա Օլիմպիական խաղերին, բայց դեռ շատ աշխատանք ունենք կատարելու»:

«Հայաստանի առաջնությունից առաջ մարզավիճակս լավը չէր: Մի քիչ էլ հիասթափված էինք, քանի որ սպասում էինք, որ կմասնակցենք աշխարհի գավաթի խաղարկությանը, բայց այն չեղարկվեց:

Եթե անկեղծ, կարծում էի՝ վատ կմասնակցեմ այս առաջնությանը, բայց վատ չէր: Ինձ համար կարևոր էր հենացատկերի վրա լավ հանդես գալը»,- ասել է Արթուր Դավթյանը:

Մարմնամարզության Հայաստանի առաջնության մրցումային երկրորդ օրը՝ VNews-ի ֆոտոշարքում

Միացի՛ր հայկական ամենասպորտային Instagram-ին: